RYHPACHANEINA 28:1 - Mara Bible RV (BSI)

¹ “Abeipa nama Khazohpa ao cha pakhâta ta nathliepa ta, tanoh ta bie ei cha piepa zydua ei he zyhpa ta nama tao khiahta cha, Abeipa nama Khazohpa ta khizaw phopi zydua hlâta chônô viapa ta a cha tao aw ei.

RYHPACHANEINA 28:1 ပူးပေါင်းရင်းမြစ်များ

1 THÂTIHZYRONA 14:2

Dâvi ta Abeipa ta Izarei chô liata bei ta ano cha padua ta, a phopi Izarei vâta a khinarâh chhao thata cheihchalopa ta a y tahpa pahno ta.

HLAZY 106:3

Adona a duakheipazy cha nohlao ei ta, Khatino rai ta a siapa ta hmo a taopazy ama nohlao tyh.

HLAZY 111:10

Abeipa china cha sona athaona châ ta, Abeipa a chituhpa zydua ta novâhna ama hnei. Abeipa cha tlyzaw ta reithaipa ta y mawh sy!

HLAZY 119:128

Chavâta na pachunazy â do khai tah na ta, Hrozie doleipa ei hao.

HLAZY 119:6

Chatanachata na biepiepa zydua zyh aw na ta, Maophyuhpa ta y aw va na.

HLAZY 148:14

A mopathaihpa zydua rônahna châta, A phopi ki cheihchalo ta; A kiapâh liata a ypa Izarei sawzy châta, A phopi ki a cheihchalo haw. Abeipa cha reithai teh u!

HLAZY 91:14

Abeipa ta hetana heta a tah: “Kyh khâchâ nâ pachâpa cha pachha aw na ta, Ei moh a pahnopa cha ei pabohsa aw.

PUASAINA 15:26

ama hnohta, “Abeipa Khazohpa ao pakhâta ta nathliepa ta, a mohmô liata hmo dopa taopa ta, a biepiepazy nathliepa ta, a bieraopazy na zyh khiahta cha, Izi mo chô liata hri ei patlôsapazy kha, na chô liata kheihawhpa hmah patlôsa aw va na, Kei he Zehôvâh Râfâ ei châ,” tah ta.

PUASAINA 23:22

“Châhrasala a bie pakhâta ta nathliepa ta, ei reipa zydua na tao khiahta cha, na chariahpazy châta chariahpa châ aw na ta, na khakhaipazy châta khakhaipa ei châ aw.

PUASAINA 23:25

Abeipa nama Khazohpa nama chakao awpa a châ. Chatanachata nama viahchhâ nata ti zy byhnâ pie aw na ta, nama hry tawhta hriiah ei papai aw.

ISAI 1:19

A phapa nata reingiahpa ta nama y khiahta cha, Râh phana nie aw ei chi ta;

ISAI 3:10

Mosiapazy cha ama châta a pha aw tahpa chho mah y, Ama hmotaopa theilâpa ama nie aw.

ZEREMIAH 11:4

Nâmo châ pathlatuhpazy Izi râh thua patina meihô tawhta ei chhi papua nona ei kha, ei ao nathlie awpa nata ei biepie zyh awpa ta bie ei pie ei. Chatanachata ei phopi châ aw ei chi ta, kei nama Khazohpa ei châ aw.

ZEREMIAH 12:16

Chatawhcha hetana heta a vaw châ aw. Phopi hropazy ta Bâlâ moh ta bie a taih awpa ta ei phopi ama vaw pachu hapa chhao ta, ei phopi hroziezy pakhâta ta a chu ei sala, ‘Abeipa hrona reipa ta ei reih,’ tahpa ta ei moh ta bie amâ taih khiahta cha, ei phopi hry liata âmo chhao ei padua aw ei.

ZEREMIAH 17:24

“‘Abeipa ta hetana heta a tah: Ei bie nathliepa ta, Pahânoh ta he khihpi thokhy chhikaozy liata hmophao a ngiakhei leipa u la, Pahânoh pathaihsapa ta rai nama hria leipa khiahta cha,

LUKA 1:6

Ama pano ta Khazohpa hmiakô liata chyhsa siapa châ ei ta, Abeipa biepiepa nata bieraopa zydua liata seina hnei leipa ta a zyh lymâpa ama châ.

LUKA 11:28

Châhrasala Zisu ta, “Khazohpa bie thei ta a zyhpazy cha chyhsa nohlao hmeiseihpazy tlao ama châ,” tah ta.

LUKA 9:48

ama hnohta, “Ahy rai ei moh vâta he hawti a lypa cha keima nâ lypa châ ta, ahy rai kei nâ lypa cha nâ tuahtuhpa a lypa a châ. Nama zydua hry liata a chyh chaipa cha, ano tlai cha a rônah chaipa a châ,” tah ta.

ZAWHÂNA 15:14

Bie ei cha piepa maih nama tao khiahta la, ei viasazy nama châ.

RAWMA 2:7

Hmopha tao hualuapa ta, rônahna nata palyupalihna nata thi khao leina a tluatuhpazy hnohta chhâzaw hrona a pie aw.

KALATIA 3:10

Ryhpa hmotaopazy liata a pahniehpa zydua cha, chhiesana ry liata ama y, “Ryhpa châbu liata bie ropa zydua a tao leipa nata a zyh leipa maih cha chhiesapa ta y mawh sy,” tahpa ropa châ tlôh ta.

RYHPACHANEINA 11:13

“Chavâta ei biepiepa, tanoh ta ei cha piepazy he ngâchhihpa ta zyh u la, Abeipa nama Khazohpa cha nama pathipalôh tlokhuh ta nata nama thlahpa tlokhuh ta kyhpachâpa ta nama chakao khiahta cha,

RYHPACHANEINA 11:27

Abeipa nama Khazohpa biepiepa, tanoh ta ei cha piepa ei he nama zyh khiahta cha, byhnâ châ aw ta,

RYHPACHANEINA 15:5

Byhna nama to thei nawpa ta, Abeipa nama Khazohpa ao pakhâta ta nathlie aw ei chi ta, tanoh ta biepiepa ei cha piepa zydua he nama zyh awpa a châ.

RYHPACHANEINA 26:18

Abeipa chhao ta bie a châ taihpa hawh ei ta, tanoh tlai ta nâmo cha a ryu sôhpa nata a biepiepa zydua a zyh awpa phopi ta a cha tao ha ei.

RYHPACHANEINA 26:19

Abeipa nama Khazohpa ta bie â vaw taih hapa hawhta, nâmo cha reithaina, moh phana nata palyupalihna kyhzy liata, phopi a paduapa zydua chô liata y awpa nata Abeipa nama Khazohpa châta phopi pathaihpa châ awpa ta a cha padua ei,” tah ta.

RYHPACHANEINA 28:13

Tanoh ta bie ei cha piepa ei, Abeipa nama Khazohpa biepiepazy he zyhpa ta, pakhâta nama tao khiahta cha, Abeipa nama Khazohpa ta chaolahmei châ leipa ta, luh ta cha tao aw ei ta; a ry châ leipa ta, a chô ta a cha tao aw ei.