RYHPACHANEINA 4:26 - Mara Bible RV (BSI)

²⁶ nâmo pazei nawpa ta pahnokheituhpa châta avâ nata alei tanoh ei aw ei. Zawdâh chakapa ta nama kei hnei awpa râh tawhta thlai leidia aw ei chi ta, cha râh liata hroh pareih leipa aw ei chi ta, pahleipadia khaipa nama châ aw.

RYHPACHANEINA 4:26 ပူးပေါင်းရင်းမြစ်များ

ÂTHAONA 19:13

He su he eima pahleipadia aw. Abeipa hmiakô liata a khih chyhsazy kyh ama reipa a rarôh y ngaita ta, chavâta pahleipadia awpa ta Abeipa ta miah a za tuah,” tah ei ta.

1 ABEIZY 9:7

Izarei cha râh ei piepa tawhna heta chhawh pathlah aw na ta, ei moh châta Achhyna o ei pathaisapa chhao he ei mohmô tawhta ei pasie syulyu ha aw. Chatanachata Izarei cha a chhiena lâta pakhona bieso châta nata pasipasawhna bie châta phopizy hry liata hmâpa a châ aw.

ISAI 1:2

Hy avâzy saih u, nathlie u la, Hy leilô, na nah pachô teh; Abeipa ta hetana heta a tah: “Sawzy a kuhkheipa ta palaiseihsa ei na ta, Châhrasala einâ chariah ha ei.

ISAI 6:11

Chatawhcha kei ta, “Hy ei Zibeipa, khati taih ma a châ aw?” tah na ta. Abeipa ta hetana heta einâ chhy: “Khihpizy rao khaipa ta, Khihsawzy y khao leipa ta a y hlâlei; Ozy rua khaipa ta, Râh roryhrapa ta a y hlâlei;

ZEREMIAH 16:13

Chavâta he râh tawhna heta cha papua aw ei na ta, nâmo nata châ pathlatuhpazy ta nama pahno beih lei­pa râh lâ ei cha pazaw ha aw ei. Cha liata chhô nah zâ ta khazoh hropazy nama chakao aw, cha ngiachhie khao aw veih ei na,’” Abeipa ta a tah.

ZEREMIAH 2:12

Hy avâzy saih u, cha kyh liata noâh tah u la, A pahlawpa ta roryhra khaipa ta y teh u,” Abeipa ta a tah.

ZEREMIAH 22:29

Hy râh, râh, râh y, Abeipa bie he thei teh!

ZEREMIAH 32:24

Moh tua, khihpi la awpa ta dôhna alei pathlupazy â kaw sâh kaw bâ hih. Zaozi nata chakâhna nata potlana zy vâta khihpi he a dyuhtuhpa Kaldia mo ku liata piepa a châ ha hih. Na reipa kha vaw tlô ha ta, moh tua, na hmô hih.

ZEREMIAH 44:22

Hmo moleipa nama taopazy nata hmo pasichhihpa nama taopazy Abeipa ta chhyh thei khao vei. Chavâta nama râh cha tanoh duahmo hawhna heta, râh roryhrapa, râh rypa nata chhiesapa râh châ ha ta, a chhôh liata a pahrâpa chhao ama y khao vei hih.

ZEREMIAH 6:19

Hy leilô y, nathlie teh; Ei biezy nathlie leipa ei ta, Ei ryhpa ama dythapa vâta, Ama hmotaopa theilâpa chhiena cha, He phopi chô liata ei vaw patlôsa aw.

EZEKIA 33:28

Râh cha roryhrapa nata a rypa ta tao aw na ta, â palaikhei kawpa a thatlôna chhao ei pachhâsa ha aw. Izarei tlâhpizy cha roryhrapa ta ama y awpa vâta, ahy hmahta chapia khao aw veih ei.

EZEKIA 36:4

Hy Izarei tlâhpizy saih u, Abeipa Zehôvâh bie he thei teh u: Abeipa Zehôvâh ta tlâhpizy nata tlâhthlôhzy, chavahzy nata saikaozy, su rypazy nata khihpi roryhrapazy hnohta hetana heta a tah: Ama chheipâh phopizy ta ama hrao awpa nata pahneisao awpa ama vaw châ haw.

THEIHTHAINA 18:28

Nâmo chhao, râh nama papuapalei khiahta cha, nâmo hlâta a vaw y tuapa phopi hawhna khata râh ta a cha pali hra aw ei.

MIKÂ 1:2

Hy phopizy saih u, thei u la, Nama zydua ta thei teh u; Hy leilô y, nathlie la, A chhôh lia a ypa zydua chhao nathlie teh u. Abeipa Zehôvâh ta cha leih ei ta, Abeipa ta Achhyna o pathaihpa tawhta a cha leih ei.

MIKÂ 6:2

Nâmo, tlâhpizy saih u, Nâmo, leilô abôna hlôpazy saih u, Abeipa ta a phopi a leihna bie he nathlie tua u; Abeipa ta ano phopi leih nawpa hnei ta, Izarei cha â dyuh aw.

LUKA 21:24

Zaozi ta thi aw ei ta, phopi zydua sei ta a chhipa ama châ aw. Zenitaizy noh â ki hlâlei cha, Zerusale cha Zenitaizy tlypâpa ta a y aw.

RYHPACHANEINA 11:17

Chata a châ khiahta cha, Abeipa pathi nama chô liata ia aw ta, avâ khaw aw ta, avâ sua leipa aw ta, alei ta thei pathei leipa aw ta, Abeipa ta râh phapa a cha piepa tawhta thlai nama leidia aw.

RYHPACHANEINA 28:20

“Hmo pha leipazy taopa ta, Abeipa nama tleisaipa vâta, Abeipa ta nama ku raihria zydua liata chhiesana, tymâna nata palôh chhâna zy vaw tuah aw ta, pahleipadiapa châ aw ei chi ta, thlai nama leidia aw.

RYHPACHANEINA 28:22

Chaohna, chasipa, thlohna, thata palona, nohkâhna, raohna nata maohna zy hmâpa ta Abeipa ta cha hrie aw ei ta, nama leidia hlâlei ama châ chadai lymâ aw.

RYHPACHANEINA 28:45

“Abeipa nama Khazohpa ao nathlie leipa ei chi ta, zyh awpa ta bie a cha piepa ei a biepiepazy nata a bieraopazy nama zyh leipa vâta, pahleipadiapa nama châ hlâlei, he chhiesana zydua he nama chô liata a vaw tlô aw. Chhiesanazy ta châ chadai aw ei ta, ama cha pha aw.

RYHPACHANEINA 28:61

He ryhpa châbu liata ro leipa pasana nata potlana to chhao, nama leidia khaina taihta Abeipa ta nama chô liata a patlôsa aw.

RYHPACHANEINA 29:28

hiehâhna ru ngaitapa nata pathiiana sah ngaitapa ta ama râh tawhta phia pathlah ta, tanoh ta ama yzie hawhna heta, râh hro lâta a papaipatla ha ei,’ ama tah aw.

RYHPACHANEINA 31:28

Nama chi to machâzy nata nama hyutuhpazy kei lâ a vy awpa ta awpakhy teh u. He bie zydua he ama nah theina liata reih aw na ta, ei bie nâ pahnokhei awpa ta avâ nata alei ei aw aw ei.

RYHPACHANEINA 32:1

“Hy avâzy saih u, Nah pachôh teh u, Bie ei reih aw; Ei pakah tawhta biezy he Alei ta thei mawh sy.

RYHPACHANEINA 7:4

Chataleipatala keima pazina tawhta nama sawchapawzy patleisapa ta, Khazoh hropazy chakaosa aw ei ta, nama chô liata Abeipa a pathi iapa ta, thlai a cha pahleipadia pathlei aw ei.

RYHPACHANEINA 8:19

Chavâta Abeipa nama Khazohpa mypa ta, khazoh hropazy zipa ta, chazy cha chakaopa ta namâ chhy khiahta cha, nama leidia tlai aw tahpa tanoh zikyu ei châ râ ei.

RYHPACHANEINA 8:20

Abeipa nama Khazohpa ao nama nathlie vei khiahta cha, nama hmiakô liata phopizy a pahleipadiapa hawhta, nâmo chhao nama leidia aw.

ZAWSUA 23:16

Abeipa nama Khazohpa ta bie a cha piepa ei, a biehrai paraopa ta, khazoh hropazy pangaipa ta âmo cha chakaopa ta namâ chhy khiahta cha, nama chô liata Abeipa pathi ia aw ta, râh phapa a cha piepa tawhna ei heta thlai nama leidia aw,” tah ta.

ZAWSUA 24:20

Abeipa siesaipa ta râh hropa khazohzy nama chakao khiahta cha, nama chô liata hmo phapa a vaw tao hapa chhao ta, châ heihnaohpa ta hmo pha leipa ta cha thô aw ei ta, a cha pahleipadia aw ei,” tah ta.