RYHPACHANEINA 3:6 - Mara Bible RV (BSI)

⁶ Hesbaw bei Sihaw chô liata eima taopa hawhna khata, khihpi zydua parao pi ta, chapawzy, chanôzy nata hawtizy eima pahleipadia khai haw.

RYHPACHANEINA 3:6 ပူးပေါင်းရင်းမြစ်များ

MALUHREINA 21:2

Chatawhcha Izarei ta Abeipa lâta bietai tao ta, “He phopi he ei ku liata eina pie khiah chi ta cha, ama khihpizy tlokhuh ei pahleipadia khai aw,” tah ta.

RYHPACHANEINA 1:4

Cha biezy cha Hesbaw liata a pahrâpa Amawri bei Sihaw a pahnie tawhta nata Astarô nata Edarei liata a pahrâpa Bâsanâ bei Ôkâ a pahnie tawhta Mawsi ta a reipa biezy a châ.

RYHPACHANEINA 2:24

“Abeipa ta, ‘Thyu u la, sie u la, Anaw saikao chaka teh u. Moh teh u, Amawri chyhsa Hesbaw bei Sihaw nata a râh cha nama ku liata ei cha pie ha ei. A râh hnei pathao u la, ano cha a dyuh teh u.

RYHPACHANEINA 2:34

Cha daihti liata, a khihpi zydua la pi ta, chapawzy, chanôzy nata hawtizy eima pahleipadia khai haw. Pakha hmah pahlôh ma pi.

RYHPACHANEINA 29:6

Kei he Abeipa nama Khazohpa ei châ tahpa nama pahno thei nawpa ta, viahchhâ nie leipa ei chi ta, kresawhti nata kresawhti patapa chhao doh veih ei chi.

RYHPACHANEINA 3:2

Abeipa ta ei hnohta, ‘Ano kha chi khah y, ano nata a chyhsa zydua nata a râh na ku liata ei cha pie haw. Hesbaw liata a pahrâpa Amawri bei Sihaw chô liata na taopa hawhna khata, ano chô liata chhao na tao aw,’ tah ta.

RYHPACHANEINA 3:5

Khihpi zydua cha thokhy a sâh ngaitapa ta dôhpa châ ei ta, khaohrei nata hraina hneipazy a châ. Cha khihpizy thota thokhy a hnei leipa khihpi hluhpi eima la hra.

ZAWSUA 11:14

Cha khihpizy hraona sôh zydua nata sahrohzy cha, Izarei sawzy ta hraona sôh châta a la ei ta, chyhsapa deikua cha ama pahleipadia khaina taihta zaozi ta thie ei ta, husona a hneipa khâpa hmah pahlôh veih ei.