RYHPACHANEINA 4:31 - Mara Bible RV (BSI)

³¹ Abeipa nama Khazohpa cha zawngiah theipa Khazohpa a châ. Cha pathlua leipa aw ei ta, cha pahleipadia hra leipa aw ei ta, châ pathlatuhpazy hnohta bie â taihpa a biehrai my aw vei.

RYHPACHANEINA 4:31 ပူးပေါင်းရင်းမြစ်များ

1 THÂTIHZYRONA 28:20

Chatawhcha Dâvi ta a sawchapawpa Sawlawmaw hnohta, “Thatlôpa nata riahphapa ta y la, hria mah y. Chi leipa la, a ngiaroh khah y, Zehôvâh Khazohpa, ei Khazohpa tlai cha na hnohta a y mâh tâh. Abeipa o raihria zydua patlô khaipa a châ hlâlei, cha siesai leipa aw ta, cha pathlua aw vei.

2 THÂTIHZYRONA 30:9

Abeipa lâ nama kua heih khiahta cha, nama unawhzy nata nama sawzy cha, sei ta a patutuhpazy ta ngiachhie aw ei ta, he râh lâ he amâ vaw lie heih aw. Abeipa nama Khazohpa cha ngiachhiena nata zawngiahna ta a biepa châ ta, ano lâ nama kua heih khiahta cha, châ heihsai aw veih ei,” tah ta.

NEHEMIAH 1:5

“Hy Abeipa, avâ Khazohpa, Khazohpa rônahpa nata zachhihpa, kyh cha pachâ ta, na biepiepa a zyhtuhpazy chô liata biehrai patlôpa ta, ngiachhiena a palâsatuhpa y,

NEHEMIAH 9:31

Châhrasala na zawngiahna rônah ngaitapa vâta, ama chhâna ngâsâ cha patlôsa leipa chi ta, âmo cha a heihsai va chi. Nâ cha ngiachhiena nata zawngiahna ta a biepa Khazohpa na châ.

HLAZY 103:8

Abeipa cha zawngiahna nata ngiachhiena a hneipa châ ta, Hiehâhna kyh liata nainô sôpa ta, Kyhpachâna tleih beih leipa ta a biepa a châ.

HLAZY 105:8

A biehrai khâ a thei ta, A bietai chhâ sâh hluhpi taihta â thei thlâh haw.

HLAZY 111:4

Hmonoâhpa a taopazy cha khâ a thei thlâh awpa ta tao ta, Abeipa cha ngiachhiena nata zawngiahna a hneipa a châ.

HLAZY 111:5

Ano a chituhpazy hnohta nie awpa pie ta, A biehrai chhâzaw ta â thei thlâh haw.

HLAZY 111:9

A phopi hnohta chatlaina vaw tuah ta, Tlyzaw châta a biehrai a pie. A moh cha Pathaihpa nata Zachhihpa a châ.

HLAZY 116:5

Abeipa cha ngiachhie theipa nata asiapa châ ta, Eima Khazohpa cha zawngiah theipa a châ.

HLAZY 86:15

Châhrasala Hy Abeipa, Nâ cha zawngiahna nata ngiachhiena a hneipa Khazoh châ chi ta, A hiehâh a rupa nata kyhpachâna nata ngâchhihna ta a biepa Khazoh na châ.

HLAZY 86:5

Hy Abeipa, nâ cha Khazoh phapa nata a ngiahthai theituhpa châ chi ta, Châ padotuhpazy chô liata zawngiahna a hnei hluh ngaitapa na châ.

PUASAINA 6:8

Abarahâ, Aisika nata Zakaw zy hnohta pie awpa ta ei ku chaluahpa ta bie ei taihpa râh lâ châ chhi aw ei na ta, cha râh cha nama ryuto châta ei cha pie aw ei, kei he Zehôvâh ei châ,’ tahpa ta chho mah y,” tah ta.

ZEREMIAH 14:21

Na moh vâta rie miah dytha leipa la, Na rônahna beidyuchhai moh pachhie khah y; Eima hnohta na biehrai kha a thei la, Rie parao khah y.

ZEREMIAH 30:11

Cha pachha awpa ta na hnohta khâ y na ta, Ei cha papaina phopi zydua tlokhuh ei pachhâsa aw ei; Nâ deikua cha tlokhuh ta cha pachhâsa aw va na. Hrie leipa ta cha paysa cheita leipa aw na ta, Châhrasala â daihpa rakha ta ei cha hrie aw,” Abeipa ta a tah.

THEIHTHAINA 26:42

Zakaw nata Aisika nata Abarahâ zy hnohta ei biehraizy kha a thei aw na ta, râh cha ei thei thlâh ha aw.

THEIHTHAINA 26:44

Chatahrasala ama chariahpazy râh liata ama y no chhao ta, âmo pahleipadia awpa nata ama hnohta ei biehrai parao awpa ta, âmo cha thy leipa aw ei na ta, a hao hra aw veih ei na, kei he Abeipa ama Khazohpa châ tlôh na ta.

THEIHTHAINA 26:45

Ama Khazohpa châ awpa ta, phopizy mohmô ta Izi râh tawhta ei chhi papuapa ama pathlatuhpazy hnohta ei biehrai kha, âmo vâna heta ei thei thlâh ha aw. Kei he Abeipa ei châ,” tah ta.

ZAWNA 4:2

Abeipa lâ thlahchhâ ta, “Hy Abeipa, ei châ haw na. He hmo he ei râh liata ei y thlâh no tawhna khata ei rei hapa châ vei ma? He vâna heta mah a parapa ta Tâsi lâ ei râ pâ ngâ kawpa kha a châ tâh. Nâ cha ngiachhiena nata zawngiahna a hneipa, nônaipa nata kyhpachâna ta a biepa Khazohpa châ chi ta, chhiena patlôsa awpa tawhta a palôh a panano theipa na châ tahpa pahno tlôh na ta.

MIKÂ 7:18

Nâ hawhta a ryuto laibâhpazy moleina a ngiahthai ta, Ama paraona a mopakhôpa Khazohpa he, Ahy ma a y? Ano cha kyhpachâna tleih beih leipa liata â lypa vâta, A hiehâhna cha chhâzaw ta a vao thlâh ha vei.

MALUHREINA 14:18

‘Abeipa cha hiehâhna kyh liata nainôsôpa châ ta, kyhpachâna hnei hluh ngaita ta, moleina nata hmoparaonazy a ngiahthai theipa a châ. Thailei a châpazy deikua cha, hrie leipa ta y beih vei. Pawzy hmoparaona ty sawzy chô liata patlôsa ta, chhâ thôhna nata chhâ palihna taihta a patlôsapa a châ,’ tahpa ta vaw reih ha chi ta.

LUKA 1:72

Miah pathlatuhpazy hnohta Zawngiahna bietai palâsa ta, A biehrai pathaihpa â thei thlâh haw.

RYHPACHANEINA 31:6

Thatlôpa nata riahphapa ta y u la, âmo cha chi leipa u la, thlazohpa ta y hra khuh vy. Nama hnohta a siepa cha Abeipa nama Khazohpa châ ta, cha my leipa aw ei ta, cha pathlua aw veih ei,” tah ta.

RYHPACHANEINA 31:8

Abeipa nama hmia lâta sie aw ta, nama hnohta y aw ta, cha siesai beih leipa aw ei ta, cha pathlua beih aw veih ei. Chi leipa u la, a ngiaroh hra khuh vy,” tah ta.

HEBRAI 13:5

Nama hro cha tâkâ sôh tlaichhaina a hlao leipa châ sala, nama hneipa rakha liata palôhtlâh a pao muh vy. Abeipa ta, “Cha pathlua beih leipa aw ei na ta, cha siesai beih aw veih ei na,” a tah.

ZAWSUA 1:5

Na hro chhôh zydua ahy ta hmah cha pahnie thei aw veih ei. Mawsi hnohta ei ypa hawhna khata, na hnohta ei y hra aw. Cha siesai leipa aw na ta, cha pathlua aw va na.