RYHPACHANEINA 3:21 - Mara Bible RV (BSI)

²¹ Cha daihti lia pyly ta Zawsua cha biepie na ta, a hnohta, ‘He bei pano chô liata Abeipa nama Khazohpa hmotaopa zydua na mo ta a hmô khai haw. Cha hawhna chata na tlô awpa khinarâh zydua chô liata Abeipa ta a tao aw.

RYHPACHANEINA 3:21 ပူးပေါင်းရင်းမြစ်များ

HLAZY 9:10

Na moh a pahnopazy ta châ ngâchhâ ei ta, Hy Abeipa, nâ cha châ tluatuhpazy a heihsai beih va chi.

2 KAWRINI 1:10

Khazohpa ta thina chichhihpa tawhta miah pachha ha ta, miah pachha heih aw ta, miah a pachha lymâ aw tahpa eima hnabeiseihna ano liata eima pahnieh.

2 KAWRINI 12:10

Cha vâna tlai chata chiehleina liata zy, mohnaona liata zy, rietheina liata zy, taolana liata zy, nôpona liata zy palôhtlâh ei paoh tyh. Ei chiehleina daihti maihta thatlôpa ei châ tyh.

EPHESI 3:20

Tahmâ keimo liata a hria tyhpa hmotaotheina lymâ hawhta, eima hiapa nata pachâpa zydua hlâta tha via syulyu ta a tao theituhpa Khazohpa hnohta,

RYHPACHANEINA 3:20

Abeipa nama Khazohpa ta nama unawhzy a piepa râh, Zawdâh haosâ lâ râh cha nama unawhzy ta pahrâpa ta, Abeipa ta nâmo hawhta apahâna a pie ti ei ta, nâmo cha hnei awpa ta râh ei cha piepa chyu lâ namâ kaw lie aw,’ tah na ta.

RYHPACHANEINA 3:22

Âmo cha nama chi awpa châ vei, Abeipa nama Khazohpa ta a châ dyuhkhei aw ei,’ tah na ta.

RYHPACHANEINA 7:19

Nama mo tlai ta pasiana rarôh ypa hmô ei chi ta, ngiana nata hmonoâhpazy taopa ta, ku thatlôpa nata bâh pazawhpa ta Abeipa nama Khazohpa ta a châ kaw chhi papuapa hawhna ei khata, Abeipa nama Khazohpa ta nama chi kawpa phopizy chô liata chhao a tao aw.

ZAWSUA 10:25

Zawsua ta ama hnohta, “Chi leipa u la, riahchhiepa ta y hra leipa u la, thatlôpa nata riahphapa ta y teh u. He hawhna heta Abeipa ta namâ dyuhpa nama chariahpa zydua chô liata a tao lymâ aw,” tah ta.