RYHPACHANEINA 4:34 - Mara Bible RV (BSI)

³⁴ Abeipa nama Khazohpa ta Izi râh liata nama mohmô lia tlai ta nama châta a taopa hawhna khata, pasiana ta zy, ngiana ta zy, hmonoâhpa ta zy, adyuhna ta zy, ku thatlôpa ta zy, bâh pazawhpa ta zy, hmo chichhih ngaitapa taopa zy ta, phopi miakha tawhta phopi miakha la papuapa ta, ano phopi a paduapa khazoh a y beih ma?

RYHPACHANEINA 4:34 ပူးပေါင်းရင်းမြစ်များ

HLAZY 136:12

Ku thatlôpa nata bâh pazawhpa ta Izarei a chhi papuatuhpa hnohta alyna bie reih teh u, A kyhpachâna tlyzaw ta a daihpa a châ.

HLAZY 24:8

Rônahna Beipa cha ahy e? Ano cha Abeipa thatlôpa nata hmotaotheipa châ ta, Adyuhna liata Abeipa hmotaotheipa a châ.

HLAZY 78:12

Ama pathlatuhpazy mohmô ta hmonoâhpazy tao ta, Izi râh Zônâ lyuzy liata hmonoâhpazy a taopa ei.

PUASAINA 1:9

A phopi hnohta, “Pachâ teh u, Izarei sawzy he keimo hlâta hluh viapa ta, ama tha chhao a tlô via ha bâ hih.

PUASAINA 10:21

Abeipa ta Mawsi hnoh ta, “Izi râh he zohna ta khu sala, zoh kaluhpa ry liata ama pathâ hôlôna hâh ta, avâ lâ na ku pazawh teh,” tah ta.

PUASAINA 10:7

Phiraoh chakaotuhpazy ta a hnohta, “Kha chyhsa kha khachâ ma eima châta khoheih a châ aw tly? Abeipa ama Khazohpa cha ama chakao thei nawpa ta, chyhsazy cha pasiesa thlâh ha bâ teh, Izi râh paraopa a châ hapa he pahno to va chi mâ?” tah ei ta.

PUASAINA 13:3

Mawsi ta zawpi hnohta, “He noh, Izi râh seichâna tawhta nama kaw puana noh he khâ a thei thlâh ha muh vy. Abeipa ta ku thatlôpa ta Izi râh tawhta a châ chhi papua ei. Chavâta thinô pahlaopa viahchhâ nama nie awpa châ vei.

PUASAINA 14:30

Cha hawhna chata Abeipa ta Izarei sawzy cha, cha noh liata Izi mo ku tawhta a pachha ha ei. Izarei sawzy ta Izi mo cha thiruapa ta tilaipi kiah liata hmô ei ta.

PUASAINA 15:11

“Hy Abeipa, khazohzy hry liata Nâ hawhpa he ahy ma a y? Pathaihna liata beichaipa châ chi ta, Rônahna liata zachhihpa na châ; Hmonoâhpazy a taotuhpa châ chi ta, Nâ hawhpa he ahy ma a y?

PUASAINA 19:4

‘Izi mo chô liata ei hmotaozie nata pahmôhpi mathlaw ta cha phaoh ei na ta, kei lâta ei châ chhipa ei kha nâmo tlai ta nama hmôpa kha a châ.

PUASAINA 3:10

Chavâta tahmâ a vy teh, ei phopi Izarei sawzy Izi tawhta a chhi papua awpa ta Phiraoh lâ ei cha tuah aw,” tah ta.

PUASAINA 6:6

Chavâta Izarei sawzy hnohta, ‘Zehôvâh ta hetana heta a tah: Kei he Zehôvâh ei châ. Izi mo ta phaohri ama cha pavina ry tawhta cha thaoh papuapa ta, ama sei châna tawhta cha pachha aw ei na ta, bâh pazawhpa nata pachiana rônahpa ta ei cha chatlai aw ei.

PUASAINA 7:3

Ngiana nata hmonoâhpazy Izi râh liata ei papôhsapa chhao ta, Phiraoh palôh cha a kuh ei pachhasa ha aw.

ISAI 51:9

Hy Abeipa bâh y, a hra la, a hra la, Thatlôna ta a tobi mah y. Chhâ a khô hapazy liata nâ hrapa hawhna khata a hra la, Hlâno daihti liata nâ hrapa hawhna khata a hra heih mah y. Rahâbi a chhawh pachhô khai hapa kha, Nâma châ chi ta; Drâkao a chô pahlietuhpa chhao kha, Nâma ma na châ vei?

ZEREMIAH 21:5

Keima tlai ta hiehâhpa nata ruchhôpa nata pathiiana ru ngaitapa ta na chô liata ei ku hy aw na ta, bâh thatlôpa ta ei châ dyuh aw.

ZEREMIAH 32:21

Na phopi Izarei he, ngianazy nata hmonoâhpazy chhaota Izi râh tawhta a chhi papua chi ta, ku thatlôpa nata bâh pazawhpa ta, rarôh y ngaitapa ta a kaw chhi papuapa ta,

MALUHREINA 20:16

Abeipa pado pi ta, ano ta eima ao thei ta, vâlyuhchâpa vaw tuah ta, Izi râh tawhta miah â chhi papua haw. Tahmâ he na râh kiah liata Kâdesâ khihpi liata eima y.

RYHPACHANEINA 1:30

Nama hmia lâta a siepa Abeipa nama Khazohpa ta, Izi râh liata nama mohmô lia tlai ta nama châta a taopa hawhna khata, a châ dyuhpa aw ei.

RYHPACHANEINA 10:21

Abeipa cha nama reithai awpa a châ. Ano cha nama Khazohpa châ ta, he hmo ronahpa nata rarôh ypa, nama mo ta a hmôpazy a taotuhpa a châ.

RYHPACHANEINA 11:2

Tanoh pachâ tua u. Abeipa nama Khazohpa chhoreina, a rônahna, a ku thatlôpa nata a bâh pazawhpa zy kha pachâ tua u. A pahno leipa nata a hmô leipa nama sawzy hnohta ei reipa châ vei.

RYHPACHANEINA 26:8

Chatanachata Abeipa ta Izi râh tawhtapa cha ku thatlôpa nata bâh pazawhpa ta miah a kaw chhi ta, chichhih ngaitapa nata ngiana nata hmonoâhpazy hmâpa ta miah â kaw chhi papua.

RYHPACHANEINA 29:3

pasiana ru ngaitapa nata ngiana nata hmonoâh rônahpazy chhao nama mo tlai ta nama hmô hra.

RYHPACHANEINA 33:29

“Hy Izarei, na nohlao ngaita na! Nâ hawhta Abeipa ta a pachhapa phopi he ahy ma a y? Abeipa cha na châta baona vyhphao châ ta, Na pahniena zaozi a châ. Châ ngiarih awpa ta na chariahzy nâ lâ a vy aw ei ta, Ama ky lia na phei ta na tly aw ei.”

RYHPACHANEINA 34:12

Mawsi ta ku thatlôpa nata chichhihpa ta Izarei zydua mohmô liata a taopa hawhta a tao theipa y hra veih ei.

RYHPACHANEINA 5:15

Nâ chhao Izi râh liata sei châ chi ta, cha tawhtapa cha Abeipa na Khazohpa ta ku thatlôpa nata bâh pazawhpa ta a châ chhi papua tahpa a thei thlâh ha mah y. Chavâta Abeipa na Khazohpa ta Pahânoh chay awpa ta bie a cha pie.

RYHPACHANEINA 6:21

nama sawzy hnohta, ‘Izi râh liata Phiraoh sei ta y pi ta, Abeipa ta Izi râh tawhta ku thatlôpa ta miah â kaw chhi papua.

RYHPACHANEINA 7:19

Nama mo tlai ta pasiana rarôh ypa hmô ei chi ta, ngiana nata hmonoâhpazy taopa ta, ku thatlôpa nata bâh pazawhpa ta Abeipa nama Khazohpa ta a châ kaw chhi papuapa hawhna ei khata, Abeipa nama Khazohpa ta nama chi kawpa phopizy chô liata chhao a tao aw.

RYHPACHANEINA 9:29

Âmo he na hmotaotheina rônahpa nata na bâh pazawhpa ta nâ kaw chhi papuapa na phopi nata na ryuto châ tlôh ei ta,’ tah na ta.

ZAWSUA 24:7

Châ pathlatuhpazy ta Abeipa pado ei ta, nâmo nata Izi mo likawh liata zohna vaw soh ta, Izi mo cha tilaipi ta pavaosa ta, a pamôh khai ha ei. Izi râh liata ei hmotaopa kha nama mo tlai ta hmô ta. Râhchawhpa liata bohpi nama y.

1 PITY 5:6

Chavâta Khazohpa ku thatlôpa ry liata a panawh teh u. Chatanachata a daihtita liata a cha palyupalih aw ei.