RYHPACHANEINA 4:1 - Mara Bible RV (BSI)

¹ “Chavâta, Hy Izarei, bieraopa nata pachiana ei cha pachupazy ei he nathliepa ta, nama hroh thei nawpa ta zyh u la, Abeipa, châ pathlatuhpazy Khazohpa ta râh a cha piepa lâ sie u la, kei pahrâ teh u.

RYHPACHANEINA 4:1 ပူးပေါင်းရင်းမြစ်များ

HLAZY 105:45

Chatanachata a bieraopazy a vao aw ei ta, A ryhpazy ama zyh lymâ aw. Abeipa cha reithai teh u!

HLAZY 119:4

Na pachuna biezy papua chi ta, A phapa ta zyh awpa ta bie na pie.

PUASAINA 18:20

Bieraopazy nata ryhpazy âmo pachu aw chi ta, ama lâpi a chhih awpa nata ama tao awpazy na pahmô lymâ aw ei.

ZEREMIAH 11:6

Chatawhcha Abeipa ta hetana heta eina chho: “He bie zydua he Zudâh khihpizy nata Zerusale khiliahzy liata phuah teh. Abeipa ta hetana heta a tah: ‘He biehrai biezy he nathlie u la, zyh teh u.

EZEKIA 11:20

Chatanachata ei bieraopazy a chhih aw ei ta, ei ryhpazy a vaopa ta ama zyh aw. Ei phopi châ aw ei ta, kei ama Khazohpa ei châ aw.

EZEKIA 20:11

Chyhsapa ta zyh sala, a hro thei nawpa ta, ei bieraopazy pie ei na ta, ei ryhpazy ei pahnosa ei.

EZEKIA 20:21

Châhrasala ama pathlazy ta nâ dyuh ei ta, chyhsapa ta zyh sala a hro nawpa ta ei piepa ei bieraopazy a chhih leipa ei ta, ei ryhpazy zyh hra leipa ei ta, ei Pahânohzy ama papuapalei. Chavâta râhchawhpa liana khata ei pathiiana lei thlupa ta, ei hiehâhna cha âmo chô liata papai thlu awpa a chhuah na ta.

EZEKIA 36:27

Nama chhôh liata ei Thlahpa soh aw na ta, ei bieraopazy a chhih awpa nata ei biepiepazy zyh awpa ta ei cha tao aw ei.

EZEKIA 37:24

“Nâ chakaotuhpa Dâvi cha ama chô liata bei châ aw ta, ama zydua ta vaituhpa pakha ama hnei aw. Ei ryhpazy a chhih aw ei ta, ei bieraopazy ama zyh aw.

THEIHTHAINA 18:5

“Ei bieraopazy nata ei ryhpazy nama zyh awpa châ ta, chazy cha chyhsa ta a tao khiahta cha, chazy vâna chata a hroh aw: Kei he Abeipa ei châ.

THEIHTHAINA 19:19

“Ei bieraopazy na zyh awpa a châ. Sahroh chi hropa nata chi hropa chi na pathlasa awpa châ leipa ta, na lyu liata chi miano na chei pakaoh awpa châ hra leipa ta, pala chihropa miano sa pahlaopa chysia nâ tobi awpa châ vei.

THEIHTHAINA 19:37

Chavâta ei bieraopa zydua nata ei ryhpa zydua a pyh aw ei chi ta, nama zyh awpa a châ. Kei he Abeipa ei châ,” tah ta.

THEIHTHAINA 20:8

Ei bieraopazy a pyh u la, zyh teh u. Kei he Abeipa, nâmo châ pathaisatuhpa ei châ.

THEIHTHAINA 22:31

“Ei biepiepazy he zyhpa ta nama tao awpa a châ. Kei he Abeipa ei châ.

MATHAI 28:20

bie ei cha piepa zydua ei kha zyh awpa ta pachu teh u. Nathlie teh u, nama hnohta ei y thlâh ha aw, khizaw chhâna taih ta,” tah ta.

LUKA 1:6

Ama pano ta Khazohpa hmiakô liata chyhsa siapa châ ei ta, Abeipa biepiepa nata bieraopa zydua liata seina hnei leipa ta a zyh lymâpa ama châ.

ZAWHÂNA 15:14

Bie ei cha piepa maih nama tao khiahta la, ei viasazy nama châ.

RAWMA 10:5

Ryhpa zyhpa vâta siana hmôna kyh liata, Mawsi ta, “Ryhpa a zyhtuhpa cha, ryhpa vâna chata a hroh aw,” tahpa ta roh ta.

RYHPACHANEINA 1:3

Izi râh ama puasai tawhta kô sypalihna, thla hrawh hleikhana, noh khana noh liata, Izarei sawzy kyh liata Abeipa ta a hnohta bie a piepa zydua cha, Mawsi ta Izarei sawzy chho ta.

RYHPACHANEINA 1:8

Moh teh u, nama hmiakô liata râh ei cha sopa ei hih. Sie u la, châ pathlatuhpa Abarahâ, Aisika nata Zakaw nata ama pathla vaw y lymâ awpazy hnohta pie awpa ta Abeipa ta bie â taihpa râh cha kei pahrâ teh u,’ miah tah ta.

RYHPACHANEINA 11:1

“Chavâta Abeipa nama Khazohpa cha kyh pachâ u la, â hnawpazy, a bieraopazy, a pachianazy nata a biepiepazy khâ nama zyh awpa a châ.

RYHPACHANEINA 11:32

tanoh ta nama hmiakô liata ei sopa bieraopa nata pachiana zydua he pakhâta ta nama zyh khai awpa a châ.

RYHPACHANEINA 13:1

“Nama hry liata hrohsopa tlyma, mâ sapa ta chhochhieliena bie a reihpa tlyma vaw pua ei sala, ngiana tlyma, hmonoâhpa tlyma cha pamosa ei sala,

RYHPACHANEINA 16:20

Nama hro thei nawpa nata Abeipa nama Khazohpa ta râh a cha piepa ei cha ryu ta nama to thei nawpa ta, adona, adona deita nama zi awpa a châ.

RYHPACHANEINA 30:16

Abeipa nama Khazohpa kyhpachâ awpa ta, tanoh ta bie ei cha piepa he zyh u la, a lâpizy a chhihpa ta, a biepiepazy, a bieraopazy nata a pachianazy nama zyh khiahta cha, hroh aw chi ta, pôh aw chi ta, hnei awpa ta nama pangaipa râh liata Abeipa nama Khazohpa ta byhnâ a cha pie aw ei.

RYHPACHANEINA 30:19

Nama hmiakô liata hrona nata thina soh na ta, byhnâ nata chhiesana ei soh tahpa pahnokheituhpa châta tanoh he avâ nata alei ei aw ei. Hrona a tlyh u la, chatanachata nâmo nata nama chipathlazy nama hroh aw.

RYHPACHANEINA 30:20

Abeipa nama Khazohpa kyhpachâ u la, a ao nathliepa ta, ano khâchâ patu teh u. Ano cha nama hrona châ ta, nama hro pasina a châ. Chatanachata Abeipa ta châ pathlatuhpa Abarahâ, Aisika nata Zakaw zy hnohta pie awpa ta bie â taihpa râh liata nama pahrâ thei aw,” tah ta.

RYHPACHANEINA 4:40

Chavâta a bieraopa nata a biepiepa tanoh ta ei cha piepazy ei he nama zyh awpa a châ. Chatanachata nâmo nata nama pathlazy châta pha aw ta, Abeipa nama Khazohpa ta chhâzaw châta râh a cha piepa lia ei ta nama hro a pareih aw,” tah ta.

RYHPACHANEINA 4:45

Hezy he Izi râh tawhta ama kaw pua nota, Mawsi ta Izarei sawzy hnohta a reipa pahnosanazy, bieraopazy nata pachianazy a châ.

RYHPACHANEINA 4:8

He tlu ta adopa ryhpa tanoh nama hmiakô liata ei sopa zydua hawhpa bieraopa nata pachiana a hnei hrapa kheihawhpa phopi rônahpa ma a y?

RYHPACHANEINA 5:1

Mawsi ta Izarei saw zydua awpakhy ta ama hnohta, “Hy Izarei, tanoh nama nah theina liata ei reipa bieraopazy nata pachianazy he nathlie u la, a chu u la, pakhâta ta zyh teh u.

RYHPACHANEINA 5:33

Abeipa nama Khazohpa lâpi a chhih aw ei chi ta, a biepiepa zydua nama zyh awpa a châ. Chatanachata hroh aw ei chi ta, nama châta pha aw ta, nama hnei awpa râh liata thlaochhipa ta y aw ei chi ta, nama hro a pareih aw.

RYHPACHANEINA 6:1

“He he Abeipa nama Khazohpa ta nâmo pachu awpa ta bie eina piepa, hnei awpa ta nama kei tlô awpa râh liata nama zyh awpa biepiepazy, bieraopazy nata pachianazy a châ:

RYHPACHANEINA 6:24

Thlaochhipa ta khâ ypa ta, tanoh hawhna heta eima hrona miah a pahlôh lymâ thei nawpa ta, Abeipa eima Khazohpa cha chipa ta, he bieraopa zydua he tao awpa ta Abeipa ta bie miah a pie.

RYHPACHANEINA 7:11

Chavâta tanoh ta ei cha piepa biepiepazy, bieraopazy nata pachianazy he zyh u la, tao muh vy.

RYHPACHANEINA 8:1

“Tanoh ta bie ei cha piepa zydua ei he pakhâta ta nama tao awpa a châ. Chatanachata hroh aw ei chi ta, pôh aw ei chi ta, châ pathlatuhpazy hnohta Abeipa ta bie â taihpa râh liata a ngia aw ei chi ta, râh cha nama hnei aw.

RYHPACHANEINA 8:11

“Abeipa nama Khazohpa biepiepazy, pachianazy nata bieraopazy tanoh ta ei cha piepa ei he nama zyh leipa khiahta cha, Abeipa nama Khazohpa my pathlei aw ei chi ta, chavâta a vaih muh vy.

RYHPACHANEINA 9:1

“Hy Izarei, nathlie teh, nâmo hlâta maluh hluh viapa nata thatlô viapa, avâ taihta thokhy ta dôhpa khihpizy siehnao ta pho awpa ta, tanoh cha Zawdâh nama chaka bâ aw.

ZAWSUA 3:9

Zawsua ta Izarei sawzy hnohta, “He lâ a vy u la, Abeipa nama Khazohpa bie vaw nathlie teh u,” tah ta.