RYHPACHANEINA 4:2 - Mara Bible RV (BSI)

² Bie ei cha piepa ei kha baichha leipa u la, thy bâ hra leipa u la, Abeipa nama Khazohpa biepiepa nama hnohta ei cha pie pachhuahpazy he zyh muh vy.

RYHPACHANEINA 4:2 ပူးပေါင်းရင်းမြစ်များ

HLAZY 78:7

Ama hnabeiseihna Khazohpa liata pahnieh aw ei ta, Khazohpa hmotaopazy my leipa ta, A biepiepazy ama zyh lymâ aw.

BIESOZY 30:6

A biezy baichha khah y, Chataleipatala cha ra aw ta, Haihthaipa ta hmôpa na châ pathlei aw na.

BIECHHOTUHPA 12:13

Bie zydua reipa nata theipa a châ khai tawhta, cha bie zydua sypahmaohna cha he he a châ: Khazohpa chi la, a biepiepazy a pyh mah y. Cha cha chyhsa to tao awpa ama maophaohna a châ.

ZEREMIAH 26:2

“Abeipa ta hetana heta a tah: Abeipa o dôhpachhôh tlyhmia liata a duah la, Abeipa a chhy awpa ta Abeipa o lâ a vypa Zudâh khihpi zydua cha, ama hnohta rei awpa ta bie ei cha piepa zydua kha chho la, bie miakha hmah phih khah y.

MATHAI 5:18

Hmeiseihta ta ei cha chho ei, avâ nata alei a lei hlâlei cha, Ryhpa bie liata ropa châsâ chyh chaipa tlyma, achôpa di chaipa tlyma, ato zydua a tlôpaki khai hlâlei cha lei aw vei.

MATHAI 5:43

“‘Na vaih kyhpachâ la, na chariahpa a hao mah y,’ ama tahpa nama pahno.

KALATIA 3:15

Unawh saih u, pamosa nawpa ta, chyhsapa taozie ei reih tua aw: Chyhsa taopa biehrai hmahta pa-i hapa cha, phie beih leipa ei ta, baichha beih hra veih ei.

RYHPACHANEINA 1:3

Izi râh ama puasai tawhta kô sypalihna, thla hrawh hleikhana, noh khana noh liata, Izarei sawzy kyh liata Abeipa ta a hnohta bie a piepa zydua cha, Mawsi ta Izarei sawzy chho ta.

RYHPACHANEINA 12:32

Bie ei cha piepa zydua ei he pakhâta ta nama tao awpa a châ. Nama baichha awpa châ leipa ta, nama thy bâ awpa châ hra vei.

RYHPACHANEINA 13:1

“Nama hry liata hrohsopa tlyma, mâ sapa ta chhochhieliena bie a reihpa tlyma vaw pua ei sala, ngiana tlyma, hmonoâhpa tlyma cha pamosa ei sala,

RYHPACHANEINA 33:4

Mawsi ta ryhpa miah pie ta, Zakaw pathlazy ryuto châta miah a pie.

RYHPACHANEINA 4:14

Cha daihti liata, hnei awpa ta nama pangaipa râh liata nama tao awpa bieraopa nata pachianazy cha pachu awpa ei ta, Abeipa ta bie eina pie.

RYHPACHANEINA 4:40

Chavâta a bieraopa nata a biepiepa tanoh ta ei cha piepazy ei he nama zyh awpa a châ. Chatanachata nâmo nata nama pathlazy châta pha aw ta, Abeipa nama Khazohpa ta chhâzaw châta râh a cha piepa lia ei ta nama hro a pareih aw,” tah ta.

RYHPACHANEINA 4:5

Moh teh u, hnei awpa ta namâ ngia haina râh liata nama zyh awpa ta Abeipa ei Khazohpa ta bie eina piepa hawhta, bieraopazy nata pachianazy ei cha pachu ei hih.

RYHPACHANEINA 5:29

Aw, he hawhpa palôh he khâ ama phaoh tyh mawh sala, na chipa ta, ei biepiepazy zyh aw ei ta, âmo nata ama pathlazy chhâzaw ta thlaochhipa ta ama y awpa tlai!

RYHPACHANEINA 5:32

Chavâta Abeipa nama Khazohpa ta bie a cha piepa hawh ei ta pakhâta ta tao u la, chachâh lâ tlyma, chavei lâ tlyma, nama tlei awpa châ vei.

ZAWSUA 1:7

Thatlôpa nata riahpha ngaitapa ta y la, nâ chakaotuhpa Mawsi ta tao awpa bie a cha piepa ryhpa zydua pakhâta ta zyh la, tao mah y. Na siena lia maihta thlaochhipa ta na y thei nawpa ta, ryhpa bie he na chachâh lâ tlyma, na chavei lâ tlyma tleisai cheita khah y.

ZAWSUA 8:35

Mawsi biepiepa zydua kha Zawsua ta Izarei zawpi zydua hnohta a rei leipa y vei. Chanôzy nata hawtizy nata ama hry liata chihropa a ypazy hnohta Zawsua ta a rei leipa ryhpa bie miakha hmah y vei.