RYHPACHANEINA 3:10 - Mara Bible RV (BSI)

¹⁰ By khihpizy nata Kilia nata Bâsanâ râh zydua, Sâlekâ tawhta Edarei taihta, Bâsanâ liata Ôkâ khinarâh khihpi zydua eima la khai haw.

RYHPACHANEINA 3:10 ပူးပေါင်းရင်းမြစ်များ

1 ABEIZY 4:13

Bekebe ta Ramôkilia bia â vao. Ano heta Kilia râh liata a ypa Manase sawchapawpa Zairâ khihzy a vao ta, Bâsanâ liata a ypa, Kilia râh liata a ypazy to pâ ta, Bâsanâ râh liata Akaw bia liata thokhy nata dawh chhikao lâhrei a hneipa khihpi rônahpa sycharu â vao ei.

1 THÂTIHZYRONA 5:11

Kâdâ pathlazy cha Rubena pathlazy kiapâh Bâsanâ râh liata Sâlekâ taihta pahrâ ei ta.

MALUHREINA 21:33

Chatawhcha a lie ei ta, Bâsanâ lâpi lâta khy ei ta. Bâsanâ bei Ôkâ cha Izarei sawzy Edarei liata a dyuh awpa ta ano nata a chyhsa zydua chhaota pua ta.

RYHPACHANEINA 4:43

Râhchawhpa tlâh by liata Beze khihpi cha Rubena pathlazy châta châ aw ta, Kâdâ pathlazy châta Kilia liata Ramô khihpi châ aw ta, Bâsanâ liata Kôlâ khihpi cha Manase chizy châta a châ aw.

RYHPACHANEINA 4:49

Zawdâh nochhi lâta Arabâ râh zydua cha, Piskâ tlâh baikhaihpa ry liata Arabâ Tilaipi tlôna taihta ama hnei khai haw.

ZAWSUA 13:16

Ama râhri cha Anaw saikao chhâna liata a ypa Arôerâ khihpi tawhta saikao liah khophie liata khihpi nata Medebâ tlâhby râh zydua;

ZAWSUA 13:30

Ama râh cha Mâhanai tawhta Bâsanâ râh zydua, Bâsanâ bei Ôkâ khinarâh zydua, Bâsanâ râh liata Zairâ kao khihpi zydua chhaota khih sycharu a châ.

ZAWSUA 13:31

Kilia râh khophie nata Bâsanâ bei Ôkâ khinarâh liata Astarô nata Edarei chhao âmo râh ta a ô. Chazy cha Manase sawchapawpa Mâkhi pathla khophiezy hnohta a pho pho ta ama ryuto châta piepa râhzy a châ.