RYHPACHANEINA 4:9 - Mara Bible RV (BSI)

⁹ “Chavâta a sohsi u la, nama hro pakhâta ta a vao muh vy. Chataleipatala nama mo ta hmo a hmôpazy kha my aw ei chi ta, nama hro chhôh zydua ta nama palôh tawhta a lei pathlei aw. Chazy cha nama sawzy nata nama samohzy pachu tyh muh vy.

RYHPACHANEINA 4:9 ပူးပေါင်းရင်းမြစ်များ

ÂTHAONA 18:19

Ano hnôhlâ ta a sawzy nata a chhôhkhazy ta Abeipa lâpi a chhihpa ta, siana nata adona tao awpa ta bie a pie thei nawpa ei ta, ano cha ei tlyhpa a châ. Chatanachata Abeipa ta Abarahâ hnohta bie â taihpa zydua a patlôsa aw,” tah ta.

HLAZY 119:11

Na bie ei palôh liata a vao na ta, Chavâta na chô liata molei khao aw va na.

HLAZY 71:18

Chavâta Hy Khazohpa, Machâpa nata sâ pawhpa ei châ tita, Na siesai khah y; Chhâ a vaw y awpa hnohta na thatlôna ei phuah hlâlei cha, Na siesai leipa la; Miah a vaw pazi awpazy hnohta Na hmotaotheina ei phuah hlâlei cha, Na siesai hra khah y.

PUASAINA 10:2

Chatanachata na sawchapawpa nata na samohpa nah theina liata Izi râh chô liata ei hmotaoziezy nata ama hry liata hmonoâhpa ei taopazy he chho aw chi ta, kei he Abeipa ei châ tahpa nama pahno thei aw,” tah ta.

PUASAINA 23:13

Nama hnohta ei reipa zydua he pachâ u la, khazoh hropazy moh rai reih leipa u la, na pakah tawhta a pua rai ta pua khah sy.

BIESOZY 1:8

Ei sawchapawpa y, na paw chhoreina bie nathlie la, Na nô pachuna bie a heihsai khah y;

BIESOZY 23:26

Ei sawchapawpa y, na palôh na pie la, Na mozy ta ei lâpizy moh mawh sy.

BIESOZY 3:21

Ei sawchapawpa y, hezy he mopakhô leipa la, Sona patapa nata pahnona zy chhy lymâ mah y.

BIESOZY 7:1

Ei sawchapawpa y, ei biezy zyh la, Ei biepiepazy a vao thlâh ha mah y.

ISAI 38:19

Tanoh ta ei taopa hawhna heta, Ahrohpa, a châ na, ahrohpa deita ta Alyna bie cha hlâ thei aw ta; Paw ta sawzy hnohta Na ngâchhihna a pahnosa aw ei.

ISAI 42:20

Hmo hluhpi hmô ta, Châhrasala a phapa ta ngia vei; A nah pha thlâh ha ta, Châhrasala thei vei.

ZEREMIAH 17:21

“‘Abeipa ta hetana heta a tah: Nama hrona châta a chado kaw teh u. Pahânoh ta hmo rai phaoh leipa u la, Zerusale thokhy chhikao liata a ngiakhei hra khuh vy.

LUKA 8:18

Chavâta nama bie theipa liata a chado teh u. A hneipa cha baichhapa châ aw ta, a hnei leipa cha, hneipa hawhta â pachâpa chhao, ano tawhta lapa a châ aw,” tah ta.

EPHESI 6:4

Nâmo, pawzy saih u, nama sawzy ru pachhô leipa u la, Abeipa chhoreina nata pachuna liata tlao mohôh teh u.

RYHPACHANEINA 11:19

Nama sawzy pachu aw ei chi ta, nama o liata namâ tyu nota zy, lâpi liata nama sie nota zy, namâ zia nota nata nama thyu daihti zy liata nama reih tyh aw.

RYHPACHANEINA 12:1

“Hezy he, alei chô liata nama hro chhôh zydua ta, Abeipa, châ pathlatuhpazy Khazohpa ta hnei awpa ta a cha piepa ei râh liata pakhâta ta nama zyh awpa bieraopazy nata pachianazy a châ.

RYHPACHANEINA 16:3

Atheihna sa cha viahchhâ thinô pahlaopa chhaota nama nie awpa châ vei. Izi râh tawhta a para ngaitapa ta nama kaw puapa atheithlâhna châta, noh sari chhôh viahchhâ thinô pahlao leipa, pasataona viahchhâ nama nie awpa a châ. Chatanachata Izi râh tawhta nama kaw puana noh cha, nama hro chhôh zydua ta namâ thei thlâh ha aw.

RYHPACHANEINA 17:19

Ryhpa châbu cha a hnohta khâ y aw ta, a hro chhôh noh zydua ta a reih tyh aw. Chatanachata Abeipa a Khazohpa china kyh a chu thei aw ta, cha ryhpa nata bieraopazy liata bie zydua zyh aw ta, a tao lymâ aw.

RYHPACHANEINA 29:29

“Hmo nyupazy cha Abeipa eima Khazohpa eih châ ta, hmo palâhâhpazy deikua keimo nata eima pathlazy eih a châ. Chatanachata he ryhpa bie zydua he eima zyh thei aw.

RYHPACHANEINA 31:19

“Chavâta he hla he nama châta roh u la, Izarei sawzy pachu u la, Izarei sawzy ei dyuhna nâ pahnokheituhpa châta ama pakah liata soh u la, pasasa tyh muh vy.

RYHPACHANEINA 32:46

ama hnohta, “Tanoh nama hnohta bie ei reipa zydua liana heta nama pathipalôh khâchâ pachhô u la, he ryhpa bie zydua he zyh ta, tao awpa ta nama sawzy biepie teh u.

RYHPACHANEINA 4:10

Hôribâ liata Abeipa nama Khazohpa hmiakô liata namâ dua noh kha a thei thlâh ha teh u. Abeipa ta ei hnohta, ‘Zawpizy ei hmiakô liata awpakhy teh. Ei biezy ei pahnosa aw ei. Chatanachata alei chô liata ama hro chhôh zydua ta na chi awpa ta a chu aw ei ta, ama sawzy chhao ama pachu pachhuah thei aw,’ tah ta.

RYHPACHANEINA 4:15

“Chavâta pakhâta ta a vaih teh u. Hôribâ liata Abeipa ta mei tawhta nama hnohta bie a rei noh kha, a pôhpa hmô veih ei chi.

RYHPACHANEINA 4:23

A vaih teh u, chataleipatala Abeipa nama Khazohpa ta nama hnohta bie a hraipa mypa ta, nothlahpazy taopa ta, Abeipa nama Khazohpa ta kheihawhpa a lyupa nothlahpa hmah tao lei awpa ta a pakhâpa nama tao pathlei aw.

RYHPACHANEINA 6:12

a chado kaw muh vy. Chataleipatala Izi râh, seichâna o tawhta châ chhi papuatuhpa Abeipa nama my pathlei aw na.

RYHPACHANEINA 6:2

Chatanachata Abeipa nama Khazohpa cha chipa ta, a bieraopa nata a biepiepa ei cha piepazy he nama hro chhôh zydua ta zyh aw ei chi ta, nama hro a pareih aw.

RYHPACHANEINA 6:20

“Noh hro ta nama sawzy ta, ‘Abeipa eima Khazohpa ta bie a cha piepa ei, pahnokheinazy, bieraopazy, pachianazy cha khâpa ma a yzie?’ tahpa ta ama cha hiahri tita,

RYHPACHANEINA 6:7

Nama sawzy phahnai khoh ngaitapa ta pachu aw ei chi ta, nama o liata namâ tyu nota zy, lâpi liata nama sie nota zy, namâ zia nota zy, nama thyu daihti zy liata nama reih tyh aw.

RYHPACHANEINA 8:11

“Abeipa nama Khazohpa biepiepazy, pachianazy nata bieraopazy tanoh ta ei cha piepa ei he nama zyh leipa khiahta cha, Abeipa nama Khazohpa my pathlei aw ei chi ta, chavâta a vaih muh vy.

RYHPACHANEINA 8:14

nama palôh lai aw ta, Izi râh seichâna o tawhta châ chhi papuatuhpa Abeipa nama Khazohpa nama my pathlei aw.

HEBRAI 2:1

Chavâta bie eima theipazy kha eima pachâ peimawh pachai awpa a châ. Chataleipatala biezy cha eimâ sysai pathlei aw na.

HEBRAI 2:3

he tlu ta pachhana rônahpa he diathlâ ei sih la, kheihta e eimâ boh thei aw? Cha pachhana bie cha Abeipa ta phuah tua ta, a theituhpazy ta keimo châta ama pa-i.

ZÂMIE 2:22

 ngiapâna cha a hmotaopa nata hria khoh ta, ngiapâna cha hmotaopa ta a paki tahpa na hmô.

ZAWSUA 1:18

Kheihawhpa biepiepa rai châ sala, ahy rai na biepiepa a dyuhpa nata na biezy a nathlie leipa cha thiepa a châ aw. Thatlôpa nata riahphapa ta y mah y,” tah ei ta.

ZAWSUA 23:11

Chavâta a phapa ta a sohsi u la, Abeipa nama Khazohpa cha kyhpachâ teh u.

ZAWSUA 4:21

Zawsua ta Izarei sawzy hnohta, “Chhâ vaw y awpazy liata nama sawzy ta ama pawzy hnohta, ‘He alôzy he khâpa tahna ma a châ tly?’ tahpa ta ama hiahri tita,

BIEPHUAH 3:3

Na topa nata na theipazy kha a thei la, zyh la, ro teh. Nâ hra vei khiahta la, parutuhpa hawhta a vy aw na ta, khati dawh ta ma ei cha vaw pachhai aw tahpa pahno aw va chi.

RYUREITUHPAZY 3:7

Izarei sawzy cha Abeipa mohmô ta moleina hmo tao ei ta. Abeipa ama Khazohpa cha mypa ta, Bâlâ nata Aserô chakao ei ta.

RYUREITUHPAZY 8:34

Su to liata ama chariahzy ku tawhta âmo pachhatuhpa Abeipa ama Khazohpa cha Izarei sawzy ta a thei khao veih ei.