RYHPACHANEINA 26:7 - Mara Bible RV (BSI)

⁷ Abeipa miah pathlatuhpazy Khazohpa awsao pi ta, Abeipa ta eima awna ao thei ta, eima rietheizie zy, eima hriapasazie zy nata tlybaipa ta eima yzie zy miah hmô ta.

RYHPACHANEINA 26:7 ပူးပေါင်းရင်းမြစ်များ

ÂTHAONA 21:17

Khazohpa ta hawtipa ao cha thei ta. Khazohpa vâlyuhchâpa ta avâ tawhta Hâkarâ cha za aw ta, a hnohta, “Hâkarâ, khâpa ma na pachâ châ parôhsa? Chi khah y, hawtipa ao cha a yna lia tlai ta Khazohpa ta a thei haw.

ÂTHAONA 29:32

Liah cha saw phaoh ta, sawchapaw sa ta, “Abeipa ta ei pasataozie a hmôpa vâta a châ, tahmâ cha ei vahpa ta kyh eina pachâ ha aw,” tah ta, a moh Rubena a bi.

2 SAMUELA 16:12

Abeipa ta ei chô liata â doleipa ta a hmotaopa he hmô aw ta, tanoh ta ei chô liata chhie a sapa he a phapa lâta Abeipa ta eina thô thei mâh tâh,” tah ta.

HLAZY 119:132

Na moh a pasôpazy na ngiachhie tyhpa hawhta, Kei lâ a vaw heih la, Na ngiachhie mah y.

HLAZY 31:8

Ei chariahpa ku liata na hlâ leipa chi ta, Ei pheizy su kawhpa liata na paduasa.

HLAZY 50:15

Nôpona noh liata na pado la, Cha pachha aw na ta, Chatanachata eina parôhnasa aw chi,” Abeipa ta a tah.

PUASAINA 2:23

Daihti vâropi a châ tawhta, Izi bei cha thi ha ta. Izarei sawzy cha ama seichâna vâta a hrô ei ta, baotuhpa aw ei ta. Ama seichâna tawhta pachha awpa ta ama awna ao cha Khazohpa kô kaw tlô ta.

PUASAINA 2:25

Khazohpa ta Izarei sawzy cha moh ta, âmo cha pachâ kaw ta.

PUASAINA 3:9

Pachâ teh, Izarei sawzy awhpa ao ta ei kô na kaw daih ha ta, cha dei châ leipa ta, Izi mo ta âmo ama tlybaina chhao ei hmô haw.

PUASAINA 4:31

Izarei phopi ta ama biereipa cha zo ei ta, Abeipa ta Izarei sawzy za tly ta, ama pasataonazy a za hmô haw tahpa ama thei nahta, ama luh a bôhpa ta Abeipa cha a chhy ei ta.

PUASAINA 6:5

Cha dei châ vei, Izi mo ta sei ta ama hraipa Izarei sawzy a hrôpa thei na ta, ei biehrai ei thei thlâh haw.

ZEREMIAH 33:2

“Alei tao ta, pizie hneipa ta paysa ta a paduatuhpa Abeipa, a moh Zehôvâh ta hetana heta a tah:

1 SAMUELA 9:16

“Mylâ, he daihti liana heta, Benzami râh tawhta nâ lâta chyhsa pakha vaw pasiesa aw na ta, ei phopi Izarei chô liata ryureituhpa châta sathaw na thu aw. Ano ta ei phopi cha Philistinâ mo ku tawhta a pachha aw. Ei phopi chapa pyu ta ei kô kaw daih ta, ei phopi pasataona ei hmô haw,” tahpa ta vaw pahnosa chhielie ha ta.