RYHPACHANEINA 32:10 - Mara Bible RV (BSI)

¹⁰ “Abeipa ta Zakaw cha râhchawhpa liata hmô ta, Râh chhiepa nata râh raohpa liata a hmô. Ano cha chahlôchaeipa ta mohôh ta, A mosaw hawh tlai ta a khâsia.

RYHPACHANEINA 32:10 ပူးပေါင်းရင်းမြစ်များ

ESTHERI 6:13

Hâmâ ta a chô liata hmo tlôpa zydua cha a lapinô Zeresi nata a viasa zydua chho ta. A chyhsa sopazy nata a lapinô Zeresi ta a hnohta, “A hmiakô liata na pao pathaopa Môdekai cha Zu chyhsa a châ khiahta cha, pahnie aw va chi, a hmiakô liata na pao thlyu aw,” tah ei ta.

HLAZY 107:40

Ama chhituhpazy chô liata mohnaona lei thlu ta, Lâpi y leina râhchawhpa liata a paviavisa ei.

HLAZY 17:8

Na mosaw hawhta na vaih la, Na mathlaw nohdi ry liata na nyu mah y.

BIESOZY 7:2

Ei biepiepazy zyhpa ta hroh la, Ei pachuna cha na mosawpa hawhta a vao mah y.

HLAZY HLA 8:5

A lôhdupaw a vaw hnieh laihpa ta, Râhchawhpa tawhta â vypa hao ahy ma a châ tly? Epuh kô ry liata cha pahra na ta, Cha liata na nô cha na hnohta sawzeihpa ta y ta, Cha liata châ satuhpa cha sawzeihpa ta a y.

ISAI 63:9

Ama pasataona liata pasa tao hrapa ta, Ama hnohta a ypa vâlyuhchâpa ta âmo cha pachha ta, A kyhpachâna nata a ngiachhiena ta a chatlai ha ei; Kha hlâ tawhna khata âmo cha chalo ta, A pi laih tyh ei.

ZEREMIAH 13:11

Chaisaih ta â saihtuhpa chyhsa chai liata â baipa hawhta, Izarei pathla zydua nata Zudâh pathla zydua cha, keima châta phopi, moh phana, reithaina nata rônahna ama châ thei nawpa ta, keima liata a bai awpa ta tao ei na ta, châhrasala nathlie khoh veih ei,” Abeipa ta a tah.

ZEREMIAH 2:17

Abeipa na Khazohpa ta lâpi liata a cha chhihtha nota Nâ râsaipa vâta, Nâma tlai ta cha hmo cha Na chô liata na patlôsapa châ vei ma?

ZEREMIAH 2:6

‘Izi râh tawhta miah a kaw chhi papuatuhpa Abeipa kha khataih liata a y?’ tah leipa ei ta, ‘Râhchawhpa liata miah chhihtha ta, Sadi bypi liata miah chhihthapa ta, Khaohtlôzy liata miah chhihthatuhpa kha, Khataih liata a y haw?’ Tah hra leipa ei ta; ‘Râh chawhkaraipa liata miah chhihthapa ta, Thina nohpahli râh liata miah chhihtha ta; Chyhsa chapia beih leina râh liata miah chhihthapa ta, Ahy hmah pahrâ beih leina râh liata miah chhihthatuhpa kha, Khataih liata a y haw,’ Tah hra veih ei.

EZEKIA 16:5

Tha cha pasapa ta, cha hmozy miakha chhâ na châta tao awpa ta, ahy mokhaoh ta hmahta cha ngiachhie vei. Lyurâhpa liata thypa tlao châ chi ta, na pi noh tawhta pasichhihpa na châ.

EZEKIA 20:36

Châ pathlatuhpazy Izi râh râhchawhpa liata ei pachiapa hawhna ei khata, nâmo chhao ei cha pachia aw ei, Abeipa Zehôvâh ta a tah.

HÔSIA 11:3

Chatanachôta Epharai cha, Kei ta lâsie pachu na ta; Ama bâh ta ei chaao ei. Châhrasala âmo a patlâhtuhpa cha, Kei ei châ tahpa pahno veih ei.

HÔSIA 13:5

Râh chawhpa liata cha mohôh ei na ta, Râh raohpa liata ei cha deichhy ei.

ZEKARIA 2:12

Abeipa ta Zudâh cha Râh Pathaihpa liata a ryu patosa aw ta, Zerusale cha â tlyh heih aw.”

ZEKARIA 2:8

Châ hraotuhpazy râh lâ a rônahna ta nâ tuahtuhpa Pheisaihzy Abeipa ta hetana heta a tah: “Nâ châ hriapa cha ei mosaw a hriapa a châ.

RAWMA 2:18

Ryhpa pachupa na châpa vâta, Khazohpa khopa pahno chi ta, hmo phapa chhao nâ pyh.

RAWMA 3:2

Kyh to liata a phahnai. A phahnaina chaipa cha, Khazohpa biezy pavaosapa ama châpa he a châ.

RYHPACHANEINA 1:19

“Abeipa ta bie miah a piepa hawhta, Hôribâ tlâh tawhta pua pi ta, Amawri tlâh râh lâpi, râhchawhpa kawh ngaitapa nata chichhih ngaitapa nama hmôpa zydua kha siepahlie khaipa ta, Kâdesbânia khih tlô pi ta.

RYHPACHANEINA 1:31

Chyhsa ta a sawchapawpa a pipa hawhta, Abeipa nama Khazohpa ta râhchawhpa liata cha pi laih ei ta, he su nama vaw tlôna taihta lâpi tlykha ta a cha pi lymâpa ei nama hmôpa hawhna khata,’ tah na ta.

RYHPACHANEINA 4:36

A cha pachu thei nawpa ei ta, avâ tawhta a ao cha patheisa ei ta, alei chô liata ano mei rônahpa cha pahmôsapa ta, mei hry tawhta a bie nama thei.