RYHPACHANEINA 5:29 - Mara Bible RV (BSI)

²⁹ Aw, he hawhpa palôh he khâ ama phaoh tyh mawh sala, na chipa ta, ei biepiepazy zyh aw ei ta, âmo nata ama pathlazy chhâzaw ta thlaochhipa ta ama y awpa tlai!

RYHPACHANEINA 5:29 ပူးပေါင်းရင်းမြစ်များ

1 THÂTIHZYRONA 29:18

Hy Abeipa, miah pathlatuhpa Abarahâ, Aisika nata Izarei Khazohpa y, he hawhpa achhuahnazy nata pachânazy he na phopi palôh liata khâ paysa la, ama pathipalôhzy nâ lâ khâ paheisa mah y.

HLAZY 106:3

Adona a duakheipazy cha nohlao ei ta, Khatino rai ta a siapa ta hmo a taopazy ama nohlao tyh.

HLAZY 19:11

Chazy chata châ chakaotuhpa he zikyu nâ râ chi ta, Chazy a zyhpa cha lymâ rônahpa a dao aw.

HLAZY 19:12

Ahy ma ano taochheipazy a pahno thei tly? Ei pahno leipa paraonazy nâ ngiahthai mah y.

HLAZY 78:7

Ama hnabeiseihna Khazohpa liata pahnieh aw ei ta, Khazohpa hmotaopazy my leipa ta, A biepiepazy ama zyh lymâ aw.

HLAZY 81:16

Nâ deikua cha sâh pahâh chaipa ta cha pasa aw na ta, Lôpanô tawhta kheihti ta lôhrâ ei cha patlô aw.”

ISAI 3:10

Mosiapazy cha ama châta a pha aw tahpa chho mah y, Ama hmotaopa theilâpa ama nie aw.

ISAI 48:18

Ei biepiepazy na vaw nathlie ha mawh sala, Na thlalôhna chavah hawhta châ aw ta, Na siana tilaipi chatlaopa hawhta a châ awpa tlai!

ZEREMIAH 42:6

A phapa a châpa chhao ta, a chhiepa a châpa chhao ta, eima cha tuana Abeipa eima Khazohpa bie cha eima zyh aw. Abeipa eima Khazohpa bie eima zyhpa cha eima châta a pha aw,” tah ei ta.

ZEREMIAH 44:4

Chatahrasala nâ chakaotuhpa hrohsopazy nâmo lâ khâ vaw tuah ei na ta, ‘He hmo pasichhihpa ei hao ngaitapa he tao khao khuh vy!’ tahpa ta ama cha chho chanei ngâ thlâh ha.

MATHAI 23:37

“Hy Zerusale, Zerusale, hrohsopazy thie chi ta, nâ lâta tuapazy alô ta a vawhsaotuhpa khihpi! Awhpanô ta a tachhihzy a mathlaw ry liata a pahmaohpa hawhta, na sawzy pahmaoh a chhuah tyh na ta, châhrasala khoh va chi!

LUKA 11:28

Châhrasala Zisu ta, “Khazohpa bie thei ta a zyhpazy cha chyhsa nohlao hmeiseihpazy tlao ama châ,” tah ta.

LUKA 19:42

“Aw, nâma ta, nâma tlai ta, na thlalôhna châta hmotaopazy he tanoh pahno thai mawh la ei tah kaw dia! Châhrasala tahmâ la na mohmô tawhta nyupa a châ haw.

ZAWHÂNA 15:14

Bie ei cha piepa maih nama tao khiahta la, ei viasazy nama châ.

2 KAWRINI 5:20

Chavâta Krista lyuhchâpazy châ pi ta, Khazohpa ta keimo miah hmâpa ta a châ haw ei. Khazohpa nata a ryhpa ta y awpa ta, Krista vyuhpa ta eima châ haw.

2 KAWRINI 6:1

Khazohpa ngiachhiena cha hraoleipa nama pachâsa lei nawpa ta, Khazohpa hrialâhpazy ta eima châ haw.

EPHESI 6:3

na châta pha aw ta, alei liana heta na hro a pareih aw,” tahpa he bietai byhnâ a hneipa biepiepa hmiatuachaipa a châ.

RYHPACHANEINA 10:12

“Chavâta Hy Izarei, Abeipa nama Khazohpa ta a châ hnawpa ei cha khâpa hropa châ leipa ta, Abeipa nama Khazohpa cha chipa ta, a lâpi zydua a chhih ta, ano kyhpachâ ta, nama pathipalôh tlokhuh ta nata nama thlahpa tlokhuh ta Abeipa nama Khazohpa cha chakao ta,

RYHPACHANEINA 10:20

Abeipa nama Khazohpa cha chi aw chi ta, ano chakao aw chi ta, ano cha khâchâ patu aw chi ta, ano moh ta bie namâ taih awpa a châ.

RYHPACHANEINA 11:1

“Chavâta Abeipa nama Khazohpa cha kyh pachâ u la, â hnawpazy, a bieraopazy, a pachianazy nata a biepiepazy khâ nama zyh awpa a châ.

RYHPACHANEINA 12:25

Thisaih nama nie awpa châ vei. Cha cha Abeipa mohmô ta hmo dopa nama taopa châ aw ta, nâmo nata nama pathla vaw y lymâ awpazy châta a pha aw.

RYHPACHANEINA 12:28

Cha bie ei cha piepa zydua ei cha pakhâta ta nathlie u la, zyh muh vy. Chatanachata Abeipa nama Khazohpa mohmô ta hmo phapa nata hmo dopa nama taopa châ aw ta, nâmo nata nama pathla vaw y lymâ awpa chhâ zydua châta a pha aw.

RYHPACHANEINA 19:13

Nama ngiachhie awpa châ vei. Paraona a hnei leipa thisaih a palopa vâta, thaileichâna cha Izarei tawhta nama pasipathai awpa a châ. Chatanachata nama châta a pha aw.

RYHPACHANEINA 22:7

A panô pathlie aw ei chi ta, a taw deikua nama la thei. Nama châta pha aw ta, nama hro a pareih aw.

RYHPACHANEINA 4:10

Hôribâ liata Abeipa nama Khazohpa hmiakô liata namâ dua noh kha a thei thlâh ha teh u. Abeipa ta ei hnohta, ‘Zawpizy ei hmiakô liata awpakhy teh. Ei biezy ei pahnosa aw ei. Chatanachata alei chô liata ama hro chhôh zydua ta na chi awpa ta a chu aw ei ta, ama sawzy chhao ama pachu pachhuah thei aw,’ tah ta.

RYHPACHANEINA 4:2

Bie ei cha piepa ei kha baichha leipa u la, thy bâ hra leipa u la, Abeipa nama Khazohpa biepiepa nama hnohta ei cha pie pachhuahpazy he zyh muh vy.

RYHPACHANEINA 4:40

Chavâta a bieraopa nata a biepiepa tanoh ta ei cha piepazy ei he nama zyh awpa a châ. Chatanachata nâmo nata nama pathlazy châta pha aw ta, Abeipa nama Khazohpa ta chhâzaw châta râh a cha piepa lia ei ta nama hro a pareih aw,” tah ta.

RYHPACHANEINA 5:16

“Abeipa na Khazohpa ta bie a cha piepa hawhta, na nô nata na paw palyupalih teh. Chatanachata Abeipa ta râh a cha piepa liata vânoh to aw chi ta, na hro a pareih aw.

RYHPACHANEINA 5:30

Vawh la, ama hnohta, “Nama poh ozy lâ a di teh u,” kei tah teh.

RYHPACHANEINA 5:33

Abeipa nama Khazohpa lâpi a chhih aw ei chi ta, a biepiepa zydua nama zyh awpa a châ. Chatanachata hroh aw ei chi ta, nama châta pha aw ta, nama hnei awpa râh liata thlaochhipa ta y aw ei chi ta, nama hro a pareih aw.

RYHPACHANEINA 6:17

Abeipa nama Khazohpa ta nama hnohta a cha piepa biepiepazy, a biepahnosapazy nata a bieraopazy pakhâta ta nama zyh awpa a châ.

RYHPACHANEINA 6:18

Thlaochhipa ta nama y thei nawpa nata Abeipa ta châ pathlatuhpazy hnohta bie â vaw taihpa râh phapa lâ siepa ta nama hnei thei nawpa ta, Abeipa mohmô ta hmo dopa nata hmo phapa nama tao awpa a châ.

RYHPACHANEINA 6:3

Chavâta Hy Izarei, nathlie la, pakhâta ta zyh mah y. Chatanachata Abeipa, châ pathlatuhpazy Khazohpa ta bie a châ taihpa sâhpiti nata kheihti lona râh liata thlaochhipa ta y aw ei chi ta, thata nama pôh aw.

RYHPACHANEINA 8:6

Chavâta Abeipa nama Khazohpa biepiepazy zyh u la, a lâpi a chhihpa ta, ano cha chi muh vy.

HEBRAI 12:25

Biereituhpa khoh leipa ta nama y pathlei lei nawpa ta a chado teh u. Alei liata zikyurâtuhpazy khoh leipa hmahta hriena ama khôkhâh vei khiahta cha, vârâh tawhta zikyu miah râtuhpa eima dytha khiahta cha, hriena eima khôkhâh lei pachai aw dia!

ZÂMIE 1:25

Khotalaina ryhpa pakipa cha moh ta, cha hawhta hroh ta, ryhpa cha thei ta, thlai a mypa châ leipa ta, zyh ta, ryhpa hawhta a taopa chyhsa cha, a hmotaopa liata thlaochhipa ta a y aw.

BIEPHUAH 22:14

“Ama chysiazy a pasupa cha ama nohlao na. Hrona tho chô liata biehnei thei aw ei ta, chhikaozy lâ tawhta khihpi chhôh lâ amâ ngia thei aw.

RUTHI 3:1

Chatawhcha a nohnô Naomi ta Ruthi hnohta, “Ei sawchanô y, na châta a pha awpa apahâna su cha tluapa aw va na ma?