RYHPACHANEINA 26:2 - Mara Bible RV (BSI)

² Abeipa nama Khazohpa ta râh a cha piepa liata chhaohlei patheipa tawhta kô a veih tua chaipa zydua la aw chi ta, hrâbyh liata khô aw chi ta, Abeipa nama Khazohpa ta a moh y nawpa ta â tlyh awpa su lâ nama siekhei tyh aw.

RYHPACHANEINA 26:2 ပူးပေါင်းရင်းမြစ်များ

2 ABEIZY 4:42

Bâlâsalisâ tawhta chyhsa pakha vaw tlô ta, Khazohpa chyhsa châta sâh thiehpa ta taopa bâli viahchhâ tlâ kih nata sâh thiehpa suhzy sykhao ta vaw phaoh ta. Elaisâh ta, “Hrohsopazy nie awpa ta kei pie teh u,” tah ta.

2 THÂTIHZYRONA 31:5

Biepiepa a pathâhpa nahta, Izarei sawzy ta ama lyu liata a veih tuachaipa sâh, kresawhti, sathaw nata kheihti zy thata vaw thyu ei ta. Ama hneipa to tawhta su hrawh su kha chhao thata vaw thyu ei ta.

2 THÂTIHZYRONA 6:6

Tahmâ deikua cha, ei moh y nawpa châta Zerusale a tlyh ha na ta, ei phopi Izarei chhituhpa châta Dâvi ei tlyh haw,’ tahpa ta reih ta.

NEHEMIAH 12:44

Cha daihti liata, hmo sona chhôhpadâhpazy, thyunazy, thei hmiatuapazy nata su hrawh su khazy mohôhtuhpazy raopa châ ei ta. Âmo cha ryhpa ta â hnawpa hawhta, khih to lyuzy tawhta theihthaipazy nata Livai pathlazy tovyuh ama piepazy pahmaoh ta a mohôh awpazy ama châ. Zudâh mo cha theihthaipazy nata Livai pathlazy chakaona liata amâ ly ngaitapa vâta, theihthaipazy nata Livai pathlazy tovyuh ama pie tyh.

NEHEMIAH 13:31

Daihti raopa liata tho hlâna nata thei hmiatuapa hlânazy châta â ngiahpazy chhao ei pie ei. Hy ei Khazohpa, hmopha ei taopazy vâna heta nâ thei thlâh ha mah y.

PUASAINA 20:24

Keima châta alei maisâh tao aw chi ta, cha chô liana chata nâma châta raopa atheihnazy nata aryhna atheihnazy châta na mietakuzy nata na viahchaozy na hlâ tyh aw. Ei moh a thei thlâh ha nawpa ta ei raona su maih liata na hnohta a vy aw na ta, byhnâ ei cha awpa tyh aw.

PUASAINA 22:29

“Na kôvei tawhta nata na kresawhti saohpazy tawhta hlâ awpazy na pahawhpasâh awpa châ vei. Na sawchapawzy hry liata a pih tua chaipa cha, kei eina pie aw chi.

PUASAINA 23:16

Lyu liata na tupa, na hriapasana thei hmiatua chaipa Sâhhria Kyhchhi na tao tyh awpa a châ. Kô châh vaw di ta, lyu liata na hriapasana theizy na pakhy khai tawhta, Peihtla Kyhchhi na tao awpa a châ.

PUASAINA 23:19

“Na lyu liata chicheipa a daih tua chaipazy hry liata a pha chaipazy cha, Abeipa na Khazohpa o liata na hlâ awpa a châ. “Mietaw sa cha a panô sâhpiti ta na chho awpa châ vei.

PUASAINA 34:26

Na lyu liata chicheipa a daih tua chaipazy hry liata a pha chaipazy cha, Abeipa na Khazohpa o liata na hlâ awpa a châ. Mietaw sa cha a panô sâhpiti ta na chho awpa châ vei,” tah ta.

ZEREMIAH 2:3

Izarei cha Abeipa châta pathaihpa châ ta, A sâh hria a daih tuachaipazy a châ. A niepa maihta thailei châ ei ta, Chhiena ta a tlô thlu ei,” Abeipa ta a tah.

EZEKIA 20:40

“Izarei pathla zydua ta, ama zydua tlai ta, Izarei râh liata ei tlâh pathaihpa, Izarei tlâh sâhpa liata na chakao aw ei ta, cha liata âmo ei ly aw ei. Cha liata, nama thyunazy, nama hmohlâpa pha chaipazy nata nama atheihna pathaihpazy ei châ hnaw aw ei.

EZEKIA 44:30

Thei hmiatuapazy hry liata a pha chaipa maih nata nama hmohlâpa to tawhta a pha chaipa maih cha theihthaipazy tovyuh a châ aw. Nama o liata byhnâ a y lymâ thei nawpa ta, viahdie pahlypa pha chaipa cha theihthaipazy hnohta nama pie awpa a châ.

EZEKIA 48:14

Râh cha ama zua awpa châ leipa ta, amâ ri awpa châ hra vei. Cha râh pha chaipa cha, Abeipa châta râh pathaihpa a châpa vâta, mohropa hnohta ama pie awpa châ vei.

THEIHTHAINA 2:12

Niepa hlânazy cha thei hmiatuapa hlâpa hawhta Abeipa lâta hlâ aw chi ta, maisâh liata ropahâhpa hlâna châta deikua hmâ awpa châ vei.

THEIHTHAINA 2:14

“Thei hmiatuapa tawhta niepa hlâna Abeipa lâta na hlâ khiahta cha, sâh suh a daih tuachaipazy hry tawhta tai aw chi ta, cha cha mei liata zawh aw chi ta, tly aw chi ta, a sâh cha na hlâ awpa a châ.

RAWMA 11:16

Thei hmiatuapa châta viahchhâ eichheihpa hlâpa a pathaih khiahta cha, viahchhâ tlâ pôhpalôhpa a pathaih. A thari a pathaih khiahta cha, a chiahzy a pathaih.

RAWMA 16:5

Ama o liata Awnanopa a pakhypazy chhao kha nâ naohpa muh vy. Ei kho ngaitapa Epenetâ, Asia râh liata Krista a ngiapâ tua chaipa chhao kha nâ naohpa muh vy.

RAWMA 8:23

Hmotaopazy dei châ vei, keimo, Thlahpa thei hmiatuapa a hneituhpazy tlai chhao heta, saw châ awpa ta eima pôhpa chatlaina cha ngiatiah leipa ta hâpa ta, palôh ta eimâ rôh ngâ kaw hra.

1 KAWRINI 15:20

Châhrasala Krista cha athihpazy hry tawhta pathyupa ta a y hmeiseihpa a châ, a môpazy thyuheihna hmia a sahtuhpa a vaw châ haw.

1 KAWRINI 15:23

Châhrasala ama daihti chyu liata a châ aw. Krista cha thyuheihna hmia a sahtuhpa châ ta, â vy heihna liata Krista eihzy pathyupa ama châ aw.

1 KAWRINI 16:2

Ei vy tita thyuna khei chhyhpa a châ lei nawpa ta, hâta noh hmiatuapa lia maihta, chyhsa to byhnâ nama topa lymâ hawhta thyuna sohpakhypa ta nama pachô lymâ aw.

RYHPACHANEINA 16:10

Chatawhcha Abeipa nama Khazohpa châta Hâta Kyhchhi taopa aw ei chi ta, Abeipa nama Khazohpa ta byhnâ a cha piepa lymâ hawh ei ta, lôhthai hlâna nama hlâ aw.

RYHPACHANEINA 18:4

Nama sâh, nama kresawhti nata nama sathaw a veih tuapa nata nama mietaku hmi ngyu tuapa zy chhao theihthaipa nama pie aw.

RYHPACHANEINA 26:1

“Abeipa nama Khazohpa ta ryuto châta hnei awpa ta râh a cha piepa kei tlô aw ei chi ta, cha liata nama pahrâ tita,

RYHPACHANEINA 26:3

Cha daihti ta theihthaina rai a hriapa lâ vawh aw ei chi ta, a hnohta, ‘Abeipa ta miah pathlatuhpazy hnohta pie awpa ta bie â taihpa râh eima tlô haw tahpa tanoh Abeipa na Khazohpa hnohta eima phuah,’ nama tah aw.

ZÂMIE 1:18

A hmotaopazy hry liata hmia a sahpa eima châ thei nawpa ta, ano khozie hawhta biehmeiseihpa liata a sapa eima châ.

ZAWSUA 18:1

Izarei zawpi zydua Silô khihpi liata a pahmaoh ei ta, cha liata achhyna poh o parai ei ta. Râh cha ama biehneina ry liata y ha ta.

BIEPHUAH 14:4

Cha chyhsazy cha chanô liata a papua leipa, chapaw kôpazy ama châ. Mietakutaw siena lâ maih a zituhpazy châ ei ta, Khazohpa châta nata Mietakutaw châta a pathei tua chaipazy châ awpa ta, chyhsa hry tawhta chatlaipazy ama châ.