RYHPACHANEINA 31:3 - Mara Bible RV (BSI)

³ Abeipa nama Khazohpa ta hmia châ sahpa aw ei ta, ano tlai ta phopizy nama hmiakô tawhta pahleipadia aw ta, âmo cha nama pho aw. Abeipa ta a reipa hawhta, Zawsua ta hmia a sah aw ta, Zawdâh cha a chaka aw.

RYHPACHANEINA 31:3 ပူးပေါင်းရင်းမြစ်များ

ÂTHAONA 48:21

Chatawhcha Izarei ta Zawsi hnohta, “Pachâ teh, kei cha thi daihmâ ha na ta, châhrasala Khazohpa nama hnohta y aw ta, châ pathlatuhpazy râh lâ a châ chhi heih aw ei.

HMOTAOPAZY 7:45

Cha achhyna byureih cha miah pathlatuhpazy pathla pachhuahpazy chhao ta chhy lymâ ei ta. Khazohpa ta miah pathlatuhpazy hmiakô liata phopizy papua ta, Zawsua chhaota râh ama kei pahrâ nona khata a ngiakhei ei ta. Cha achhyna byureih cha Dâvi daihti taihta y ta.

RYHPACHANEINA 1:30

Nama hmia lâta a siepa Abeipa nama Khazohpa ta, Izi râh liata nama mohmô lia tlai ta nama châta a taopa hawhna khata, a châ dyuhpa aw ei.

RYHPACHANEINA 3:28

Zawsua he biehneina pie la, pasyu la, a thapatlô mah y. Ano ta zawpizy he chhihtha aw ta, na kaw sai awpa râh cha ama ryuto châta a rai aw ei,’ tah ta.

RYHPACHANEINA 31:14

Abeipa ta Mawsi hnohta, “Pachâ teh, na thi daihti â hnia haw. Zawsua aw la, ahmaohna poh o liata a vy teh u, a hnohta biehneina ei pie aw,” tah ta. Mawsi nata Zawsua cha vawh ei ta, ahmaohna poh o liata kei y ei ta.

RYHPACHANEINA 31:23

Abeipa ta Nunâ sawchapawpa Zawsua cha biehneina pie ta, a hnohta, “Thatlôpa nata riahphapa ta y teh. Izarei sawzy he ama hnohta bie ei taihpa râh nâ ngiakhei aw ei. Na hnohta ei y lymâ aw,” tah ta.

RYHPACHANEINA 31:4

Abeipa ta Amawri bei Sihaw nata Ôkâ nata ama râh a pahleipadia nota ama chô liata a taopa hawhna khata, cha phopizy chô liata a tao hra aw.

RYHPACHANEINA 34:9

Nunâ sawchapawpa Zawsua cha, Mawsi ta a chô liata a ku a pahniehpa vâta, sona thlahpa ta bie ta. Chavâta Izarei sawzy ta a bie nathlie ei ta, Abeipa ta Mawsi bie a piepa hawhta ama tao lymâ.

RYHPACHANEINA 7:1

“Abeipa nama Khazohpa ta hnei awpa ta nama pangaipa râh a cha tlôkhei ti ei ta, phopi hluhpi, Hiti mo, Kikâsi mo, Amawri mo, Kâna mo, Perizi mo, Hivi mo nata Zebu mozy, nâmo hlâta maluh hluh viapa nata thatlô viapa phopi mia saripazy nama hmiakô tawhta a papua aw ei.

RYHPACHANEINA 9:3

Chavâta Abeipa nama Khazohpa cha, mei a kâsao theipa hawhta nama hmia lâta a siepa a châ tahpa tanoh pahno teh u. Ano ta âmo cha nama hmiakô liata pahleipadia aw ta, a panawh aw ei. Abeipa ta bie a châ taihpa hawh ei ta, âmo cha papua aw ei chi ta, thlai nama pahleipadia aw.

HEBRAI 4:8

Zawsua ta apahâna a vaw pie ha khiah ei ta cha, cha hnôhlâ ta noh hropa kyh Khazohpa ta reih khao aw vei.

ZAWSUA 1:2

“Nâ chakaotuhpa Mawsi thi ha ta, chavâta tahmâ thyu la, nâ nata zawpi zydua ta Zawdâh chaka u la, Izarei phopi ei piepa râh lâ sie teh u.

ZAWSUA 11:15

Abeipa ta a chakaotuhpa Mawsi hnohta bie a piepa hawhta, Mawsi ta Zawsua cha biepie pachhuah ta, cha hawhna chata Zawsua ta a tao lymâ. Abeipa ta Mawsi bie a piepa zydua a tao leipa y vei.

ZAWSUA 3:7

Abeipa ta Zawsua hnohta, “Mawsi hnohta ei ypa hawhna khata na hnohta chhao ei y aw tahpa ama pahno thei nawpa ta, Izarei saw zydua mohmô liata tanoh tawhta ei cha cheihchalo pathao aw.

ZAWSUA 4:14

Cha noh liata, Abeipa ta Izarei zydua mohmô ta Zawsua cha cheihchalo ta. Mawsi ama zapa hawhta, Izarei zawpi ta Zawsua cha a hrochhôh zydua ama za lymâ.