RYHPACHANEINA 4:3 - Mara Bible RV (BSI)

³ Bâlâpeô liata Abeipa hmotaopa kha nama mo ta hmô ta, Bâlâpeô a pazipa zydua Abeipa nama Khazohpa ta nama hry tawhta a pahleipadia khai hapa chhao nama hmô.

RYHPACHANEINA 4:3 ပူးပေါင်းရင်းမြစ်များ

EZEKIA 20:18

“Chatawhcha râhchawhpa liata ama y nona chata ama pathlazy hnohta, ‘Châ pathlatuhpazy bieraopazy a chhih leipa u la, ama ryhpazy zyh hra leipa u la, ama khazoh nothlahpazy ta a papuapalei hra khuh vy.

HÔSIA 9:10

Râhchawhpa liata kre thei hawhta Izarei cha hmô na ta; Theiku a daih tuapa ei mopa hawhta, Châ pathlatuhpazy kha ei moh ei. Châhrasala Bâlâpeô ama vaw tlôpa nahta, Nozachhihpa hmo lâta thlai ama tlei haw; Chavâta ama tlaichhaipa hmozy hawhta, Âmo chhao pasichhihpa ama châ haw.

MALUHREINA 26:64

Chazy hry liana chata Sinai râhchawhpa liata Mawsi nata theihthaipa Arawna ta maluh ama vaw reipa Izarei sawzy pakha hmahta a hlao khao veih ei.

MALUHREINA 31:16

Pachâ teh u, âmo kha Bâlâma ryhraona ta Peô liata Izarei sawzy Abeipa chô liata paraona a pataosatuhpazy châ ei ta, âmo vâta Abeipa chyhsazy chô liata potlana a vaw tlôpa kha.

RYHPACHANEINA 11:7

nâmo, nama mo tlai ta Abeipa hmo rônahpa taopa zydua a hmôtuhpazy hnohta ei reipa a châ.

RYHPACHANEINA 4:4

Abeipa nama Khazohpa khâchâ a patu hapazy deikua cha, tanoh taihta nama hroh hih.

ZAWSUA 22:17

Peô su liata moleina kha eima châta a daih vei ma? Abeipa phopi chô liata potlana vaw tlô ta, kha moleina tawhta tahmâ taih eimâ pathai khai to leipa he.