RYHPACHANEINA 32:47 - Mara Bible RV (BSI)

⁴⁷ Cha biezy cha nama châta bie thlâhthlipa châ leipa ta, nama hrona châ ta, cha biezy cha nama zyh khiahta cha, zawdâh chakapa ta hnei awpa ta nama pangaipa râh liata nama hro a pareih aw,” tah ta.

RYHPACHANEINA 32:47 ပူးပေါင်းရင်းမြစ်များ

BIESOZY 3:18

Ano â patupa maih châta hrona tho châ ta, Â ipa ta ano a patupazy cha thaphapa ta ama y.

BIESOZY 3:22

Na hro châta hrona châ aw ta, Na rao châta atobina a châ aw.

BIESOZY 4:13

Pachuna cha khâchâ patu la, Papua khao khah y; Na hrona châ ta, Liahsa a vao ha mah y.

BIESOZY 4:22

Sona nata novâhna cha a hmôtuhpazy châta hrona châ ta, Ama sapa zydua châta tlâhna a châ.

ISAI 45:19

Lei zohpa liana heta, Arulâta bie reih beih leipa na ta; Zakaw chipathla hnohta chhao, ‘Hraoleipa ta na tlua teh,’ Tah beih va na. Kei, Abeipa he siana bie reih na ta, Biedopa a phuahpa ei châ.”

THEIHTHAINA 18:5

“Ei bieraopazy nata ei ryhpazy nama zyh awpa châ ta, chazy cha chyhsa ta a tao khiahta cha, chazy vâna chata a hroh aw: Kei he Abeipa ei châ.

AMÔSÂ 5:4

Abeipa ta Izarei phopi hnohta hetana heta a tah: “Kei na tlua u la, Nama hroh aw.

MATHAI 6:33

Khazohpa khinarâh nata a siana tlua tua u la, cha hmo zydua cha baichhapa nama châ aw.

HMOTAOPAZY 7:38

Ano cha Sinai Tlâh liata ano bie â chhopa vâlyuhchâpa nata miah pathlatuhpazy chhaota râhchawhpa liata Izarei zawpi hnohta a ypa kha a châ. Miah pie pachhuah awpa ta bietapa hrohpazy a daotuhpa a châ.

RYHPACHANEINA 30:16

Abeipa nama Khazohpa kyhpachâ awpa ta, tanoh ta bie ei cha piepa he zyh u la, a lâpizy a chhihpa ta, a biepiepazy, a bieraopazy nata a pachianazy nama zyh khiahta cha, hroh aw chi ta, pôh aw chi ta, hnei awpa ta nama pangaipa râh liata Abeipa nama Khazohpa ta byhnâ a cha pie aw ei.

RYHPACHANEINA 31:13

Ryhpa a pahno mâh leipa ama sawzy chhao, Zawdâh chakapa ta nama hnei awpa râh liata nama y chhôh zydua Abeipa nama Khazohpa china amâ chu lymâ thei nawpa ta, ryhpa he thei ta, amâ chu hra awpa a châ,” tah ta.

RYHPACHANEINA 33:25

Na thokhy chhikao hrainazy cha, Thua nata dawh châ sala; Na hro chhôh zydua ta Thatlôpa ta y mah y.”

RYHPACHANEINA 4:40

Chavâta a bieraopa nata a biepiepa tanoh ta ei cha piepazy ei he nama zyh awpa a châ. Chatanachata nâmo nata nama pathlazy châta pha aw ta, Abeipa nama Khazohpa ta chhâzaw châta râh a cha piepa lia ei ta nama hro a pareih aw,” tah ta.

RYHPACHANEINA 4:6

Chavâta zyh u la, tao muh vy. Cha cha phopizy mohmô ta nama sona nata novâhna a châ aw. Chatanachata bieraopa zydua cha ama thei tita, “He phopi rônahpa he phopi sopa nata novâhpa tlai na ama châ,” ama tah aw.

RYHPACHANEINA 8:3

Chyhsapa he viahchhâ dei ta hroh leipa ta, Abeipa pakah tawhta a puapa bie to ta tlao a hroh tahpa nama pahno thei nawpa ta, cha panawh ei ta, nodipa ta a cha paysa ei. Chatanachata nama pahno beih leipa, châ pathlatuhpazy chhao ta ama pahno beih leipa mânâ ta a cha pasa ei.

1 TIMAWTHY 4:8

Pôhpa a hriepa he phahnaina rakha hnei ta, Khazohpa chyhsa châna deikua cha, tahmâ hro nata hro a vaw y awpa châta bietai a hneipa a châpa vâta, kyh to liata a phahnai.

2 PITY 1:16

Eima Beipa Zisu Krista hmotaotheina nata â vy heih awpa kyh eima cha pahnosa nona kha, phôhpa phichhyhpazy cha chho ma pi. Keimo cha a rônahna a hmôtuhpazy eima châ.

2 PITY 1:3

Ano eima pahnona zawhzi ta, ano rônahna nata phana vâta miah awtuhpa Khazohpa hmotaotheina chata hrona nata Khazohpa pachâna hmo zydua miah a patosa.

BIEPHUAH 22:14

“Ama chysiazy a pasupa cha ama nohlao na. Hrona tho chô liata biehnei thei aw ei ta, chhikaozy lâ tawhta khihpi chhôh lâ amâ ngia thei aw.