RYHPACHANEINA 4:38 - Mara Bible RV (BSI)

³⁸ Nâmo hlâta phopi lai viapa nata thatlô viapazy nama hmia kô liata papua ta, tanoh nama hmôpa hawhna heta, ama râh cha nama ryuto châta cha pie awpa ta a châ kaw chhi ei.

RYHPACHANEINA 4:38 ပူးပေါင်းရင်းမြစ်များ

2 THÂTIHZYRONA 20:11

eima chô liata ama taopa he moh tua. Eima ryuto râh châta miah na piepa na râh tawhta miah papua awpa ta ama vaw pua.

2 THÂTIHZYRONA 20:7

Hy eima Khazohpa y, he râh liata a pahrâpazy he, na phopi Izarei hmiakô liata papua chi ta, râh cha na viasa Abarahâ pathlazy hnohta chhâzaw châta na piepa châ vei ma?

MALUHREINA 32:4

Izarei zawpi hmiakô liata Abeipa ta a panawhpa râh, sahroh châta a pha ngaitapa râh a châ. Châ chakaotuhpazy he sahroh hnei pi ta.

MALUHREINA 34:14

Rubena pathla nata Kâdâ pathla chizy deikua cha a chhôh chhôh ta ryuto râh to ha ei ta, Manase chi khophie chhao ama to ha hra.

MALUHREINA 34:15

Chi nopazy nata chi khophie cha, ama ryuto râh châta Zerikô dady ta a ypa Zawdâh haosâ, nochhi baih lâta râhzy ama to haw,” tah ta.

RYHPACHANEINA 11:23

Abeipa ta phopi zydua he nama hmiakô tawhta cha papuapa aw ei ta, nâmo hlâta maluh hluh viapa nata thatlô viapa phopizy râh cha nama hnei aw.

RYHPACHANEINA 2:31

“Chatawhcha Abeipa ta ei hnohta, ‘Moh teh, Sihaw nata a râh ei cha pie pathao haw. A râh cha hnei la pahrâ mah y,’ na tah ta.

RYHPACHANEINA 7:1

“Abeipa nama Khazohpa ta hnei awpa ta nama pangaipa râh a cha tlôkhei ti ei ta, phopi hluhpi, Hiti mo, Kikâsi mo, Amawri mo, Kâna mo, Perizi mo, Hivi mo nata Zebu mozy, nâmo hlâta maluh hluh viapa nata thatlô viapa phopi mia saripazy nama hmiakô tawhta a papua aw ei.

RYHPACHANEINA 8:18

Abeipa nama Khazohpa cha namâ thei thlâh ha awpa a châ. Ano tlai cha nama hneirôh nawpa ta hmotaotheina châ pietuhpa ei châ ta, tanoh ta namâ tyhpa hawhna heta, châ pathlatuhpazy hnohta bie â taihpa a biehrai a pa-ituhpa a châ.

ZAWSUA 3:10

Zawsua ta, “He hmozy liana heta Khazoh hrohpa cha nama hry liata y ta, nama hmiakô tawhta Kâna mo, Hiti mo, Hivi mo, Perizi mo, Kirkâsi mo, Amawri mo nata Zebu mozy a papua tlai aw ei tahpa nama pahno aw.