RYHPACHANEINA 27:22 - Mara Bible RV (BSI)

²² “A sietanô, a paw sawchanô tlyma, a nô sawchanô tlyma, a ziakheipa cha chhiesapa ta y mawh sy,” tah aw ei ta, zawpi ta, “Amen” ama tah aw.

RYHPACHANEINA 27:22 ပူးပေါင်းရင်းမြစ်များ

2 SAMUELA 13:1

Cha khai tawhta hetana heta vaw châ ta, Dâvi sawchapawpa Absalaw ta sietanô hmi pha ngaitapa hnei ta, a moh cha Tâmâri a châ. Dâvi sawchapawpa Amanaw ta Tâmâri cha khoh ta.

EZEKIA 22:11

Chyhsa ta a vaih lapinô chô liata hmo pasichhihpa tao ta, mohropa ta sihryh ngaitapa ta a myuhnô papuapalei ta, mohropa ta a sietanô, a paw sawchanô tlai cha khihpi chhôh liata a ykhei.

THEIHTHAINA 18:9

“Na sietanô hno na ty awpa châ vei. Na paw sawchanô rai châ sala, na nô sawchanô rai châ sala, o kha liata na pilâhpa chhao, o hro lâta a pihpa chhao, a hno rai na ty awpa châ vei.

THEIHTHAINA 20:17

“Chyhsa ta a sietanô, a paw sawchanô tlyma, a nô sawchanônô tlyma hneipa ta, a sietanô thluahruana hmôpa ta, a sietanô chhao ta a rilâhpa thluahruana a hmô khiahta cha, nozachhih ngaitapa châ ta, ama phopi chyhsazy mohmô liata pahleipadia awpa ama châ. A sietanô thluahruana a palâpa châ ta, a paraona maoh a phaoh aw.