RYHPACHANEINA 32:41 - Mara Bible RV (BSI)

⁴¹ Ei zaozi patliepa ta sah la, Ryureina ei chaba tita cha, Ei khakhaipazy chô liata phuh la aw na ta, Nâ haotuhpazy viari ei thô aw ei.

RYHPACHANEINA 32:41 ပူးပေါင်းရင်းမြစ်များ

HLAZY 149:9

Pachiana bie ro chiehpa hawhta, Phopizy cha ama pachia aw. Cha cha a mopathaihpa zydua châta rônahna a châ aw. Abeipa cha reithai teh u!

HLAZY 31:23

Hy a mopathaihpa zydua saih u, Abeipa cha kyhpachâ muh vy! Abeipa ta ngâchhihpa pabohsa ta, Apalaipa deikua cha thata viari a thô tyh.

HLAZY 7:12

Chyhsa ta a moleina a ro vei khiahta cha, Khazohpa ta a zaozi chata aw ta, A libaw a keipa ta â pachyh thlâh ha aw.

HLAZY 7:13

Thina chaihraizy a chhuahdy ha ta, Châtai ia theipazy a tao haw.

PUASAINA 20:5

Chazy cha nâ chhy awpa châ leipa ta, na chakao awpa châ hra vei. Kei Abeipa na Khazohpa he, Khazoh hiatlia pasapa châ na ta, pawzy paraona vâta sawzy a hrie tyhpa ei châ. Nâ haotuhpazy cha chhâ thôhna nata chhâ palihna taihta a hrie tyhpa châ na ta,

ISAI 1:24

Chavâta Abeipa, Pheisaihzy Abeipa, Izarei Thatlôpa ta hetana heta a tah: “Âh, ei chariahpazy papai aw na ta, Ei khakhaipazy chô liata phuh ei la aw.

ISAI 27:1

Cha noh liata, Abeipa ta a zaozi laipa, tiahpa nata thatlôpa hmâpa ta, Leviathâ parihpi a chakhao ngâpa cha a hrie aw. Leviathâ parihpi a pakipa cha hrie aw ta, tilaipi liata parihpi a ypa cha a thie aw.

ISAI 59:18

Ama hmotaopazy hawhta, A chariahpazy viari thô aw ta; A khakhaipazy chhao, Hiehâhna ta viari a thô aw; A chariahpazy viari thô aw ta, Tilaipi kiah râhzy chhao viari a thô aw ei.

ISAI 66:16

Abeipa ta mei ta pachia aw ta, A zaozi ta chyhsa zydua a pachia aw; Chavâta Abeipa ta a thiepazy cha, Ama hluh ngaita aw.

ISAI 66:6

“Khihpi liata tyhreihna pyu nathlie u la, Achhyna o tawhta pyu a vaw puapa nathlie tua u! Abeipa pyu châ ta, A chariahpazy viari a thôna pyu a châ chuh!”

ZEREMIAH 44:26

“Chavâta nâmo Izi râh liata a pahrâpa Zudâh mo zydua saih u, Abeipa bie he thei teh u: Pachâ teh u, ei moh rônahpa ta bie ei taih haw. Izi râh liata a ypa Zudâh chyhsa ahy pakah ta hmahta, ‘Ei Abeipa Zehôvâh hrona reipa ta ei reih,’ tahpa ta ei moh reih beih khao aw veih ei, Abeipa ta a tah.

ZEREMIAH 50:18

“Chavâta Pheisaihzy Abeipa, Izarei Khazohpa ta hetana heta a tah: “Pachâ teh u, Asuria bei ei hriepa hawhta, Babylaw bei nata a râh chhao ei hrie aw.

ZEREMIAH 50:28

“Abeipa eima Khazohpa phuh lana kyh Zaio liata phuahpa ta, Achhyna o phuh lana kyh phuah awpa ta, Babylaw râh tawhta a vaw râpazy ao nathlie u la, Riahnyupazy ao nathlie teh u.

ZEREMIAH 50:29

“Babylaw a dyuh awpa ta, Likathaipazy aw u la, Libaw a keipa zydua aw teh u. Babylaw chadôpa ta riehmozy paryh u la, Ahy hmah papua khuh vy. A hmotaopa lymâ hawhta viarithô u la, A taopa zydua hawhta a chô liata tao teh u; Sâlâ kawpa ta Abeipa a dyuh ta, Izarei Mo Pathaihpa a dyuhtuhpa a châ.

EZEKIA 21:20

Amawna mo khihpi Râbâ lâ zaozi vaw tlô nawpa lâpi pahnona tao la, Zudâh râh Zerusale thokhy khihpi lâpi pahnona chhao tao mah y.

EZEKIA 25:14

Ei phopi Izarei ku ta Edômâ chô liata ei phuh la aw na ta, ei hiehâhna nata ei pathiiana lymâ hawhta Edômâ chô liata tao aw ei ta, chatanachata kei ta phuh ei lapa a châzie ama pahno aw, Abeipa Zehôvâh ta a tah.

EZEKIA 32:10

Phopi hluhpi ta noâh ama tah awpa ta cha tao aw na ta, Ama hmiakô liata ei zaozi ei pahieh tita, Nâma vâta ama beizy chhao ama chi ngaita aw. Na pao noh liata cha, Chyhsa to ta ama hrona pahlei awpa chipa ta, Khâ amâ chalyu aw.

NÂHU 1:2

Abeipa cha hiatlia a pasapa Khazohpa châ ta, Phuh a lapa Khazohpa a châ; Abeipa cha phuh lana nata pathiiana ta a biepa châ ta, Abeipa cha a khakhaipazy chô liata phuh la ta, A chariahpazy châta pathiiana a pachôtuhpa a châ.

ZEPHANIA 2:12

“Nâmo, Kusi mo chhao, Ei zaozi ta thiepa nama châ aw.”

MALUHREINA 10:35

Byh a puana maihta Mawsi ta, “Hy Abeipa, vaw thyu mah y; Na chariahpazy papaipa ta y ei sala, Châ haotuhpazy na hmiakô tawhta a râpai mawh ei sy,” tah ta.

MÂKA 1:2

Hrohsopa Isai châbu liata, “Moh teh, na lâpi a chhuahdy awpa ta, Ei lyuhchâpa na hmia lâta tuah na ta,

RAWMA 1:30

Chyhsa a reipachhiepa, Khazohpa a haopa, a patahsapa, a palaipa, a pahôpahâhpa, moleina khaohvâh a pahnopa, nôpaw rei a ngiah leipa,

RAWMA 8:7

Sapa hmo pachâna cha, Khazohpa ryhpa ry liata a y leipa vâta, Khazohpa a dyuhpa a châ. Hmeiseihta ta, sapa hmo a pachâpa châta cha, Khazohpa ryhpa ry liata y hmeiseih thei awpa châ vei.

RYHPACHANEINA 32:35

Phuh cha keima la awpa châ ta, Kei ta viari ei thô aw; Ama phei a chakhao patoh aw ta, Ama chhiena noh â hnia haw; Ama raona noh a vaw tlô patoh aw.

RYHPACHANEINA 5:9

Chazy cha nâ chhy awpa châ leipa ta, na chakao awpa châ vei. Kei Abeipa na Khazohpa he Khazoh hiatlia pasapa châ na ta, pawzy paraona vâta sawzy a hrie tyhpa ei châ. Nâ haotuhpazy cha chhâ thôhna nata chhâ palihna taihta a hrie tyhpa châ na ta,

RYHPACHANEINA 7:10

Ano a haotuhpazy deikua cha, hmiadaisâ ta viari thô ta, a pahleipadia tyh ei. Ano a haotuhpazy viari thô awpa ta hawh aw vei. Hmiadaisâ ta viari a thô aw ei.

2 TIMAWTHY 3:4

piehpiepazy, hmiahnoh rao leipazy, apasâhsapazy nata Khazohpa hlâta khizaw haosai a tlaichhai viapazy ama châ aw.