RYHPACHANEINA 3:4 - Mara Bible RV (BSI)

⁴ Cha daihti liata, a khihpi zydua la khai pi ta, âmo tawhta eima la leipa khihpi miakha hmah y vei. Bâsanâ bei Ôkâ khinarâh liata Akaw râh khihpi eima lapa zydua cha sycharu a châ.

RYHPACHANEINA 3:4 ပူးပေါင်းရင်းမြစ်များ

1 ABEIZY 4:13

Bekebe ta Ramôkilia bia â vao. Ano heta Kilia râh liata a ypa Manase sawchapawpa Zairâ khihzy a vao ta, Bâsanâ liata a ypa, Kilia râh liata a ypazy to pâ ta, Bâsanâ râh liata Akaw bia liata thokhy nata dawh chhikao lâhrei a hneipa khihpi rônahpa sycharu â vao ei.

MALUHREINA 21:35

Chatanachata Bâsanâ bei Ôkâ nata a sawchapawzy nata a chyhsa zydua cha, pakha hmah pahlôh leipa ta ama thie khai haw. A râh chhao ama hnei haw.

RYHPACHANEINA 3:13

Kilia râh laibâhpa nata Ôkâ khinarâh liata Bâsanâ râh zydua cha Manase chi khophiezy ei pie ei. Bâsanâ râh nata Akaw kao zydua cha Rephai râh tahpa ta pahno tyhpa a châ.

RYHPACHANEINA 3:14

Manase pathla Zairâ ta Akaw râh zydua cha, Kesuri mo nata Mâkathai mo râhri taihta la ta, ano moh pachyuhpa ta Havôzairâ bi ta, chavâta Bâsanâ cha tanoh taihta Havôzairâ tahpa ta pahnopa a châ.

RYHPACHANEINA 3:3

Chatanachata Abeipa eima Khazohpa ta Bâsanâ bei Ôkâ nata a chyhsa zydua cha eima ku liata miah pie ta, pakha hmahta pahlôh leipa ta eima thie khai haw.

RYHPACHANEINA 3:5

Khihpi zydua cha thokhy a sâh ngaitapa ta dôhpa châ ei ta, khaohrei nata hraina hneipazy a châ. Cha khihpizy thota thokhy a hnei leipa khihpi hluhpi eima la hra.

RYHPACHANEINA 4:47

Zawdâh nochhi lâta a pahrâpa Amawri bei pano, Sihaw nata Bâsanâ bei Ôkâ râhzy cha hnei ei ta,

ZAWSUA 12:4

Izarei sawzy ta Bâsanâ bei Ôkâ chhao pahnie ei ta. Bâsanâ mo cha Rephai chi laibâhpazy châ ei ta, Astarô nata Edarei khihpizy liata a pahrâpa ama châ.