RYHPACHANEINA 5:16 - Mara Bible RV (BSI)

¹⁶ “Abeipa na Khazohpa ta bie a cha piepa hawhta, na nô nata na paw palyupalih teh. Chatanachata Abeipa ta râh a cha piepa liata vânoh to aw chi ta, na hro a pareih aw.

RYHPACHANEINA 5:16 ပူးပေါင်းရင်းမြစ်များ

PUASAINA 20:12

“Na nô nata na paw palyupalih teh. Chatanachata Abeipa na Khazohpa ta râh a cha piepa liata na hro a pareih aw.

BIESOZY 3:1

Ei sawchapawpa y, ei pachuna my leipa la, Na palôh ta ei biepiepazy a vao thlâh ha mah y.

EZEKIA 22:7

Nôpaw za leina khihpi chhôh liata y ta, chihropa mapaihpa tlybaipa ta a hmo chhu ei ta, paw hnei leipa nata nôhmei chô liata â doleipa ta ama tao tyh.

THEIHTHAINA 19:3

Nama nô nata nama paw nama za chyu awpa châ ta, ei Pahânohzy nama chay awpa a châ. Kei he Abeipa nama Khazohpa ei châ.

MATHAI 19:19

Na nô nata na paw palyupalih teh, tahpa nata Nâma kyh nâ pachâpa hawhta na vaih kyh na pachâ awpa a châ,” tah ta.

MÂKA 10:19

Biepiepazy na pahno: ‘Liany cheih kha, Aphei kha, Paru kha, Haipa ta chyhsa leih kha, Chyhsa dôvei kha, Na nô nata paw palyupalih teh,’ tahpazy na pahno,” tah ta.

MÂKA 7:10

Mawsi ta, ‘Na nô nata na paw palyupalih teh. Ahy rai a nô tlyma, a paw tlyma a reipachhipa cha a thi tlai awpa a châ,’ tah ta.

LUKA 18:20

Biepiepazy na pahno: ‘A phei kha, Liany cheih kha, Paru kha, Haipa ta chyhsa leih kha, Na nô nata na paw palyupalih teh,’ tahpazy na pahno,” tah ta.

RYHPACHANEINA 11:9

Chatanachata Abeipa ta châ pathlatuhpazy nata ama pathlazy hnohta pie awpa ta bie â vaw taihpa râh, sâhpiti nata kheihti lona râh liata bohpi nama pahrâ thei aw.

RYHPACHANEINA 27:16

“A nô tlyma, a paw tlyma a za leipa cha chhiesapa ta y mawh sy,” tah aw ei ta, zawpi ta, “Amen” ama tah aw.

RYHPACHANEINA 4:40

Chavâta a bieraopa nata a biepiepa tanoh ta ei cha piepazy ei he nama zyh awpa a châ. Chatanachata nâmo nata nama pathlazy châta pha aw ta, Abeipa nama Khazohpa ta chhâzaw châta râh a cha piepa lia ei ta nama hro a pareih aw,” tah ta.

RYHPACHANEINA 5:29

Aw, he hawhpa palôh he khâ ama phaoh tyh mawh sala, na chipa ta, ei biepiepazy zyh aw ei ta, âmo nata ama pathlazy chhâzaw ta thlaochhipa ta ama y awpa tlai!

RYHPACHANEINA 5:33

Abeipa nama Khazohpa lâpi a chhih aw ei chi ta, a biepiepa zydua nama zyh awpa a châ. Chatanachata hroh aw ei chi ta, nama châta pha aw ta, nama hnei awpa râh liata thlaochhipa ta y aw ei chi ta, nama hro a pareih aw.

RYHPACHANEINA 6:2

Chatanachata Abeipa nama Khazohpa cha chipa ta, a bieraopa nata a biepiepa ei cha piepazy he nama hro chhôh zydua ta zyh aw ei chi ta, nama hro a pareih aw.

KAOLAOSÂ 3:20

Saw saih u, ato liata nama nôpawzy bie zyh teh u, cha cha Abeipa alynazie a châ.