RYHPACHANEINA 4:29 - Mara Bible RV (BSI)

²⁹ Châhrasala cha tawhna chata Abeipa nama Khazohpa cha tlua u la, nama pathipalôh tlokhuh ta nata nama thlahpa tlokhuh ta nama tlua khiahta cha, nama hmô heih aw.

RYHPACHANEINA 4:29 ပူးပေါင်းရင်းမြစ်များ

2 ABEIZY 10:31

Châhrasala Zehu cha Abeipa, Izarei Khazohpa ryhpa a pathipalôh tlokhuh ta zyh leipa ta, Izarei a pamoleisapa Zerôbaw moleinazy pathleih leipa ta.

2 ABEIZY 23:3

Abei cha otôh liata a duah ta, Abeipa hmiakô liata biehrai tao ta. Abeipa hnôh pazipa ta, a biepiepazy, a biepahnokheipazy nata a bieraopazy cha a pathipalôh tlokhuh ta nata a thlahpa tlokhuh ta zyh ta, cha châbu liata â rohpa biehrai biezy hawhta tao lymâ awpa ta biehrai tao ta. Zawpi zydua chhao ta biehrai tao ei ta.

2 THÂTIHZYRONA 15:12

Ama pathipalôh nata ama thlahpa tlokhuh ta ama pathlatuhpazy Khazohpa Abeipa tlua awpa ta biehrai tao ei ta.

2 THÂTIHZYRONA 15:15

Ama pathipalôh hmeiseihpa ta bie a taih ei ta, Abeipa cha khopasa ngaitapa ta ama tluapa vâta, Abeipa ta âmo cha hmô ta, su to liata apahâna a piepa vâ ei ta, ama bietai liata amâ ly ngaita.

2 THÂTIHZYRONA 15:2

Âsâ dy awpa ta pua ta, a hnohta, “Asâ nata Zudâh nata Benzami pathla zydua saih u, na nathlie teh u: Ano chhâh namâ châh chhôh zydua cha, Abeipa chhao ta nama chhâh a châ ta, ano nama tlua khiahta cha, hmô aw ei chi ta, ano namâ heihsai khiahta cha, ano chhao ta a châ heihsai aw ei.

2 THÂTIHZYRONA 15:4

Châhrasala ama nô vaw po ta, Abeipa, Izarei Khazohpa lâ a heipa ta ano cha ama tlua nahta, Abeipa ta âmo cha vaw hmô ta.

2 THÂTIHZYRONA 31:21

Hezekia cha Khazohpa o liata chakaona raihria ky liata zy, ryhpa kyh liata zy, biepiepa kyh liata zy, a Khazohpa tluana kyh liata zy, a taopa maih liata pathipalôh tlokhuh ta tao lymâ ta, chavâta thlaochhipa ta a y lymâ.

NEHEMIAH 1:9

kei lâ vaw kuapa ta, ei biepiepazy zyhpa ta nama tao khiahta deikua cha, avâ chy chhâna taihta papuapa châ hra u la, cha tawhta châ chhi pakhy aw ei na ta, ei moh y nawpa ta ei tlyhpa su lâ ei châ chhi heih aw ei,’ tahpa ta bie na piepa kha, rie a thei mah y.

NEHEMIAH 9:27

Chavâta âmo rie a patheituhpa ama chariahzy ku liata na pie ha ei. Ama nôpona daihti liata cha pado ei ta, vârâh tawhta vaw nathlie chi ta, na zawngiahna rônah ngaitapa vâta pachhatuhpazy pie chi ta, âmo chata ama chariahzy ku tawhta ama pachha haw.

HLAZY 119:10

Ei palôh zydua ta cha tlua na ta, Na biepiepazy tleisai awpa na pasaih khah y!

HLAZY 119:145

Hy Abeipa, ei palôh tlokhuh ta cha aw na ta, Na chyh-ei mah y! Na bieraopazy ei zyh aw.

HLAZY 119:2

A bieraopazy a zyhtuhpazy cha nohlao ei ta, Pathipalôh tlokhuh ta ano a tluapazy cha ama nohlao na.

HLAZY 119:58

Ei palôh tlokhuh ta na khokheina cha hiah na ta, Na bietai hawhta na ngiachhie mah y.

ZEREMIAH 3:10

Cha zydua a hmô thlâh hapa chhao ta, a narônô haiphiahnô Zu­dâh cha palôh hmeiseihpa ta kei lâ vaw kua leipa ta, a pakheipa ta a vaw kua tyh,” Abeipa ta a tah.

ZEREMIAH 51:50

“Nâmo zaozi a khôkhâhtuhpazy saih u, Sie u la, lâpi liata a duah khuh vy! Abeipa cha lâhlapi tawh chhao ta a thei u la, Nama palôh liata hetana heta Zerusale a lâ mawh sy:

EZEKIA 6:9

Zaozi a khôkhâhpazy chata sei ta amâ chhina phopizy hry tawhta einâ thei aw ei. Amâ phei khohna palôh vâta nâ heihsai ei ta ei palôh pasana nata ama khazoh nothlahpazy liata ama aohraohna mokhaohzy vâta ei palôh pasana zy a thei aw ei ta, hmo pha leipa ama taopazy nata ama pasichhihna zydua vâta, âmosasyh ta amâ pasi aw.

ZÔELA 2:12

“Chatahrasala tahmâ tlai chhao he, Nama palôh tlokhuh ta kei lâ vaw kua teh u, Kâhvileipa ta y u la, Chana nata mâchhiesana chôta vaw kua teh u,” Abeipa ta a tah.

AMÔSÂ 5:4

Abeipa ta Izarei phopi hnohta hetana heta a tah: “Kei na tlua u la, Nama hroh aw.

RYHPACHANEINA 10:12

“Chavâta Hy Izarei, Abeipa nama Khazohpa ta a châ hnawpa ei cha khâpa hropa châ leipa ta, Abeipa nama Khazohpa cha chipa ta, a lâpi zydua a chhih ta, ano kyhpachâ ta, nama pathipalôh tlokhuh ta nata nama thlahpa tlokhuh ta Abeipa nama Khazohpa cha chakao ta,

RYHPACHANEINA 11:13

“Chavâta ei biepiepa, tanoh ta ei cha piepazy he ngâchhihpa ta zyh u la, Abeipa nama Khazohpa cha nama pathipalôh tlokhuh ta nata nama thlahpa tlokhuh ta kyhpachâpa ta nama chakao khiahta cha,

RYHPACHANEINA 26:16

“Tanoh he Abeipa nama Khazohpa ta he bieraopazy nata pachianazy he tao awpa ta bie a cha pie ei. Chavâta nama pathipalôh tlokhuh ta nata nama thlahpa tlokhuh ta zyhpa ta nama tao awpa a châ.

RYHPACHANEINA 30:10

Abeipa nama Khazohpa ao nathliepa ta, he ryhpa châbu liata ropa a biepiepazy nata a bieraopazy zyh u la, nama pathipalôh tlokhuh ta nata nama thlahpa tlokhuh ta Abeipa nama Khazohpa lâ namâ heih khiahta cha, cha byhnâzy cha nama to aw.

RYHPACHANEINA 6:5

Abeipa nama Khazohpa cha nama pathipalôh tlokhuh ta, nama thlahpa tlokhuh ta, nama thatlôna tlokhuh ta kyh nama pachâ awpa a châ.

ZAWSUA 22:5

Abeipa chakaotuhpa Mawsi ta bie a cha piepa hawh ei ta, Abeipa nama Khazohpa cha a kyh pachâ ta, a lâpi zydua a chhihpa ta, a biepiepazy zyh ta, ano cha khâchâ patupa ta, nama pathipalôh tlokhuh ta nata nama thlahpa tlokhuh ta ano chakao awpa ta biepiepa nata ryhpazy pakhâta ta nama zyh awpa a châ,” tah ta.

1 SAMUELA 7:3

Samuela ta Izarei chhôhkha zydua hnohta, “Nama pathipalôh tlokhuh ta Abeipa lâ a kuapa nama châ hmeiseih khiahta cha, râh hropa khazoh nata Astarôzy nama hry tawhta thy khai aw ei chi ta, nama palôh Abeipa lâta paheipa ta, ano deita nama chakao awpa a châ. Chatanachata Philistinâ mo ku tawhna heta a cha pachha aw ei,” tah ta.