RYHPACHANEINA 32:7 - Mara Bible RV (BSI)

⁷ Hlâno daihti liata nohzy kha a thei u la, Chhâ hluhpi liata kôzy kha pachâ tua u; Nama pawzy hiahri u la, Ama cha pahmô aw; Machâzy hiahri u la, Ama cha chho aw.

RYHPACHANEINA 32:7 ပူးပေါင်းရင်းမြစ်များ

HLAZY 10:6

A palôh liata, “A chalyu beih aw va na, Chhâ zydua ta chhiena a tyh aw va na,” tah ta.

HLAZY 119:52

Hy Abeipa, ryhpa hlôpazy ei thei châh ta, Cha ryhpazy chata thlah eina palôh tyh.

HLAZY 44:1

Hy Khazohpa, hlâno daihtizy liata, Miah pathlatuhpazy daihti liata na hmotaopazy kha; Miah pathlatuhpazy ta miah chho ei ta, Eima nah ta eima thei haw.

HLAZY 44:2

Nâma ku tlai ta phopizy papuapa ta, Miah pathlatuhpazy cha loh chi ta; Phopizy pasasa chi ta, Miah pathlatuhpazy deikua cha na pabohsa ei.

HLAZY 77:8

A zawngiahna a chhâ pathlah ha aw ma? A bietai chhâ zydua châta a rao ha aw ma?

HLAZY 78:5

Zakaw châta bieraopa padua ta, Izarei châta ryhpa a tao; Ama pathlazy pachu awpa ta, Miah pathlatuhpazy hnohta bie a pie ei.

PUASAINA 12:26

Nama sawzy ta, ‘He chakaona he khâpa ma a yzie?’ tahpa ta ama cha hiahri tita,

PUASAINA 13:14

Noh hro ta nama sawzy ta, ‘He kyhchhi he khâpa ma a yzie?’ tahpa ta ama cha hiahri tita, ama hnohta, ‘Abeipa ta ku thatlôpa ta Izi râh seichâna tawhta miah â chhi papuapa pamosana a châ.

ISAI 46:9

Hlâno ta hmo parohpazy kha, A thei thlâh ha teh u; Kei he Khazohpa châ na ta, Khazoh hropa rai y veih ei; Kei he Khazohpa châ na ta, Kei hawhpa rai y veih ei.

ISAI 63:11

Hlâno daihtizy a thei heih ei ta, Mawsi ta Abeipa phopi a chhihthana daihtizy kha amâ thei heih. Chatanachata hetana heta ama tah: “Tilaipi tawhta a phopi a chhi papuatuhpa Abeipa kha, Khataih liata a y haw? A mietaku zaw vaituhpazy chhaota Âmo a chhi papuatuhpa kha, Khataih liata a y haw? Ama hry liata a Thlahpa Pathaihpa a sohtuhpa kha, Khataih liata a y haw?

RYHPACHANEINA 4:32

“Nama y hlâta hlâno daihtizy kha hiahri u la, avâ chhâna hiakha lâ tawhta hiakha lâ chhâna taih hiahri tua u. Khazohpa ta alei chô liata chyhsapa a tao noh tawhta, he hawhpa hmo rônahpa he a y beih ma, theipa a châ beih ma?

RYHPACHANEINA 8:2

A biepiepazy nama zyh ma, zyh vei ma tahpa nama palôh pahno nawpa ta, cha panawh ta, cha pasia awpa ta, Abeipa nama Khazohpa ta kô sypalih dua râhchawhpa liata a châ chhipa ei namâ thei thlâh awpa a châ.

RYUREITUHPAZY 6:13

Kidia ta a hnohta, “Hy ei zibeipa, Abeipa eima hnohta a y tlôh khiahta cha, khazia ma he hawhpa hmo zydua he eima chô liata a vaw tlô tly? Miah pathlatuhpazy ta miah ama chho tyhpa, a hmo noâh taopa zydua kha khataih liata ma a y khai ha tly? ‘Abeipa ta Izi râh tawhta miah â kaw chhi,’ tahpa ta miah chho ei ta, tahmâ cha Abeipa ta miah pathlua ha ta, Midia ku liata miah a hlâ ha he zaw,” tah ta.