RYHPACHANEINA 3:24 - Mara Bible RV (BSI)

²⁴ ‘Hy Abeipa Zehôvâh, châ chakaotuhpa he na rônahna nata na ku thatlôna pahmôsa chi ta, avâ liata tlyma, alei liata tlyma, na raihriazy he kheihawhpa khazoh ma a hria thei aw tly? Na hmotao rônahpazy he kheihawhpa khazoh ma a tao thei aw tly?

RYHPACHANEINA 3:24 ပူးပေါင်းရင်းမြစ်များ

2 SAMUELA 7:22

Chavâta Hy Abeipa Zehôvâh y, nâ cha rônahpa na châ. Eima nah ta eima thei khai hapa hawhta, nâma hawhpa he y leipa ei ta, nâma leipa ta Khazohpa rai y veih ei.

1 ABEIZY 8:42

Na moh rônahpa nata na ku thatlôpa nata na bâh pazawhpa thâtih ama theipa vâta a vy aw ei ta, he o lâ a heihpa ta thlah ama chhâ tita,

2 THÂTIHZYRONA 6:14

“Hy Abeipa, Izarei Khazohpa y, nâ hawhpa Khazohpa he alei nata avâ liata y veih ei. Nâ cha pathi­palôh tlokhuh ta na lâpi a chhihpa châ chakaotuhpazy chô liata bietai patlôpa ta, ngiachhiena a palâsa tyhpa na châ.

NEHEMIAH 9:32

“Chavâta eima Khazohpa, Khazohpa rônahpa nata thatlôpa nata chichhihpa, a biehrai patlôpa ta ngâchhihna a palâsa tyhpa Khazohpa y, keimo nata eima beizy, eima beimachâzy, eima theihthaipazy, eima hrohsopazy, miah pathlatuhpazy nata na phopi pôhpalôhpa chô liata, Asuria beizy daihti tawhta tanoh taihta rietheina vaw tlôpa zydua he, hmo chyhpa ta rie pachâ khah y.

HLAZY 106:2

Ahy ma Abeipa hmotao rônahpazy reih thei ta, A reithaina zydua a phuah thei aw?

HLAZY 145:3

Abeipa cha rônah ta, Rônahpa ta reithai awpa a châ; A rônahzie cha, A laichadai khai thei rimâ awpa châ vei.

HLAZY 145:6

Na hmotaopa thatlôzie nata rarôh yzie reih aw ei ta, Kei chhao ta na rônahzie ei phuah aw.

HLAZY 150:2

A hmotaopa rônahpazy vâta ano cha reithai u la, A rônah ngaitanazie lymâ hawhta ano cha reithai teh u!

HLAZY 35:10

Ei rupa zydua ta, “Hy Abeipa, nâ hawhpa he ahy ma a y?” tah ei ta, “Thatlôpa tawhta dyhchhiepa a pachhatuhpa, Âmo a hraotuhpa tawhta dyhchhiepa nata phahlapa a pachhatuhpa cha, Ahy ma a y tly?” ama tah aw.

HLAZY 71:19

Hy Khazohpa, na siana nata na hmo­taotheina ta avâ sâhpazy kaw daih ta, Nâ cha hmo rônahpazy a taotuhpa na châ; Hy Khazohpa, nâ hawhpa he ahy ma a y?

HLAZY 86:8

Hy Abeipa, khazohzy hry liata nâ hawhpa rai y leipa ei ta, Na hmotaopa hawhta a taopa rai y veih ei.

HLAZY 89:6

Avâzy liana khita Abeipa pakhopâ thei awpa ahy ma y ta, Abeipa hawhpa he vâmozy hry liata ahy ma a y?

HLAZY 89:8

Hy Zehôvâh Khazohpa Atotaotheipa, Hy Abeipa, nâ hawhta thatlôpa he ahy ma y ta, Nâ hawhta ngâchhihna ta a chadôpa he ahy ma a y?

PUASAINA 15:11

“Hy Abeipa, khazohzy hry liata Nâ hawhpa he ahy ma a y? Pathaihna liata beichaipa châ chi ta, Rônahna liata zachhihpa na châ; Hmonoâhpazy a taotuhpa châ chi ta, Nâ hawhpa he ahy ma a y?

PUASAINA 8:10

Phiraoh ta, “Mylâ sy,” tah ta. Mawsi ta, “Na bie hawhta châ mawh sy. Chatanachata Abeipa eima Khazohpa hawhpa he ahy hmah y veih ei tahpa na pahno aw.

PUASAINA 9:14

Tahmâ liana heta la na chô liata nata châ chakaotuhpazy chô liata nata na phopi chô liata potlana ta ei hrie nawpa zydua ei vaw patlôsa bâ aw. Chatanachata khizaw zydua liata keima hawhpa he ahy hmah y veih ei tahpa na pahno aw.

ISAI 40:18

Cha hawhpa khiahta cha, Khazohpa cha ahy nata ma pakho aw ei chi ta, Khâpa nata ma nama pakho aw tly?

ISAI 40:25

“Ahy nata ma na pakho aw ei chi ta, Ahy tlu ta ma eina rao aw ei chi?” Mo Pathaihpa ta a tah.

ZEREMIAH 10:6

Hy Abeipa, nâ hawhpa he ahy hmah y veih ei; Nâ cha rônahpa châ chi ta, Thatlôna liata mohpathâhpa na châ.

DÂNIAH 3:29

Chavâta he biepiepa he ei tao: Phopi nata râh nata reih kheihawhpa hmahta, Sâdarâka, Mesâka nata Abenekô zy Khazohpa chô liata bie pha leipa kheihawhpa rai a reihpa maih cha, a tlawpoh ta pachhaih khaipa châ aw ei ta, ama ozy cha hnaihny thyna ta taopa a châ aw; he hawhta a pachha theipa khazoh hropa rai y veih ei,” tahpa ta.

MALUHREINA 23:23

Dyuthaina ta Zakaw tiah leipa aw ta, Pachaona ta Izarei hria thei aw vei; Zakaw nata Izarei thâtih rei tita, Khazohpa hmotaopa kyh reih tyhpa a châ aw.

RYHPACHANEINA 11:2

Tanoh pachâ tua u. Abeipa nama Khazohpa chhoreina, a rônahna, a ku thatlôpa nata a bâh pazawhpa zy kha pachâ tua u. A pahno leipa nata a hmô leipa nama sawzy hnohta ei reipa châ vei.

RYHPACHANEINA 3:23

“Cha daihti liata Abeipa lâta thlahchhâ na ta, a hnohta,

RYHPACHANEINA 32:3

Abeipa moh ei phuah aw, Eima Khazohpa cha rônahna patosa teh u!