RYHPACHANEINA 4:32 - Mara Bible RV (BSI)

³² “Nama y hlâta hlâno daihtizy kha hiahri u la, avâ chhâna hiakha lâ tawhta hiakha lâ chhâna taih hiahri tua u. Khazohpa ta alei chô liata chyhsapa a tao noh tawhta, he hawhpa hmo rônahpa he a y beih ma, theipa a châ beih ma?

RYHPACHANEINA 4:32 ပူးပေါင်းရင်းမြစ်များ

ÂTHAONA 1:27

Khazohpa ta ano kakuapa ta chyhsapa tao ta, Khazohpa kakuapa tlai ta ano cha tao ta; Chapaw nata chanô ta a tao ei.

2 SAMUELA 7:23

Na phopi Izarei hawhpa he alei chô liata khâpa phopi ma a y? Khazohpa ta a moh rônah nawpa ta phopi miakha a tlyh ta, ano phopi ta tao awpa ta, sie ta a kei chatlaipa phopi ahy ma a y? Na phopi châ awpa ta Izi tawhta na chatlaipa, ama châta hmo rônahpa nata rarôh ypa taopa ta, ama hmiakô tawhta phopi nata a khazohzy na papuapa phopi ahy ma a y?

ZAWBÂ 8:8

“Chhâ hmiatuapa kyh kha patluah la, Ama pathlatuhpazy tluapa hmo a chu tua.

HLAZY 44:1

Hy Khazohpa, hlâno daihtizy liata, Miah pathlatuhpazy daihti liata na hmotaopazy kha; Miah pathlatuhpazy ta miah chho ei ta, Eima nah ta eima thei haw.

PUASAINA 34:10

Abeipa ta, “Pachâ teh, bie ei hrai hih. Na phopi hmiakô liata hmonoâhpa ei tao aw. Cha cha khizaw zydua nata kheihawhpa phopi hry lia hmahta tao beih leipa a châ. Na chô liata ei tao awpa hmo cha rarôh y ngaitapa a châpa vâta, na pahrâlâhpa phopi zydua ta Abeipa raihria ama hmô aw.

ISAI 45:12

Alei he kei ta tao na ta, A chô liata chyhsapa ei paysa. Avâ a paraipa kha keima ku he châ ta, Vâ pheisaih zydua bie a pietuhpa chhao, Keima tlai he ei châ.

ZÔELA 1:2

Machâzy saih u, he he thei u la, Râhsaw zydua saih u, nah pachôh teh u! He hawhpa hmo he nama chhâ liata a tlô beih ma? Châ pathlatuhzy chhâ liata chhao a tlô beih ma?

AMÔSÂ 3:2

“Khizaw phopi zydua hry liata, Nâmo deita he ei pahnopa na châ; Chavâta nama moleina zydua vâta Ei cha hrie aw ei.”

MATHAI 24:31

Chiahmie paro ngaitapa chhaota a vâlyuhchâpazy tuah aw ta, âmo chata â tlyhpazy cha kaokih miapalih tawhta pakhy aw ei ta, avâ chy chhâna tawhta hiakha lâ chhâna taihta ama pakhy aw.

MÂKA 13:27

A vâlyuhchâpazy tuah aw ta, â tlyhpazy cha kaokih miapalih tawhta, alei chy chhâna tawhta avâ chy chhâna taihta a pakhy aw.

RYHPACHANEINA 28:64

“Abeipa ta kaokih liata, alei chhâna miakha lâ tawhta miakha lâ chhâna taihta a ypa phopizy hry liata cha papai aw ei ta, cha liata nâmo nata châ pathlatuhpazy ta nama pahno beih leipa tho nata lô khazohzy nama chakao aw.

RYHPACHANEINA 30:4

Avâ chy chhâna taihta paipatlapa ta nama ypa chhao ta, cha su tawhta Abeipa nama Khazohpa ta cha pakhy aw ei ta, cha tawhtapa cha a châ chhi heih aw ei.

RYHPACHANEINA 32:7

Hlâno daihti liata nohzy kha a thei u la, Chhâ hluhpi liata kôzy kha pachâ tua u; Nama pawzy hiahri u la, Ama cha pahmô aw; Machâzy hiahri u la, Ama cha chho aw.

RYHPACHANEINA 33:29

“Hy Izarei, na nohlao ngaita na! Nâ hawhta Abeipa ta a pachhapa phopi he ahy ma a y? Abeipa cha na châta baona vyhphao châ ta, Na pahniena zaozi a châ. Châ ngiarih awpa ta na chariahzy nâ lâ a vy aw ei ta, Ama ky lia na phei ta na tly aw ei.”

RYHPACHANEINA 4:7

Eima padona maih miah a hnia tyhpa Abeipa eima Khazohpa hawhta a hnia tyhpa khazoh a hnei hrapa phopi rônahpa khei hawhpa ma a y?