RYHPACHANEINA 28:2 - Mara Bible RV (BSI)

² Abeipa nama Khazohpa ao nama nathlie khiahta cha, he byhnâ zydua heta cha zi aw ei ta, nama hmia lâta a sie lymâ aw.

RYHPACHANEINA 28:2 ပူးပေါင်းရင်းမြစ်များ

HLAZY 128:4

Abeipa a chipa chyhsa cha, Cha hawhna chata byhnâ topa ta ama y aw.

ZEKARIA 1:6

Nâ chakaotuhpa hrohsopazy hnohta ei biepiepa nata ei pachunazy ta châ pathlatuhpazy kha chhao ha veih ei ma? Chavâta âmo cha ro ei ta, ‘Eima taozie nata hrozie lymâ hawhta Pheisaihzy Abeipa ta eima chô liata tao a chhuah ta, a tao ha tlaipa a châ,’” ama tah.

RYHPACHANEINA 11:27

Abeipa nama Khazohpa biepiepa, tanoh ta ei cha piepa ei he nama zyh khiahta cha, byhnâ châ aw ta,

RYHPACHANEINA 28:15

“Abeipa nama Khazohpa ao nathlie leipa u la, Abeipa biepiepa nata a bieraopa tanoh ta ei cha piepazy ei he zyh leipa ta, nama tao leipa khiahta deikua cha, he chhiesana zydua he nama chô liata vaw tlô aw ta, nama hmia lâta a cha siekhâh lymâ aw ei.

RYHPACHANEINA 28:3

“O lâta byhnâ to aw ei chi ta, râh lâ chhao byhnâ nama to aw.

RYHPACHANEINA 28:45

“Abeipa nama Khazohpa ao nathlie leipa ei chi ta, zyh awpa ta bie a cha piepa ei a biepiepazy nata a bieraopazy nama zyh leipa vâta, pahleipadiapa nama châ hlâlei, he chhiesana zydua he nama chô liata a vaw tlô aw. Chhiesanazy ta châ chadai aw ei ta, ama cha pha aw.

1 TIMAWTHY 4:8

Pôhpa a hriepa he phahnaina rakha hnei ta, Khazohpa chyhsa châna deikua cha, tahmâ hro nata hro a vaw y awpa châta bietai a hneipa a châpa vâta, kyh to liata a phahnai.