RYHPACHANEINA 31:9 - Mara Bible RV (BSI)

⁹ Mawsi ta ryhpa cha roh ta, Abeipa Biehrai Byh a sytuhpa Livai sawchapaw theihthaipazy nata Izarei machâzy hnohta pie ta.

RYHPACHANEINA 31:9 ပူးပေါင်းရင်းမြစ်များ

1 ABEIZY 8:3

Izarei machâ zydua a vy ei ta, theihthaipazy ta Byh cha a sy ei ta.

2 ABEIZY 17:37

Bieraopazy, pachianazy, ryhpa nata biepiepa nama châta a ropazy kha chhâzaw ta nama zyh awpa a châ. Khazoh hropazy nama chi awpa châ vei.

1 THÂTIHZYRONA 15:2

Dâvi ta, “Khazohpa Byh he Livai pathla dei leipa ta cha, ahy ta hmah amâ sy awpa châ vei. Âmo cha Khazohpa Byh chhâzaw ta a sytuhpa nata ano chakaotuhpa châta Abeipa ta a rao ei,” tah ta.

NEHEMIAH 8:2

Thla sarina, noh khana noh ta, theihthaipa Ezrâ ta Ryhpa cha chapawzy, chanôzy nata a pahno thai awpa zawpizy lâ vaw cheih ta.

NEHEMIAH 8:3

Ezrâ ta Ti Chhikao tlyhmia tlyliah liata ahmaohpakhypa chapawzy, chanôzy nata a pahno thaipazy lâ a heihpa ta, Ryhpa Châbu cha mydi kari tawhta nohchhô taih reih ta. Chyhsa zydua ta Ryhpa Châbu reina lâ cha ama nah pachôh ei ta.

PUASAINA 24:4

Mawsi ta Abeipa bie zydua cha roh khai ta, a mylâ my ta thyu ta, tlâh thaby liata maisâh tao ta, Izarei chi hrawh hleino moh ta lôbô miahrawh hleino bô ta.

DÂNIAH 9:13

Mawsi Ryhpa liata ropa hawhta, he chhiena zydua he eima chô liata vaw tlô ta, châhrasala eima moleinazy a heihsai ta, na bie hmeiseihpa pahno awpa ta, Abeipa eima Khazohpa khokheina tlua hlei ma pi.

HÔSIA 4:6

Pahno leina vâta Ei phopi cha paraopa a châ; Pahnona na dythapa vâta, Ei theihthaipa na châna tawhta Ei cha dytha ha hra. Na Khazohpa ryhpa na mypa vâta, Kei chhao ta na sawzy ei my hra aw.

MALAKHAI 2:7

Theihthaipa hmao ta pahnona pabohsa ta, Pheisaihzy Abeipa lyuhchâpa a châpa vâta, Chyhsazy ta a pakah tawhta pachuna ama mokhâh tyh.

MALAKHAI 4:4

“Nâ chakaotuhpa Mawsi ryhpa kha a thei u la, Izarei zydua châta Hôribâ tlâh liata ei piepa biepiepazy nata ryhpazy kha a thei teh u.

MALUHREINA 33:2

Abeipa biepie hawhta, Mawsi ta a chhâh chhâh ta ama siena su mohzy cha roh ta, hezy he a chhâh chhâh ta ama siena su mohzy cha a châ.

MALUHREINA 4:15

“Arawna nata a sawchapawzy ta supathaihpa nata supathaihpa hmobaoh zydua ama khu khai tawhta, riehmo a pasie awpa a châ tita, Kôhâ pathlazy ta supathaihpa nata a hmobaohzy cha amâ sy tyh aw. Hmo pathaihpazy deikua ama hria awpa châ vei. Chataleipatala ama thi pathlei aw. Chazy cha Kôhâ sawchapawzy ta ahmaohna poh o liata ama chakaona rai hria awpazy a châ.

MALUHREINA 4:5

“Riehmo a pasie awpa a châna maihta Arawna nata a sawchapawzy a ngia aw ei ta, pohraipa pathla aw ei ta, cha chata Biehrai Byh ama khu aw.

MALUHREINA 4:6

Cha cha tilaipi viahchao vo ta khu pachhuah aw ei ta, cha chô liata poh nohpa ta khu aw ei ta, a lâzy ama chahraoh aw.

MÂKA 12:19

“Pachutuhpa, Mawsi ta châ miah ropa ta, ahy rai a unawhpa ta saw hnei leipa ta a lapinô a thisai khiahta cha, a unawhpa lapinô cha hnei aw ta, a unawhpa châta chi a pathlapa awpa a châ tahpa ta miah a chho.

LUKA 20:28

a hnohta hiahrina tao ei ta, “Pachutuhpa, Mawsi ta châ miah ropa ta, ahy rai saw leipa ta a lapinô a thisai khiahta cha, a unawhpa ta nôhmei cha hnei aw ta, a unawhpa a thi hapa châta chi a pathlapa aw, tahpa ta miah a chho.

ZAWHÂNA 1:17

Ryhpa cha Mawsi hmâpa ta piepa châ ta, ngiachhiena nata hmeiseihna deikua cha, Krista zawhzi ta a vaw ypa a châ.

ZAWHÂNA 1:45

Phili ta Nâthaniah a hmô nahta, a hnohta, “Ryhpa châbu liata Mawsi ta a thâtih a ropa nata hrohsopazy ta ama ropa kha eima hmô haw. Ano cha Zawsi sawchapawpa Nâzari Zisu a châ,” tah ta.

ZAWHÂNA 5:46

Mawsi nama zo khiahta cha, kei chhao eina zo awpa ei chi a châ. Mawsi cha keima thâtih a rohpa a châpa kha.

RYHPACHANEINA 10:8

Cha daihti liata Abeipa ta Livai chizy cha Abeipa Biehrai Byh a sy awpa nata Abeipa hmiakô liata a duah ta ano chakao awpa nata a moh ta byhnâ a awtuhpa châ awpa ta panano ta, tanoh taihta cha hawhta ama hria lymâ.

RYHPACHANEINA 17:18

“A khinarâh beidyuchhai liata â tyu tita, Livai chi theihthaipazy a vaopa ryhpa cha, châbu liata â ro awpa a châ.

RYHPACHANEINA 31:28

Nama chi to machâzy nata nama hyutuhpazy kei lâ a vy awpa ta awpakhy teh u. He bie zydua he ama nah theina liata reih aw na ta, ei bie nâ pahnokhei awpa ta avâ nata alei ei aw aw ei.

RYHPACHANEINA 33:10

Na bieraopazy Zakaw pachu aw ei ta, Na ryhpa biezy Izarei ama pachu aw; Na hmiakô liata ropahâhpa soh aw ei ta, Na maisâh liata raopa hlânazy ama hlâ aw.

ZAWSUA 3:3

Zawpizy cha biepie ei ta, ama hnohta, “Theihthaipa Livai chizy ta Abeipa nama Khazohpa Biehrai Byh amâ sypa nama hmôpa nahta, nama yna su tawhta a pasie aw ei chi ta, Byh cha nama pazi aw.

ZAWSUA 6:12

Zawsua cha mydi kari ta thyu ta, theihthaipazy ta Abeipa Byh cha a sy ei ta.