RYHPACHANEINA 27:1 - Mara Bible RV (BSI)

¹ Mawsi nata Izarei machâzy ta zawpizy biepie ei ta, ama hnohta, “Tanoh ta bie eima cha piepa zydua ei he a pyh teh u.

RYHPACHANEINA 27:1 ပူးပေါင်းရင်းမြစ်များ

1 THÂTIHZYRONA 28:8

Chavâta tahmâ Abeipa phopi Izarei saw zydua mohmô liata nata eima Khazohpa theina liana heta, Abeipa nama Khazohpa biepiepa zydua he zyh ta, pachâ awpa ta ei cha pasyu ei. Chatanachata he râh phapa he hnei aw ei chi ta, châ vaw pazi awpa nama pathlazy ta chhâzaw ta ama hnei awpa ryuto râh châta nama paryu pachhuah lymâ aw.

HLAZY 78:7

Ama hnabeiseihna Khazohpa liata pahnieh aw ei ta, Khazohpa hmotaopazy my leipa ta, A biepiepazy ama zyh lymâ aw.

LUKA 11:28

Châhrasala Zisu ta, “Khazohpa bie thei ta a zyhpazy cha chyhsa nohlao hmeiseihpazy tlao ama châ,” tah ta.

ZAWHÂNA 15:14

Bie ei cha piepa maih nama tao khiahta la, ei viasazy nama châ.

RYHPACHANEINA 1:1

He biezy he Zawdâh nochhi lâ râhchawhpa liata Mawsi ta Izarei saw zydua hnohta a reipazy a châ. Cha su cha Arabâ râh Supha dady liata y ta, hiakha lâ baih liata Pârâ y ta, hiakha lâ liata Tôpheli, Lâbâ, Hazerô nata Dizahâ zy a y.

RYHPACHANEINA 11:32

tanoh ta nama hmiakô liata ei sopa bieraopa nata pachiana zydua he pakhâta ta nama zyh khai awpa a châ.

RYHPACHANEINA 26:16

“Tanoh he Abeipa nama Khazohpa ta he bieraopazy nata pachianazy he tao awpa ta bie a cha pie ei. Chavâta nama pathipalôh tlokhuh ta nata nama thlahpa tlokhuh ta zyhpa ta nama tao awpa a châ.

RYHPACHANEINA 26:19

Abeipa nama Khazohpa ta bie â vaw taih hapa hawhta, nâmo cha reithaina, moh phana nata palyupalihna kyhzy liata, phopi a paduapa zydua chô liata y awpa nata Abeipa nama Khazohpa châta phopi pathaihpa châ awpa ta a cha padua ei,” tah ta.

RYHPACHANEINA 27:2

Abeipa nama Khazohpa ta râh a cha piepa ei lâ sie awpa ta Zawdâh nama chaka noh ta alô laipazy bô aw ei chi ta, alô baina ta nama patusa aw ei.

RYHPACHANEINA 6:17

Abeipa nama Khazohpa ta nama hnohta a cha piepa biepiepazy, a biepahnosapazy nata a bieraopazy pakhâta ta nama zyh awpa a châ.

ZÂMIE 2:10

Ahy rai ryhpa zydua zyh paki hra sala, kyh kha a parao khiahta cha, a zydua liata thaileipa a châ.