RYHPACHANEINA 27:2 - Mara Bible RV (BSI)

² Abeipa nama Khazohpa ta râh a cha piepa ei lâ sie awpa ta Zawdâh nama chaka noh ta alô laipazy bô aw ei chi ta, alô baina ta nama patusa aw ei.

RYHPACHANEINA 27:2 ပူးပေါင်းရင်းမြစ်များ

ZAWBÂ 19:24

Aw, ei biezy he thua châsôh nata ky ta Lôpanô liata chhâzaw ta khaipa châ sala ei tah kaw dia!

EZEKIA 11:19

Palôh miakha phaoh awpa ta tao aw ei na ta, pachâna thiehpa ei pahneisa aw ei. Ama sapa tawhta alô palôh lapa aw ei na ta, sapa palôh ei pie aw ei.

EZEKIA 36:26

Palôh thiehpa cha pie aw ei na ta, nama chhôh liata thlahpa thiehpa ei soh aw. Nama pôhpa tawhta palôh châkarupa la aw na ta, palôh naipa ei cha pie aw ei.

RYHPACHANEINA 11:31

Zawdâh chaka aw ei chi ta, Abeipa nama Khazohpa ta râh a cha piepa ei cha nama kei hnei aw. Cha râh cha hneipa ta, cha liata nama pahrâ tita,

RYHPACHANEINA 26:1

“Abeipa nama Khazohpa ta ryuto châta hnei awpa ta râh a cha piepa kei tlô aw ei chi ta, cha liata nama pahrâ tita,

RYHPACHANEINA 27:1

Mawsi nata Izarei machâzy ta zawpizy biepie ei ta, ama hnohta, “Tanoh ta bie eima cha piepa zydua ei he a pyh teh u.

RYHPACHANEINA 27:3

Abeipa nama Khazohpa ta râh a cha piepa ei, châ pathlatuhpazy Zehôvâh Khazohpa ta bie a châ taihpa ei, sâhpiti nata kheihti lona râh a ngia awpa ta Zawdâh nama chaka tita, he ryhpa biezy he alôzy liana cha nama roh awpa a châ.

RYHPACHANEINA 27:4

Zawdâh nama chaka khai nahta, tanoh ta bie ei cha piepa hawhna ei heta, Ebâ Tlâh liata alô zy bô aw ei chi ta, alô baina ta nama patusa aw.

RYHPACHANEINA 6:1

“He he Abeipa nama Khazohpa ta nâmo pachu awpa ta bie eina piepa, hnei awpa ta nama kei tlô awpa râh liata nama zyh awpa biepiepazy, bieraopazy nata pachianazy a châ:

RYHPACHANEINA 9:1

“Hy Izarei, nathlie teh, nâmo hlâta maluh hluh viapa nata thatlô viapa, avâ taihta thokhy ta dôhpa khihpizy siehnao ta pho awpa ta, tanoh cha Zawdâh nama chaka bâ aw.

ZAWSUA 1:11

“Riehmo chahryh u la, zawpi hnohta, ‘Nama niedozy a chhuanoh teh u. Noh thôh khai tawhta, Abeipa nama Khazohpa ta hnei awpa ta râh a cha piepa ei liata a ngia ta, râh cha hnei awpa ta Zawdâh he nama chaka bâ aw,’ tahpa ta biepie teh u,” tah ta.

ZAWSUA 4:1

A phopi duata Zawdâh ama chaka khai nahta, Abeipa ta Zawsua hnohta,

ZAWSUA 8:30

Chatawhcha Zawsua ta Ebâ Tlâh liata Abeipa Izarei Khazohpa châta maisâh tao ta.

ZAWSUA 8:31

Abeipa chakaotuhpa Mawsi ta Izarei sawzy hnohta bie a piepa, Mawsi ryhpa châbu liata ropa hawhta, alô khai leipa, ahy ta hmah thua chaihrai ama hmâ thlu leipa alô ta maisâh cha a tao. Cha liata Abeipa lâta raopa hlânazy hlâ ei ta, aryhna hlâna atheihnazy chhao ama hlâ.

ZAWSUA 8:32

Cha liata, Izarei sawzy mohmô lia tlai ta, Mawsi ro chaneipa ryhpa kha Zawsua ta alôzy liata roh pachhuah ta.