RYHPACHANEINA 27:26 - Mara Bible RV (BSI)

²⁶ “He ryhpa biezy a pyh leipa nata a tao leipa cha chhiesapa ta y mawh sy,” tah aw ei ta, zawpi ta, “Amen” ama tah aw.

RYHPACHANEINA 27:26 ပူးပေါင်းရင်းမြစ်များ

KALATIA 3:10

Ryhpa hmotaopazy liata a pahniehpa zydua cha, chhiesana ry liata ama y, “Ryhpa châbu liata bie ropa zydua a tao leipa nata a zyh leipa maih cha chhiesapa ta y mawh sy,” tahpa ropa châ tlôh ta.

RAWMA 10:5

Ryhpa zyhpa vâta siana hmôna kyh liata, Mawsi ta, “Ryhpa a zyhtuhpa cha, ryhpa vâna chata a hroh aw,” tahpa ta roh ta.

EZEKIA 18:24

“Cha hawh pyly ta, mosiapa ta a siana a heihsaipa ta, hmo doleipa tao sala, moleipazy taopa hawhpa hmo pasichhihpazy a tao khiahta cha, a hroh thei aw ma? Siana hmo a taopazy khâpa hmah a theipa châ khao aw vei. A ngâchhih leina vâta thaileichâpa ta y ta, moleina hmo a taopazy vâta a thi aw.

HLAZY 119:21

Apalaipazy ra chi ta, Na biepiepazy a paviasaipa cha, Chhiesapa ta ama y tyh.

1 KAWRINI 16:22

Ahy rai Abeipa kyh a pachâ leipa cha chhiesapa ta y mawh sy. Mârânâthâ! Eima Beipa, a vy mah y!

MATHAI 25:41

“Cha khai tawhta a chavei lâta a ypazy hnohta, ‘Chhiesapa ta a ypa saih u, ahripa nata a lyuhchâpazy châta a chhuahdypa chhâzaw mei lâ na siesai teh u.

RYHPACHANEINA 27:15

“Khaipa ta tlyma, leihpa ta tlyma khazoh nothlahpa tao ta, cha hawhta zôthaipa ku ta taopa, Abeipa châta pasichhihpa khazoh nothlahpa arulâta a vaopa cha chhiesapa ta y mawh sy,” tah aw ei ta, zawpi ta, “Amen” ama tah aw.

2 KAWRINI 3:9

Thailei pachâsana chakaona hmahta a rônah khiahta cha, thai pachâsana chakaona chhochhi cha, a rônah via syulyu awpa a châ.

2 ABEIZY 22:13

“Vawh u la, he châbu ama hmôpa liata biezy kyh liata, kei nata zawpi nata Zudâh zydua châta Abeipa miah a saohiahpa teh u. He châbu bie zydua he eima tao awpa châ ta, châhrasala miah pathlatuhpazy ta ama zyh leipa vâta, eima chô liata Abeipa pathi thata a ia ha hi,” tah ta.

EZRÂ 7:26

Na Khazohpa ryhpa nata abei ryhpa a zyh leipa maih cha, hriena pasa ngaitapa ta hriepa châ aw ta, thiepa tlyma, râh tawhta papuapa tlyma, a hmohneipa lapa tlyma, patâhpa tlyma a châ aw,” tah ta.