RYHPACHANEINA 4:43 - Mara Bible RV (BSI)

⁴³ Râhchawhpa tlâh by liata Beze khihpi cha Rubena pathlazy châta châ aw ta, Kâdâ pathlazy châta Kilia liata Ramô khihpi châ aw ta, Bâsanâ liata Kôlâ khihpi cha Manase chizy châta a châ aw.

RYHPACHANEINA 4:43 ပူးပေါင်းရင်းမြစ်များ

1 ABEIZY 4:13

Bekebe ta Ramôkilia bia â vao. Ano heta Kilia râh liata a ypa Manase sawchapawpa Zairâ khihzy a vao ta, Bâsanâ liata a ypa, Kilia râh liata a ypazy to pâ ta, Bâsanâ râh liata Akaw bia liata thokhy nata dawh chhikao lâhrei a hneipa khihpi rônahpa sycharu â vao ei.

1 THÂTIHZYRONA 6:63

Merâri pathlazy cha Rubena chi ryuto râh, Kâdâ chi ryuto râh nata Zebulawna chi ryuto râhzy tawhta, nuby a daopa ta a pho pho ta khih hrawh hleino piepa ama châ.

1 THÂTIHZYRONA 6:66

Kôhâ pathla pho thokha cha Epharai mo ryuto râh liata khihpizy to ei ta.

1 THÂTIHZYRONA 6:71

Kesao pathlazy hnohta piepa khihpizy cha, Manase chi khophie ryuto râh Bâsanâ liata Kôlâ nata a chheipâh si panyuna suzy, Astarô nata a chheipâh si panyuna suzy;

1 THÂTIHZYRONA 6:80

Kâdâ chi ryuto râh liata Kilia râh Ramô khihpi nata a chheipâh si panyuna suzy, Mâhanai nata a chheipâh si panyuna suzy,

RYHPACHANEINA 4:42

Chazy cha daihti khô chiehpa liata â khakhai leipa opapa a thie pathleipa a râ nawpa châta a châ. Cha khihpi miakha lâ lilaw a râ aw ta, a hrona a pabohsa aw.

RYHPACHANEINA 4:44

He he Mawsi ta Izarei sawzy a piepa ryhpa a châ.

ZAWSUA 20:8

Zawdâh haosâ Zerikô nochhi lâta Rubena chi pahrâna râhchawhpa tlâhby liata a ypa Beze khihpi, Kâdâ chi Kilia râh liata Ramô khihpi nata Manase chi Bâsanâ râh liata Kôlâ khihpizy chhao abohna khihpizy châta ama rao hra.

ZAWSUA 21:27

He khihpizy he Livai chi Kesao pathla phozy piepa a châ: Manase chi khophie tovyuh tawhta lianycheituhpazy abohna khihpi Bâsanâ râh liata Kôlâ khihpi nata a chabyzy, Besterâ khihpi nata a chabyzy, khihpi miano piepa ama châ.

ZAWSUA 21:36

Rubena chi tovyuh tawhta Beze khihpi nata a chabyzy, Zahâza khihpi nata a chabyzy,

ZAWSUA 21:38

Kâdâ chi tovyuh tawhta lianycheituhpazy abohna khihpi Kilia râh liata Ramô khihpi nata a chabyzy, Mâhanai khihpi nata a chabyzy,