RYHPACHANEINA 4:22 - Mara Bible RV (BSI)

²² Kei cha he râh liata thi aw na ta, Zawdâh chaka aw va na. Nâmo deikua chaka aw ei chi ta, râh phapa cha nama kei hnei aw.

RYHPACHANEINA 4:22 ပူးပေါင်းရင်းမြစ်များ

AMÔSÂ 3:2

“Khizaw phopi zydua hry liata, Nâmo deita he ei pahnopa na châ; Chavâta nama moleina zydua vâta Ei cha hrie aw ei.”

MALUHREINA 27:13

Na hmô khai tawhta, na unawhpa Arawna a chiheihzy hnohta pahlyhpa a châpa hawhna khata, nâ chhao na chiheihzy hnohta pahlyhpa na châ aw.

MALUHREINA 27:14

Zini râhchawhpa liata zawpi ta einâ dyuh no ei ta, nâmo pano chhao ei biepiepa a dyuh hra ei chi ta, tizy kiah liata zawpi hmiakô liata eina palyupalih leipa vâ ei chi ta a châ,” tah ta. Cha tizy cha Zini râhchawhpa liata Kâdesâ liata Meribâ tizy a châ.

MALUHREINA 31:2

“Midia mo chô liata Izarei sawzy phuh la teh. Cha khai tawhta na chiheihzy hnohta pahlyhpa na châ aw,” tah ta.

RYHPACHANEINA 1:37

Nâmo vâta Abeipa cha keima chô liata chhao a pathi ia ta, ei hnohta, ‘Nâ chhao, cha râh cha a ngia aw va chi.

RYHPACHANEINA 3:25

Ngiachhiepa ta Zawdâh chavah na chakasa la, Zawdâh haosâ râh phapa, tlâh râh phapa nata Lebanaw râh hao na patlôsa mah y,’ tah na ta.

RYHPACHANEINA 3:27

Piskâ tlâh laki lâ kiah la, notla lâ, maw lâ, chho lâ nata nochhi lâ a heih la, na mo ta sai mah y. Nâ la Zawdâh he chaka aw va chi.

RYHPACHANEINA 31:14

Abeipa ta Mawsi hnohta, “Pachâ teh, na thi daihti â hnia haw. Zawsua aw la, ahmaohna poh o liata a vy teh u, a hnohta biehneina ei pie aw,” tah ta. Mawsi nata Zawsua cha vawh ei ta, ahmaohna poh o liata kei y ei ta.