RYHPACHANEINA 27:10 - Mara Bible RV (BSI)

¹⁰ Chavâta Abeipa nama Khazohpa bie nama zyh awpa châ ta, tanoh ta eima cha piepa a bieraopazy nata a biepiepazy he nama zyh awpa a châ,” tah ei ta.

RYHPACHANEINA 27:10 ပူးပေါင်းရင်းမြစ်များ

THEIHTHAINA 19:2

“Izarei zawpi zydua chho la, ama hnohta hetana heta reih teh: Kei Abeipa nama Khazohpa he pathaih tlôh na ta, chavâta nâmo chhao nama pathaih awpa a châ.

MIKÂ 4:5

Phopi to ama khazoh moh chyu ta charei ei ta, Keimo deikua cha, Abeipa eima Khazohpa moh ta, Chhâzaw nata tlyzaw ta eima charei aw.

MIKÂ 6:8

“Hy chyhsapa, Abeipa ta hmo phapa a cha chho haw; Abeipa ta khâpa ma a châ hnaw? Adona taopa ta, Ngâchhihna pasô ta, Nawhna hro hrokheipa ta, Na Khazohpa nata charei khohpa he châ vei ma?”

MATHAI 5:48

Nama Paw avâ liata a ypa a sia pakipa hawhta, nâmo chhao nama sia paki awpa a châ.

RYHPACHANEINA 11:1

“Chavâta Abeipa nama Khazohpa cha kyh pachâ u la, â hnawpazy, a bieraopazy, a pachianazy nata a biepiepazy khâ nama zyh awpa a châ.

RYHPACHANEINA 26:17

Tanoh he Abeipa cha nama Khazohpa a châ tahpa phuah ha ei chi ta, a lâpizy a chhihpa ta, a bieraopazy, a biepiepazy nata a pachianazy zyhpa ta, a ao nathlie awpa ta bie namâ taih haw.

RYHPACHANEINA 26:18

Abeipa chhao ta bie a châ taihpa hawh ei ta, tanoh tlai ta nâmo cha a ryu sôhpa nata a biepiepa zydua a zyh awpa phopi ta a cha tao ha ei.

RYHPACHANEINA 27:11

Cha noh ta Mawsi ta zawpi cha biepie ta, ama hnohta,

RYHPACHANEINA 27:9

Chatawhcha Mawsi nata Livai chi theihthaipazy ta Izarei zydua hnohta, “Hy Izarei, a chalih u la pakhâta ta nathlie teh u. Tanoh he Abeipa nama Khazohpa phopi nama châ haw.