RYHPACHANEINA 3:8 - Mara Bible RV (BSI)

⁸ Cha daihti liata, Zawdâh nochhi lâta a ypa Amawri bei pano ku tawhta râhzy la pi ta, âmo cha Anaw saikao tawhta Hâmaw Tlâh taihta a pahrâpazy ama châ.

RYHPACHANEINA 3:8 ပူးပေါင်းရင်းမြစ်များ

1 ABEIZY 4:19

Uri sawchapawpa Kebe ta Kilia râh, Amawri bei Sihaw râh nata Bâsanâ bei Ôkâ râh zy â vao. Cha râh liata ryureituhpa hropa pakha a y hra.

1 THÂTIHZYRONA 5:23

Nochhi lâta a pahrâpa Manase chi khophiezy cha hluh kaw ei ta, Bâsanâ tawhta Bâlâhamaw, Seni nata Hâmaw Tlâh taihta ama pôh lymâ.

HLAZY 42:6

Ei khazohpa cha ei reithai heih aw. Ei thlahpa cha ei chhôh liata a khu thlâh ha ta, Chavâta nâ ei châ thei kaw dia! Zawdâh nata Hâmaw râh tawhta châ thei na ta, Mizari Tlâh tawhta ei châ thei.

HLAZY 42:7

Na tisaozy a aohpa ta, Ti athupa nata ti athupa a awsao ei ta, Na tilyzy nata na tichatlaopazy ta eina vao ei.

HLAZY 89:12

Maw paysa chi ta, Chho na paysa; Tabaw nata Hâmaw ta, A ly ngaitapa ta na moh ama reithai.

RYHPACHANEINA 4:47

Zawdâh nochhi lâta a pahrâpa Amawri bei pano, Sihaw nata Bâsanâ bei Ôkâ râhzy cha hnei ei ta,

RYHPACHANEINA 4:48

Anaw saikao chhâna Arôerâ tawhta Siriô Tlâh taihta ama hnei. Siriô Tlâh cha Hâmaw Tlâh tahpa a châ hra.

ZAWSUA 12:1

Hezy he Zawdâh haosâ nochhi lâta Anaw saikao tawhta Hâmaw Tlâh taihta nata Arabâ nochhi lâ râh liata beizy Izarei sawzy ta pahnie ei ta, ama râh ama lapazy ama châ:

ZAWSUA 13:8

Manase chi khophie nata Rubena chi nata Kâdâ chizy cha Zawdâh nochhi lâta Mawsi ta âmo a piepa ryuto râhzy hnei ei ta. Abeipa chakaotuhpa Mawsi ta he râhzy he âmo a vaw pie ei: