RYHPACHANEINA 4:6 - Mara Bible RV (BSI)

⁶ Chavâta zyh u la, tao muh vy. Cha cha phopizy mohmô ta nama sona nata novâhna a châ aw. Chatanachata bieraopa zydua cha ama thei tita, “He phopi rônahpa he phopi sopa nata novâhpa tlai na ama châ,” ama tah aw.

RYHPACHANEINA 4:6 ပူးပေါင်းရင်းမြစ်များ

1 ABEIZY 4:34

Chatanachata Sawlawmaw sona nathlie awpa ta, râh to tawhta chyhsazy a vy ei ta, a sona thâtih a theipa, lei bei zydua chhao ta ama vaw ngai lymâ.

ZAWBÂ 28:28

Chatawhcha chyhsapa hnohta, ‘Pachâ teh, Khazohpa china he sona cha châ ta, Moleina a heihsaipa he pahnona cha a châ,’ a tah,” tah ta.

HLAZY 111:10

Abeipa china cha sona athaona châ ta, Abeipa a chituhpa zydua ta novâhna ama hnei. Abeipa cha tlyzaw ta reithaipa ta y mawh sy!

HLAZY 19:7

Abeipa ryhpa cha phapaki ta, Hro a taopathi; Abeipa bieraopa cha ngâ a chhih ta, Ahrupa a pasosa.

HLAZY 19:8

Abeipa pachuna cha a do ta, Palôh a palysa; Abeipa biepiepa cha khaih ta, Mo a pavâsa.

BIESOZY 1:4

Sona a phahlapazy hnohta sona pie awpa ta, Thyutliapazy hnohta pahnona nata hmia nata hnôh sai thaina pie awpa ta;

BIESOZY 1:5

Asopazy ta theipa ta ama pahnona a pôh via nawpa ta, Novâhpazy ta pasopakâna bie ama dao thei nawpa ta,

BIESOZY 1:7

Abeipa china cha novâhna athaona châ ta, Ahrupazy ta sona nata pachuna ama mohnao tyh.

BIESOZY 14:34

Siana ta râh cheihchalo ta, Moleina deikua cha phopi to châta nohzaona a châ.

BIESOZY 14:8

Asopa sona cha a sie nawpa lâpi pahnosa ta, Ahrupazy hruna deikua cha dôveina a châ.

ISAI 42:21

Abeipa cha asiapa a châpa vâta, A ryhpa bie cheihchalo ta parônahsapa cha, Â lyna a châ tyh.

ZEREMIAH 8:9

Chyhsa sopazy maophyuh aw ei ta, Chihuhpa ta ypa ta patupa ama châ aw. Pachâ teh u, Abeipa bie ama thy ha tawhta cha, Âmo liata khâpa sona cha ma a y khao aw?

EZEKIA 5:5

“Abeipa Zehôvâh ta hetana heta a tah: He he Zerusale a châ. Phopizy liah liata soh na ta, râhzy ta ei chadôsa.

DÂNIAH 1:20

Sona nata novâhna kyh abei ta a hiahripa maih liata, a khinarâh chhôh zydua liata moliethaipa nata dyuthaipa zydua hlâta a lie hrawh ta ama pha via tahpa hmô ta.

DÂNIAH 4:9

“Hy Beltesâza, moliethaipazy hyutuh chaipa y, khazoh pathaihpazy thlahpa na hnohta y ta, chavâta nâma châta la bienyupa ru tupa y vei, tahpa ei pahno; ei mâ lâta ei hmôpa aluahna nata a chhopasiana na chho teh.

HÔSIA 8:12

Ei ryhpa bie hluhpi ropa na ta, Ano eih hawhta pachâ vei.

MALAKHAI 3:12

“Chatanachata râh zydua ta nohlaopa cha tah aw ei ta, râh khochhih ngaitapa nama châ aw,” Pheisaihzy Abeipa ta a tah.

RYHPACHANEINA 29:9

Chavâta nama hmotaopa zydua liata thlaochhipa ta nama y lymâ thei nawpa ta, he biehrai biezy he zyh u la tao teh u.

RYHPACHANEINA 32:46

ama hnohta, “Tanoh nama hnohta bie ei reipa zydua liana heta nama pathipalôh khâchâ pachhô u la, he ryhpa bie zydua he zyh ta, tao awpa ta nama sawzy biepie teh u.

RYHPACHANEINA 32:47

Cha biezy cha nama châta bie thlâhthlipa châ leipa ta, nama hrona châ ta, cha biezy cha nama zyh khiahta cha, zawdâh chakapa ta hnei awpa ta nama pangaipa râh liata nama hro a pareih aw,” tah ta.

2 TIMAWTHY 3:15

Na hawti no tawhta na pahno chiehpa Biehrai pathaihpazy kha zyh lymâ mah y. Cha Biehrai pathaihpazy cha Krista Zisu ngiapâna vâta pachha châ thei nawpa ta, chyhsa sopa châ pachâsa theipa a châ.

ZÂMIE 3:13

Nama hry liata ahy ma asopa nata novâhpa a y? A reisi ngaitapa nata so ngaitapa ta, a hmotaopazy cha hrozie phapa ta pamosa mawh sy.