RYHPACHANEINA 32:9 - Mara Bible RV (BSI)

⁹ Abeipa tovyuh deikua cha a phopi châ ta, Zakaw cha a ryuto a châ.

RYHPACHANEINA 32:9 ပူးပေါင်းရင်းမြစ်များ

2 SAMUELA 14:16

Abei ta thei aw ta, Khazohpa ryu eima to lei nawpa ta kei nata ei sawchapawpa pahleipadia miah a chhuahpa chyhsa ku tawhtapa a seichanô he a pachha aw,’ tahpa ta pachâ na ta.

2 SAMUELA 20:19

Kei he Izarei liata aryhna a khohpa nata chyhsa ngâchhihpazy hry liata a hlaopa ei châ. Nâ deikua cha Izarei nô a châpa khihpi parao nâ chhuah. Abeipa ryuto he khazia parao khai ha awpa nâ chhuah tly?” tah ta.

1 ABEIZY 8:51

Âmo cha nâma phopi nata na ryuto châ awpa ta, Izi râh, thua patisana hry tawhta nâ chhi papuapazy cha tlôh ei ta.

1 ABEIZY 8:53

Hy Abeipa Zehôvâh y, miah pathlatuhpazy Izi râh tawhta nâ chhi papua nota châ chakaotuhpa Mawsi hnohta na vaw rei hapa hawhta, âmo cha na ryuto châta khizaw phopi zydua hry tawhta na pananopa ama châ hih,” tah ta.

HLAZY 106:40

Chavâta Abeipa pathi cha a phopi chô liata thata ia ta, A ryuto a pasi ngaita.

HLAZY 106:5

Chatanachata nâ tlyhpazy byhnâ topa to hra aw na ta, Na phopi thaphana liata a lypa ta, Na ryuto rônahna liata ei hlao hra aw.

HLAZY 135:4

Abeipa ta ano châta Zakaw a tlyh ta, A ryuto châta Izarei cha â tlyh.

HLAZY 28:9

Na phopi he pachha la, Na ryuto he byhnâ pie mah y; Âmo cha pasa la, Chhâzaw ta hrôbieh mah y.

HLAZY 33:12

Abeipa a Khazohpa ta a hneipa râh cha, Râh huhiehpa châ ta; A ryuto châta â tlyhpa phopi chhao, Phopi huhiehpa a châ.

HLAZY 74:2

Na phopi he a thei mah y; Hlâno tawhta na chaleipazy châ pi ta, Na ryuto chipho châ awpa ta na chatlaipazy eima châ! Na pahrâ tyhna Zaio Tlâh chhao a thei mah y.

HLAZY 78:71

A phopi Zakaw vaih ta, A ryuto Izarei vaih awpa ta, Mietakuzy vaina tawhta a aw papua.

PUASAINA 15:16

Hy Abeipa, na phopi ama khô khai hlâlei cha, Na chaleipa phopi ama khô hlâlei cha, China nata ngiarohna ta Izi mo tla thlu ta, Na bâh thatlôna vâta alô hawhta amâ chalih.

PUASAINA 34:9

Mawsi ta, “Tahmâ na modypa ei châ khiahta cha, Hy Abeipa, ngiachhiepa ta Abeipa cha eima hnohta sie hra mawh sy. Phopi chhorupa châ hrei sih la, eima paraona nata eima moleinazy miah a ngiahthai la, na ryuto châta miah hnei mah y,” tah ta.

ISAI 19:25

Cha râh thôhzy cha Pheisaihzy Abeipa ta byhnâ awpa aw ta, “Ei phopi Izi, ei kuzô Asuria nata ei ryuto Izarei zy cha thlaochhipa ta y mawh ei sy,” a tah aw.

ISAI 34:17

Âmo châta nuby a dao ha ta, A ku ta chaori thlie ta, Ama tovyuh râh a pie chyu ei; Chhâzaw ta hnei aw ei ta, Chhâ zydua ta cha liata ama pahrâ aw.

ISAI 43:21

Chatanachata ei châta ei paduapa phopi ta, Keima reithaina ama phuah aw.

ZEREMIAH 10:16

Zakaw Tovyuh deikua cha, Cha hawhta châ vei, Ano cha ato taotuhpa a châ; Izarei cha a ryuto chipho châ ta, A moh cha Pheisaihzy Abeipa a châ.

ZEREMIAH 2:7

A râh kôvei nata hmo phapazy nie awpa ta, Râh pha ngaitapa lâ ei cha chhihtha ei. Châhrasala nama tlô nahta, Ei râh cha papuapalei ei chi ta, Ei ryuto cha hmo pasichhihpa ta nama tao.

ZEREMIAH 51:19

Zakaw Tovyuh deikua cha, Cha hawhta châ vei, Ano cha ato taotuhpa a châ; Izarei cha a ryuto chipho châ ta, A moh Pheisaihzy Abeipa a châ.

MIKÂ 2:5

Chavâta nuby a daopa ta, Abeipa pakhypi liata râh a rai awpa Chyhsa hnei khao aw veih ei chi.

ZEKARIA 2:12

Abeipa ta Zudâh cha Râh Pathaihpa liata a ryu patosa aw ta, Zerusale cha â tlyh heih aw.”

EPHESI 1:18

Awpa nama châna liata hnabeiseihna pahnopa ta, mopathaihpazy châta a ryuto rônahpa hluhzie nama pahno thei nawpa ta, nama pathipalôh mozy pavâsapa a châ thei nawpa ta thlah ei cha chhâpa hra ei.

RYHPACHANEINA 9:29

Âmo he na hmotaotheina rônahpa nata na bâh pazawhpa ta nâ kaw chhi papuapa na phopi nata na ryuto châ tlôh ei ta,’ tah na ta.

ZAWSUA 24:17

Abeipa eima Khazohpa, ano tlai cha keimo nata miah pathlatuhpazy Izi râh seichâna o tawhta miah a kaw chhi papua ta, eima mohmô liata ngiana rônah ngaitapazy taopa ta, eima siena maih nata phopi eima chatôhna zydua liata miah pabohsatuhpa a châ.

1 SAMUELA 10:1

Samuela ta sathaw ôh pachhi ta, Sawla luh liata bao ta, Sawla cha a pahnâ ta, a hnohta, “Abeipa ta a ryuto chô liata ryureituhpa châ awpa ta sathaw a cha thu. Abeipa phopi chô liata ryureih aw chi ta, âmo a chadôpa ama chariahpazy ku tawhta na pachha aw ei. He he Abeipa ta a ryuto chô liata ryureituhpa châta sathaw a cha thu tahpa na châta ngiana a châ aw.