RYHPACHANEINA 32:2 - Mara Bible RV (BSI)

² Ei pachuna avâ hawhta suah sala, Ei bie diati hawhta tla mawh sy; Si panyupa chô liata avâ di hawhta tla sala, Sihnapa chô liata avâ hawhta suah mawh sy.

RYHPACHANEINA 32:2 ပူးပေါင်းရင်းမြစ်များ

2 SAMUELA 23:4

My noh khaihpa hawhta châ ta, Noh vaw chhi ta meihdo a y leipa my hawh a châ. Vâsua khai noh khaih pha ry liata, Alei si panyupa a kaw pyuhpa hawhta a châ.

HLAZY 65:10

Leipaliezy ti ta pabie chi ta, A lei byuhpazy paraihpa ta, Vâsua ti ta panaisa chi ta, Chicheizy byhnâ na pie tyh.

HLAZY 72:6

Abei cha sibie thlyupa chô liata vâsua hawhta châ sala, Alei a baopa khihti hawhta châ mawh sy!

BIESOZY 4:2

Pachuna phapa ei cha pie ei hih, Ei ryhpa bie a heihsai khuh vy.

HÔSIA 14:5

Izarei châta diati hawh châ aw na ta, Ano cha lilipaw hawhta pawh aw ta, Lebanaw tho hawhta thari a thla aw.

HÔSIA 6:4

Hy Epharai, kheihta ma ei cha tao aw? Hy Zudâh, kheihta ma ei cha tao aw? Nâmo phana cha my meihdo hawh dei châ ta, My diati thlai ta a paipa hawh dei a châ.

AMÔSÂ 7:16

Chavâta tahmâ Abeipa bie he nathlie teh: “‘Izarei chakhiapa ta hrohsona bie phuah leipa la, Aisika pathla chakhiapa ta bie chho hra khah y,’ tah chi ta.

MIKÂ 5:6

Asuria cha zaozi ta parao aw ei ta, Nimraw râh cha â ngiana liata ama parao aw. Asuria cha eima râh lâ a vy sala, Eima râh chhôh liata a phei a vaw tly tita, Ano ta miah a pachha aw.

MIKÂ 5:7

Zakaw laibâhpazy cha, Phopizy hry liata ama y aw; Abeipa tawhta diati hawhta châ aw ei ta, Sibiepa chô lia vâsua hawhta ama châ aw; Chyhsa châta pahawhpasâh leipa aw ei ta, Chyhsa sawzy hâ hra aw veih ei.

ZEKARIA 10:1

Châhvâ daihti liata Abeipa lâ vâsua hiah u la, Vâ thlih a taotuhpa Abeipa lâta hiah teh u. Chyhsazy châta vâkatlâ pasuasa aw ta, Mo to hnohta lyurâh sibiepazy a pie aw.

HEBRAI 6:7

Khihti a hmô phapa chhaohlei cha, raihriatuhpazy châta niedo papuapa ta, Khazohpa tawhta byhnâ a daopa a châ.