RYHPACHANEINA 26:3 - Mara Bible RV (BSI)

³ Cha daihti ta theihthaina rai a hriapa lâ vawh aw ei chi ta, a hnohta, ‘Abeipa ta miah pathlatuhpazy hnohta pie awpa ta bie â taihpa râh eima tlô haw tahpa tanoh Abeipa na Khazohpa hnohta eima phuah,’ nama tah aw.

RYHPACHANEINA 26:3 ပူးပေါင်းရင်းမြစ်များ

ÂTHAONA 17:8

Tahmâ ta khichhai na châna râh, Kâna râh zydua he, nâ nata na hnôhlâ ta na pathla hnohta chhâzaw ryuto châta cha pie aw ei na ta, kei he ama Khazohpa ei châ aw,” tah ta.

ÂTHAONA 26:3

He râh liata y chy la, na hnohta y aw na ta, byhnâ ei cha pie aw. He râh zydua he nâma nata na pathlazy ei cha pie aw ei. Na paw Abarahâ hnohta bie ei taihpa kha ei pa-i aw.

RYHPACHANEINA 1:8

Moh teh u, nama hmiakô liata râh ei cha sopa ei hih. Sie u la, châ pathlatuhpa Abarahâ, Aisika nata Zakaw nata ama pathla vaw y lymâ awpazy hnohta pie awpa ta Abeipa ta bie â taihpa râh cha kei pahrâ teh u,’ miah tah ta.

RYHPACHANEINA 19:17

biepeipa a hneipazy cha, cha daihti liata theihthaipazy nata ryureituhpazy lâ ama pano ta vawh aw ei ta, Abeipa hmiakô liata amâ duah aw.

RYHPACHANEINA 26:2

Abeipa nama Khazohpa ta râh a cha piepa liata chhaohlei patheipa tawhta kô a veih tua chaipa zydua la aw chi ta, hrâbyh liata khô aw chi ta, Abeipa nama Khazohpa ta a moh y nawpa ta â tlyh awpa su lâ nama siekhei tyh aw.

RYHPACHANEINA 26:4

Theihthaipa ta hrâbyh cha nama ku tawhta la aw ta, Abeipa nama Khazohpa maisâh thaby liata a patyuh aw.

HEBRAI 10:21

Chatanachata Khazohpa chhôhkhazy chô liata theihthai rônahpa eima hneipa vâta,

HEBRAI 13:15

Chatanachata ano zawhzi ta reithaina atheihna cha Khazohpa hnohta khâ hlâ suh vy. Cha cha a moh achâhkheina hmaozy theilâpa a châ.

HEBRAI 7:26

Cha hawhpa theihthai beichaipa, pathaihpa, palôh phapa, apuapa a bai leipa, moleipazy tawhta pananopa nata avâzy chô lâta cheihchalopa eima hnei awpa cha â ngiahpa rai a châ.

1 PITY 2:5

Zisu Krista zawhzi ta Khazohpa a pyh tlâhpa thlahpa atheihna hlâtuhpa theihthai pathaihpazy châ awpa ta, alô hrohpa hawhta paduapa thlahpa o nama châ.