RYHPACHANEINA 4:27 - Mara Bible RV (BSI)

²⁷ Abeipa ta phopizy hry liata cha papai aw ei ta, Abeipa ta a cha papaina phopizy hry liata a chyhta dei pahlôhpa nama châ aw.

RYHPACHANEINA 4:27 ပူးပေါင်းရင်းမြစ်များ

ÂTHAONA 11:4

Chatanachata, “A vy teh u, khihpi padua sih la, o sâhpa a laki avâ a daih awpa sa sih la, eima moh pathâhsa suh u. Chataleipatala alei chô zydua liata papaipa ta eima y pathlei aw na,” tah ei ta.

ÂTHAONA 34:30

Zakaw ta Simeôna nata Livai hnohta, “Nâmo vâta rairuna ei tyh ha hih. Râh liata a pahrâpa, Kâna mo nata Perizi mo hmia liata ei roh nama pachhie haw. Kei cha chyhsa chyhta dei ei hnei hih. A awpakhy ei sala, einâ dyuh khiah ei ta cha, kei nata ei o liata a ypa zydua pahleipadiapa eima châ aw,” tah ta.

NEHEMIAH 1:3

Âmo ta ei hnohta, “Seichâna tawhta a vaw kuapa, Zudâh râh liata ahrohpa ta a ypazy cha, nôpo ngaitapa nata noza hmiachhiepa ta y ei ta, Zerusale thokhy cho khai ha ta, a chhikaozy mei ta a kâ khai haw,” tahpa ta na chho ei ta.

HLAZY 106:27

Ama chipathlazy cha phopizy hry liata papaosa aw ta, Râh to liata a hiepatla awpa kyh chhao a chho ei.

HLAZY 44:11

Thie awpa mietaku hawhta miah tao chi ta, Phopizy hry liata miah na hiepatla haw.

HLAZY 44:12

Na chyhsazy he sôh chyhta ta zuah chi ta, Ama mâ rupa zie ta haw va chi.

ISAI 17:6

Ôli kô chakhyh nota, A kithlao a sâh chaipa liata a thei miano miathôh â nguapa hawhta, Theilâpa lyu khai tawhta, A chiah liata a thei miapalih miapangawh â nguapa hawhta, Cha liata kâmo thoh awpa a y aw, Abeipa Izarei Khazohpa ta a tah.

ZEREMIAH 16:13

Chavâta he râh tawhna heta cha papua aw ei na ta, nâmo nata châ pathlatuhpazy ta nama pahno beih lei­pa râh lâ ei cha pazaw ha aw ei. Cha liata chhô nah zâ ta khazoh hropazy nama chakao aw, cha ngiachhie khao aw veih ei na,’” Abeipa ta a tah.

EZEKIA 11:16

Chavâta ama hnohta, ‘Abeipa Zehôvâh ta hetana heta a tah: Lâhlapi phopizy lâta papaipa ta, râhzy liata ei hiepatla hapa chhao ei ta, ama siena râhzy liata bohpi leipa ama y chhôh ta, âmo châta supathaihpa ei châpa pyly aw ei,’ tahpa ta reih mah y.

EZEKIA 12:15

Phopizy hry liata papaipa ta, râhzy liata ei hiepatla ti ei ta, Abeipa ei châ tahpa ama pahno aw.

EZEKIA 20:23

Cha dei châ vei, phopizy hry liata hiepatla awpa nata râhzy lâta papai awpa ta, râhchawhpa liana khata chyhu sapa ei na ta.

EZEKIA 22:15

Phopizy hry liata cha hiezâhpa ta, râh to liata cha papai aw na ta, na pathaih leinazy ei pachhâsa aw.

EZEKIA 32:26

“Cha liata Mese Tubâ nata a zawpizy y ei ta, a thlâzy a kiapâh liata y ta, ama zydua ta chopawtaileipa, zaozi ta thiepazy châ ei ta, ahrohpazy râh chichhihpa ta a taotuhpazy ama châ.

DÂNIAH 9:7

Hy Abeipa, siana cha nâma eih châ ta, keimo tovyuh deikua cha nozana deita a châ, tanoh ta hmo a ypa hawhna tlai heta. Zudâh chyhsazy, Zerusale liata a pahrâpazy, Izarei zydua nata sei ta nâ chhina râh zydua liata lâhnia nata lâhla liata a ypazy ta haiphiahpa ta na chô liata hmo ama taopa vâta, tanoh nozapa ta eima y ha hih.

HÔSIA 9:17

A rei amâ ngia leipa vâta, Ei Khazohpa ta dytha aw ei ta, Phopizy hry liata viavipa ta ama y aw.

THEIHTHAINA 26:33

Phopizy hry liata cha hiepatla aw ei na ta, ei zaozi phiapa ta ei cha chadai aw ei. Chatanachata nama râh cha roryhrapa ta y aw ta, nama khihpizy cha khirypa ama vaw châ aw.

ZEKARIA 7:14

Khisô paipa hawhta, ama pahno leipa phopizy lâta ei papai ha ei. Chavâta ama siesaipa râh cha roryhrapa ta y ta, a ngiapa nata a puapa y khao veih ei. Râh khochhih ngaitapa cha roryhrapa râh lâta ama pachâsa haw,” Pheisaihzy Abeipa ta a tah.

RYHPACHANEINA 28:36

“Abeipa ta nâmo nata nama bei nama pachâsa awpa cha, nama pahno beih leipa phopi, châ pathlatuhpazy chhao ta ama pahno beih leipa phopi lâ châ chhi aw ei ta, cha liata khazoh hropazy, tho nata lô khazohzy nama chakao aw.

RYHPACHANEINA 29:28

hiehâhna ru ngaitapa nata pathiiana sah ngaitapa ta ama râh tawhta phia pathlah ta, tanoh ta ama yzie hawhna heta, râh hro lâta a papaipatla ha ei,’ ama tah aw.

RYHPACHANEINA 30:3

Abeipa nama Khazohpa ta nama seichâna tawhta cha pakuasa aw ei ta, a cha ngiachhie aw ei. Abeipa nama Khazohpa ta a cha papaipatlana râh phopizy tawhta cha pakhy aw ei ta, a cha pakuasa aw ei.

RYHPACHANEINA 32:26

A tlawh ta pachhaih aw ei na ta, Khizaw ta â thei khao lei awpa ta ei pamua aw ei,’ Vaw tah ha aw sah la a pha awpa tlai.