RYHPACHANEINA 4:28 - Mara Bible RV (BSI)

²⁸ Cha liata chyhsapa ku ta taopa tho nata lô khazoh, a hmô thei leipa, a thei thei leipa, a nie thei leipa, roh theina chhao a hnei leipa nama chakao aw.

RYHPACHANEINA 4:28 ပူးပေါင်းရင်းမြစ်များ

2 ABEIZY 17:40

Châhrasala nathlie khoh leipa ei ta, ama taozietyhpa hawhta ama tao lymâ.

ISAI 26:14

Bei hropazy cha thi ha ei ta, Hroh heih khao aw veih ei; Nohpahlipa dei châ ei ta, Thyu heih khao aw veih ei. Âmo cha hriepa ta pahleipadia khai ha chi ta, A thei ngâ thlâh hapa châ khao veih ei.

ISAI 44:11

Pachâ teh u, ano zituhpa zydua cha, Maophyuhpa ta ama y aw; Zôthaipazy cha chyhsapa deita ama châ. Ama zydua ta a vy ei sala, Ama thâtih a vaw duakhei tua ei sa. Chipa ta paysapa châ aw ei ta, Maophyuhpa ta taopa ama châ aw.

ISAI 44:12

Thua khazoh nothlahpa tao awpa ta, Syudaihpa ta chhaichhi a chabapa ta, Meihei chô liata rai a hria; Khazoh nothlahpazy cha syulô ta daih ta, A bâh thatlôpa hmâpa ta nothlahpa cha a tao. A nodipa ta a thachhâ ta, Ti do leipa ta a panao.

ISAI 44:9

Khazoh nothlahpa a taotuhpa zydua cha, Khâpa hmah châ leipa ei ta; Ama pasôpa hmozy chhao, Phahnaina hnei veih ei. Âmo tlai ta ama pahno; Châhrasala a phapa ta moh leipa ei ta, Pachâ hra veih ei; Chavâta maophyuhpa ta sopa ama châ aw.

ISAI 45:20

“A pahmaohpa ta a vy u la, Nâmo, phopi laibâhpazy saih u, Hmaohkha ta a vaw hnia teh u! Ama tho khazoh nothlahpa a phaoh laihpa phopizy ta Pahnona rai hnei leipa ei ta, A pachha thei leipa khazoh lâ thlah khâ ama chhâ tyh.

ISAI 46:7

Khazoh nothlahpa cha, Ama ngiatlâh liata khaipa ta a pia ei ta; A su awpa liata soh ei ta, Cha liata â duah ngâ thlâh haw; A su tawhta ano kho ta a pasie thei vei. Chyhsa ta a aw khiahta cha, A chhy leipa ta; A nôpona tawhta pachha thei hra vei.

ZEREMIAH 10:3

Phopizy phôryhpazy cha hraoleipa deita ama châ. Râhmâhpa liata tho thlu ei ta, Ahrei hmâpa ta zôthaipa ku ta khazoh nothlahpa ama tao.

ZEREMIAH 10:5

Ama khazohzy cha athei lyu liata Pavaw pachisana nothlahpa hawh dei châ ei ta, Reih pathlie thei veih ei; Âmo kho ta ama sie thei leipa vâta, A sy awpa a byuh tyh. Chavâta âmo cha chi khuh vy; Hmo chhiepa tao thei leipa ei ta, Hmo phapa tao theina âmo liata y hra vei.”

ZEREMIAH 10:9

Tâsi tawhta tâkâ daipa vaw phaoh ei ta, Upha tawhta ngôh ama vaw phao tyh. Chazy cha zôthaipa ta a taopazy châ ei ta, Ngôh daihtuhpa kuzôzy ama châ. Ama chysiazy cha anohpa nata nohsaihpa châ ei ta, Zôthaipa taopa sai ama châ.

ZEREMIAH 16:13

Chavâta he râh tawhna heta cha papua aw ei na ta, nâmo nata châ pathlatuhpazy ta nama pahno beih lei­pa râh lâ ei cha pazaw ha aw ei. Cha liata chhô nah zâ ta khazoh hropazy nama chakao aw, cha ngiachhie khao aw veih ei na,’” Abeipa ta a tah.

EZEKIA 20:32

“Nama palôh liata, ‘Phopizy hawhta y sih la, râhzy liata chiphozy hawhta y hrapa ta, tho nata lô zy a chhy ei suh u,’ nama tah. Nama pachâpa hawhta vaw y beih aw vei.

EZEKIA 20:39

“Nâmo deikua cha, Hy Izarei pathlazy saih u, Abeipa Zehôvâh ta hetana heta a tah: Ei bie nama nathlie lei awpa khiahta cha, tahmâ tawhna heta nama zydua ta sie u la, nama khazoh nothlahpazy cha kei chakao chyu muh vy. Ei moh pathaihpa deikua cha, nama hmohlâpazy nata nama khazoh nothlahpazy ta papuapalei khao khuh vy.

HMOTAOPAZY 19:26

Ephesi lia dei châ leipa ta, Asia râh zydua rô ta, he Pawla heta ku ta taopa khazohzy cha khazoh châ veih ei, tahpa ta chyhsa hluhpi pahnie ta, a patleisa khaipa kyh cha, nâmo chhao hmô ei chi ta, nama theipa a châ.

HMOTAOPAZY 7:42

Chavâta Khazohpa ta âmo cha a heihsai ta, avâ liata awhsizy a chhy awpa ta âmo cha a siesai ha ei, hrohsopazy châbu liata, “‘Hy Izarei phopi, Râhchawhpa liata kô sypalih nama y chhôh ta, Sa thiepa nata atheihnazy eina hlâ ei chi ma?

RYHPACHANEINA 28:36

“Abeipa ta nâmo nata nama bei nama pachâsa awpa cha, nama pahno beih leipa phopi, châ pathlatuhpazy chhao ta ama pahno beih leipa phopi lâ châ chhi aw ei ta, cha liata khazoh hropazy, tho nata lô khazohzy nama chakao aw.

RYHPACHANEINA 28:64

“Abeipa ta kaokih liata, alei chhâna miakha lâ tawhta miakha lâ chhâna taihta a ypa phopizy hry liata cha papai aw ei ta, cha liata nâmo nata châ pathlatuhpazy ta nama pahno beih leipa tho nata lô khazohzy nama chakao aw.

RYHPACHANEINA 29:17

Ama hmo pasichhihpazy hmô ei chi ta, tho nata lô, tâkâ nata ngôhzy ta taopa ama khazoh nothlahpazy chhao nama hmô.

BIEPHUAH 9:20

Khizaw chyhsa hropa, cha potlanazy ta a thie leipazy ta ama ku ta taopazy amâ chhypa tawhta ro khoh to veih ei. A hmô thei leipa, a thei thei leipa nata a sie thei leipa ngôh nothlahpa, tâkâ nothlahpa, dawh nothlahpa, alô nothlahpa nata tho nothlahpa achhyna nata ahripazy achhyna bâsai hlei veih ei.

1 SAMUELA 26:19

Chavâta ei zibeipa abei y, châ chakaotuhpa biezy he tahmâ vaw nathlie tua mah y. Keima nâ dyuh awpa palôh châ pahneisapa he, Abeipa a châ khiahta cha, hmohlâpa a pyh sala, chyhsazy ama châ khiahta deikua cha, Abeipa hmiakô liata chhiesapa ta y mawh sy. ‘Sie la khazoh hropazy kei chakao teh,’ na tah ei ta, Abeipa ryu liata tovyuh ei hnei thei lei nawpa ta, tanoh eina papua ha ei hih.