RYHPACHANEINA 4:5 - Mara Bible RV (BSI)

⁵ Moh teh u, hnei awpa ta namâ ngia haina râh liata nama zyh awpa ta Abeipa ei Khazohpa ta bie eina piepa hawhta, bieraopazy nata pachianazy ei cha pachu ei hih.

RYHPACHANEINA 4:5 ပူးပေါင်းရင်းမြစ်များ

HLAZY 71:17

Hy Khazohpa, ei hawti no tawhta na pachu chi ta, Tanoh taihta na hmotao noâhpazy ei phuah lymâ.

PUASAINA 18:20

Bieraopazy nata ryhpazy âmo pachu aw chi ta, ama lâpi a chhih awpa nata ama tao awpazy na pahmô lymâ aw ei.

ZEREMIAH 11:6

Chatawhcha Abeipa ta hetana heta eina chho: “He bie zydua he Zudâh khihpizy nata Zerusale khiliahzy liata phuah teh. Abeipa ta hetana heta a tah: ‘He biehrai biezy he nathlie u la, zyh teh u.

EZEKIA 20:11

Chyhsapa ta zyh sala, a hro thei nawpa ta, ei bieraopazy pie ei na ta, ei ryhpazy ei pahnosa ei.

THEIHTHAINA 19:19

“Ei bieraopazy na zyh awpa a châ. Sahroh chi hropa nata chi hropa chi na pathlasa awpa châ leipa ta, na lyu liata chi miano na chei pakaoh awpa châ hra leipa ta, pala chihropa miano sa pahlaopa chysia nâ tobi awpa châ vei.

THEIHTHAINA 26:46

Chazy cha Abeipa ta Mawsi hmâpa ta Ano nata Izarei sawzy likah ta Sinai tlâh liata a taopa bieraopazy, pachianazy nata ryhpazy a châ.

THEIHTHAINA 27:34

Chazy cha Sinai Tlâh liata Izarei sawzy châta Abeipa ta Mawsi a piepa biepiepazy a châ.

THEIHTHAINA 7:38

Ama hmohlâpazy Abeipa lâta vaw cheih awpa ta, Abeipa ta Sinai râhchawhpa liata Izarei sawzy bie a pie noh ta, Sinai Tlâh liata Mawsi hnohta bie a piepa a châ.

MATHAI 28:20

bie ei cha piepa zydua ei kha zyh awpa ta pachu teh u. Nathlie teh u, nama hnohta ei y thlâh ha aw, khizaw chhâna taih ta,” tah ta.

HMOTAOPAZY 20:27

Khazohpa ryhraona zydua nama hnohta phuah khai awpa kyh liata ei bâh pathliah beih va na.

1 KAWRINI 11:28

Chavâta chyhsa ta anosasyh a pasia sala, cha khai tawhta, viahchhâ cha niepa ta, nyu cha doh mawh sy.

1 KAWRINI 15:3

Hezy he bie peimawh chaipa ei daopa nâmo ei cha chho pachhuahpa ei kha a châ: Biehrai bie hawhta Krista cha eima moleina vâta thi ta,

RYHPACHANEINA 11:32

tanoh ta nama hmiakô liata ei sopa bieraopa nata pachiana zydua he pakhâta ta nama zyh khai awpa a châ.

RYHPACHANEINA 4:1

“Chavâta, Hy Izarei, bieraopa nata pachiana ei cha pachupazy ei he nathliepa ta, nama hroh thei nawpa ta zyh u la, Abeipa, châ pathlatuhpazy Khazohpa ta râh a cha piepa lâ sie u la, kei pahrâ teh u.

RYHPACHANEINA 4:2

Bie ei cha piepa ei kha baichha leipa u la, thy bâ hra leipa u la, Abeipa nama Khazohpa biepiepa nama hnohta ei cha pie pachhuahpazy he zyh muh vy.

RYHPACHANEINA 4:4

Abeipa nama Khazohpa khâchâ a patu hapazy deikua cha, tanoh taihta nama hroh hih.

RYHPACHANEINA 4:40

Chavâta a bieraopa nata a biepiepa tanoh ta ei cha piepazy ei he nama zyh awpa a châ. Chatanachata nâmo nata nama pathlazy châta pha aw ta, Abeipa nama Khazohpa ta chhâzaw châta râh a cha piepa lia ei ta nama hro a pareih aw,” tah ta.

RYHPACHANEINA 5:1

Mawsi ta Izarei saw zydua awpakhy ta ama hnohta, “Hy Izarei, tanoh nama nah theina liata ei reipa bieraopazy nata pachianazy he nathlie u la, a chu u la, pakhâta ta zyh teh u.

RYHPACHANEINA 6:1

“He he Abeipa nama Khazohpa ta nâmo pachu awpa ta bie eina piepa, hnei awpa ta nama kei tlô awpa râh liata nama zyh awpa biepiepazy, bieraopazy nata pachianazy a châ:

RYHPACHANEINA 7:11

Chavâta tanoh ta ei cha piepa biepiepazy, bieraopazy nata pachianazy he zyh u la, tao muh vy.

RYHPACHANEINA 8:11

“Abeipa nama Khazohpa biepiepazy, pachianazy nata bieraopazy tanoh ta ei cha piepa ei he nama zyh leipa khiahta cha, Abeipa nama Khazohpa my pathlei aw ei chi ta, chavâta a vaih muh vy.

HEBRAI 3:5

Hmialâ daihti liata bie rei awpazy pa-i nawpa ta, Mawsi cha Khazohpa o liata chakaotuhpa ngâchhihpa châ ta,