RYHPACHANEINA 32:31 - Mara Bible RV (BSI)

³¹ Âmo lôpanô cha keimo Lôpanô hawhpa châ vei; Cha cha eima chariahpazy chhao ta ama pahno.

RYHPACHANEINA 32:31 ပူးပေါင်းရင်းမြစ်များ

EZRÂ 1:3

Nama hry liata ano phopi a châpa maih chô liata a Khazohpa cha a hnohta y sala, Zudâh râh liata Zerusale lâ khy sala, Abeipa, Izarei Khazohpa o cha kaw sa mawh sy. Abeipa cha Zeru­sale liata a ypa Khazohpa a châ.

HLAZY 18:31

Abeipa dei leipa ta ahy ma Khazohpa a y? Eima Khazohpa dei leipa ta ahy ma lôpanô a y?

PUASAINA 14:25

Abeipa ta ama talailih pheizy a thlo hapa vâta sie thei khao leipa ei ta. Izi mo ta, “Izarei mo hmiakô tawhna heta a râ ha ei suh u, Abeipa ta âmo chhâh a châ ta Izi mo â dyuh ha hih,” tah ei ta.

PUASAINA 8:6

Chatanachata Arawna ta Izi râh liata tizy chô liata a ku pazawh ta, uphawhzy kaw pua ei ta, Izi râh ama bie khai haw.

ISAI 31:9

Asuria lôpanô cha chichhihna vâta zao aw ta, A beimachâzy chhao chipa ta ama pao aw,” Abeipa, Zaio liata mei patih ta, Zerusale liata patina meihô a patihpa ta a tah.

ZEREMIAH 40:3

A reipa hawh tlai ta, Abeipa ta tao ta, chhiena cha nama chô liata a vaw patlôsa ha hih. Abeipa chô liata hmo parao ei chi ta, a bie nama zyh leipa vâta, he hmo he nama chô liata a vaw tlôpa a châ.

DÂNIAH 2:47

Abei ta Dâniah cha a chhy ta, a hnohta, “Hmeiseihta ta, nâmo Khazohpa he khazohzy Khazohpa châ ta, beizy Beipa a châ; bienyupa a palâhâh theipa chhao a châ, chavâta bienyupa na palâhâh thei ha hih,” tah ta.

DÂNIAH 3:29

Chavâta he biepiepa he ei tao: Phopi nata râh nata reih kheihawhpa hmahta, Sâdarâka, Mesâka nata Abenekô zy Khazohpa chô liata bie pha leipa kheihawhpa rai a reihpa maih cha, a tlawpoh ta pachhaih khaipa châ aw ei ta, ama ozy cha hnaihny thyna ta taopa a châ aw; he hawhta a pachha theipa khazoh hropa rai y veih ei,” tahpa ta.

MALUHREINA 23:23

Dyuthaina ta Zakaw tiah leipa aw ta, Pachaona ta Izarei hria thei aw vei; Zakaw nata Izarei thâtih rei tita, Khazohpa hmotaopa kyh reih tyhpa a châ aw.

MALUHREINA 23:8

Khazohpa ta chhie a sapa leipa cha, Kheihta chhiesapa thei aw na ta; Khazohpa ta thailei a pachâsa leipa cha, Kheihta thailei ei pachâsa thei aw?

1 SAMUELA 2:2

“Abeipa hawhta pathaihpa y veih ei: Nâ leipa ta mohropa y leipa ei ta, Eima Khazohpa hawhpa lôpanô y veih ei.

1 SAMUELA 4:8

Eima hu a po na! Cha khazoh thatlôpa ku tawhta ahy ma miah a pachha thei aw? Cha khazoh cha potlana to ta râhchawhpa liata Izi mo a thietuhpa kha a châ.