RYHPACHANEINA 3:20 - Mara Bible RV (BSI)

²⁰ Abeipa nama Khazohpa ta nama unawhzy a piepa râh, Zawdâh haosâ lâ râh cha nama unawhzy ta pahrâpa ta, Abeipa ta nâmo hawhta apahâna a pie ti ei ta, nâmo cha hnei awpa ta râh ei cha piepa chyu lâ namâ kaw lie aw,’ tah na ta.

RYHPACHANEINA 3:20 ပူးပေါင်းရင်းမြစ်များ

MALUHREINA 32:18

Izarei saw zydua ta ama ryuto râh ama to khai hlâlei eima o lâ a vaw lie aw ma pi.

MALUHREINA 32:22

Abeipa hmiakô liata râh nama la khai hlâlei namâ dyuh aw. Cha khai tawhta a vaw lie aw ei chi ta, Abeipa chô liata nata Izarei chô liata nama maophaohna nama chô liata y khao aw vei. Chatanachata he râh he Abeipa hmiakô liata nama ryuto râh a châ aw.

RYHPACHANEINA 12:9

Abeipa nama Khazohpa ta a pahâ nawpa nata ryu châta a cha piepa ei râh nama tlô mâh leipa vâta.

RYHPACHANEINA 3:21

Cha daihti lia pyly ta Zawsua cha biepie na ta, a hnohta, ‘He bei pano chô liata Abeipa nama Khazohpa hmotaopa zydua na mo ta a hmô khai haw. Cha hawhna chata na tlô awpa khinarâh zydua chô liata Abeipa ta a tao aw.

ZAWSUA 1:15

Abeipa ta nama unawhzy cha, nâmo hawhta apahâna piepa ta, Abeipa nama Khazohpa ta râh a piepa ei cha, âmo chhao ta ama hnei hlâlei bao aw ei chi ta, cha khai tawhta Abeipa chakaotuhpa Mawsi ta hnei awpa ta Zawdâh nochhi lâta râh a cha piepa lâ ei cha kua aw ei chi ta, râh cha nama hnei aw,” tah ta.

ZAWSUA 22:2

ama hnohta, “Abeipa chakaotuhpa Mawsi ta bie a cha piepa zydua zyh ei chi ta, kei ta bie ei cha piepa zydua chhao nathlie ei chi ta,

ZAWSUA 22:4

Abeipa nama Khazohpa ta ama hnohta bie â taihpa hawhta, nama unawhzy cha apahâna a pie ha ei hih. Chavâta Abeipa chakaotuhpa Mawsi ta nama ryuto châta râh a cha piepa ei, Zawdâh haosâ liata nama poh ozy lâ a di bâ teh u.

ZAWSUA 22:8

ama hnohta, “Sôh nata thih hluhpi chhaota nama poh ozy lâ a di teh u. Sahrohzy, tâkâzy, ngôhzy, dawhzy, thua nata chysia hluhpi chhaota nama poh ozy lâ a di u la, nama chariahzy nama hraona sôhzy kha nama unawhzy nata a rai teh u,” tah ta.

ZAWSUA 22:9

Chatanachata Rubena pathlazy, Kâdâ pathlazy nata Manase chi khophiezy cha, Kâna râh Silô khihpi liata Izarei sawzy nata a chhaih ei ta, Abeipa ta Mawsi hmâpa ta bie a vaw piepa hawhta, Kilia râh liata ama ryuto râh lâ ama sie haw.