RYHPACHANEINA 4:39 - Mara Bible RV (BSI)

³⁹ Chavâta tanoh he Abeipa cha chô lâ avâ liata nata ry lâ alei liata Khazohpa châ ta, Khazoh hropa rai y veih ei, tahpa nama pathipalôh liata khâchâ a vao teh u.

RYHPACHANEINA 4:39 ပူးပေါင်းရင်းမြစ်များ

2 SAMUELA 7:22

Chavâta Hy Abeipa Zehôvâh y, nâ cha rônahpa na châ. Eima nah ta eima thei khai hapa hawhta, nâma hawhpa he y leipa ei ta, nâma leipa ta Khazohpa rai y veih ei.

1 THÂTIHZYRONA 17:20

Hy Abeipa y, eima nah theipa liata, nâ hawhpa he ahy hmah y leipa ei ta, nâ leipa ta Khazoh hropa y veih ei.

1 THÂTIHZYRONA 28:9

“Nâ, Sawlawmaw, ei sawchapawpa y, na paw Khazohpa he pahno la, pathipalôh tlokhuh ta nata tao khona palôh hneipa ta ano cha chakao mah y. Abeipa cha palôh zydua mohtuhpa châ ta, achhuahna nata pachâna zydua pahnotuhpa a châ. Ano cha na tlua khiahta cha, hmô awh chi ta, nâ heihsai khiah deikua cha, chhâzaw ta a cha thy aw.

1 THÂTIHZYRONA 29:11

Hy Abeipa y, rônahna zy, hmotaotheina zy, palyupalihna zy, pahniena zy, abeina zy na eih châ ta, avâzy nata alei liata a ypa zydua chhao na eih a châ. Hy Abeipa, khinarâh cha na eih châ ta, ato chô lâta a to luh châta cheihchalopa na châ.

2 THÂTIHZYRONA 20:6

“Hy Abeipa, miah pathlatuhpazy Khazohpa y, nâ cha vârâh liata Khazohpa châ va chi ma? Phopi to khinarâh chô liata ryureih chi ta, na ku liata hmotaotheina nata thatlôna y ta, ahy hmahta cha pakhâ thei veih ei.

HLAZY 100:3

Abeipa cha pahno teh u; Ano cha Khazohpa châ ta, Miah taotuhpa a châ; Keimo he a chyhsazy châ pi ta, A sibiepa su liata mietakuzy eima châ.

HLAZY 115:3

Keimo Khazohpa cha vârâh liata y ta, A khopa maih a tao tyh.

HLAZY 135:6

Abeipa cha avâ nata alei liata a khopa maih tao tyh ta, Tilaipizy nata ti athupazy liata a khopa maih a tao tyh.

PUASAINA 8:10

Phiraoh ta, “Mylâ sy,” tah ta. Mawsi ta, “Na bie hawhta châ mawh sy. Chatanachata Abeipa eima Khazohpa hawhpa he ahy hmah y veih ei tahpa na pahno aw.

ISAI 1:3

Viahchao tôhpa ta a hneituhpa pahno ta, Alâ ta a puhpa châki a pahno; Izarei deikua ta pahno leipa ta, Ei phopi ta a novâh vei.”

ISAI 43:10

“Nâmo tlai he nâ pahnokheituhpa châ ei chi ta, Nâ chakaotuhpa ei tlyhpazy nama châ. Chatanachata keima tlai he, Khazohpa cha ei châ tahpa nama novâh aw ta, Pahno aw ei chi ta, Einâ ngiapâ aw ei chi. Kei ei y hlâta cha, Khazoh hropa rai y leipa ta; Keima khai tawhta chhao, Khazoh hropa y khao aw vei,” Abeipa ta a tah.

ISAI 44:8

Chi leipa u la, a chalyu hra khuh vy. Hlâno tawhta nama hnohta phuah na ta, Vaw reih chhielie ha va na ma? Nâ pahnokheituhpazy mah nama châ tâh! Keima leipa ta Khazoh hropa rai a y ma? Y vei, Lôpanô rai y vei; Pakha hmah a ypa pahno va na.”

ISAI 5:12

Ama kyhchhizy liata kresawhti doh ei ta, Totâ, tlaipih, paotlâ nata siaramo zy tôpa ta a ly ei ta, Abeipa hmotaopazy deikua cha pachâ veih ei, A ku raihriazy chhao hmô veih ei.

DÂNIAH 4:35

Lei chyhsa zydua cha, Hraoleipa ta pachâpa châ ei ta; A khozie hawhta vâmozy hry liata tao ta, Lei chyhsazy hry liata chhao a tao tyh; A ku a chalihsa theipa y leipa ei ta, “Khâpa hmo ma na tao haw?” A tah theipa y hra veih ei.

HÔSIA 7:2

Ama moleina zydua ei pahno khaizie Ama palôh liata pachâ veih ei. Ama hmotaopazy ta âmo cha chadô ta, Ei hmia liata amâ lâ khai.

1 KAWRINI 8:4

Chavâta nothlahpa lâta hmohlâpa niepa kyh liata, khizaw liata nothlahpa cha khâpa hmah a châ leizie nata Khazohpa pakha dei leipa ta cha, Khazoh hropa rai a y leizie eima pahno.

1 KAWRINI 8:6

keimo châta deikua cha, Paw Khazohpa pakha deita a y. Ano tawhta ato pua ta, keimo chhao ano châta a ypa eima châ. Abeipa pakha deita hnei pi ta, ano cha Zisu Krista a châ. Ano vâta ato y ta, keimo chhao ano vâta a ypa eima châ hra.

RYHPACHANEINA 32:12

Abeipa tlai ta Zakaw cha a chhi ta, Râh hropa khazoh a hnohta y beih veih ei.

RYHPACHANEINA 32:29

Ama so mawh sala, Cha kyh cha ama novâh aw ta, Ama chhâ nawpa ama pahno awpa tlai!

RYHPACHANEINA 4:35

Nâmo hnohta deikua cha, Abeipa cha Khazohpa châ ta, ano leipa ta Khazoh hropa rai y veih ei tahpa palâhâhpa a châ.

RYHPACHANEINA 6:4

“Hy Izarei, nathlie teh. Abeipa cha eima Khazohpa châ ta, Abeipa cha pakha deita a y.

RYHPACHANEINA 7:9

Chavâta Abeipa nama Khazohpa cha Khazohpa a châ tahpa pahno teh u. Ano cha Khazohpa ngâchhihpa châ ta, ano kyhpachâ ta a biepiepa a zyhtuhpazy chô liata a biehrai nata a zawngiahna chhâ sâh kha taihta a paysapa a châ.

ZAWSUA 2:11

Cha thâtih cha eima theipa nahta, Abeipa nama Khazohpa cha chô lâ avâ liata nata a ry lâ alei liata Khazohpa a châpa vâta, eima pathipalôhzy zao khai ha ta, nâmo vâta palôh a pachyu theipa ahy hmah y khao veih ei.

1 SAMUELA 2:2

“Abeipa hawhta pathaihpa y veih ei: Nâ leipa ta mohropa y leipa ei ta, Eima Khazohpa hawhpa lôpanô y veih ei.