RYHPACHANEINA 26:16 - Mara Bible RV (BSI)

¹⁶ “Tanoh he Abeipa nama Khazohpa ta he bieraopazy nata pachianazy he tao awpa ta bie a cha pie ei. Chavâta nama pathipalôh tlokhuh ta nata nama thlahpa tlokhuh ta zyhpa ta nama tao awpa a châ.

RYHPACHANEINA 26:16 ပူးပေါင်းရင်းမြစ်များ

MATHAI 28:20

bie ei cha piepa zydua ei kha zyh awpa ta pachu teh u. Nathlie teh u, nama hnohta ei y thlâh ha aw, khizaw chhâna taih ta,” tah ta.

ZAWHÂNA 14:15

“Kyh eina pachâ khiah ei chi ta cha, ei biepiepazy nama zyh aw.

RYHPACHANEINA 10:12

“Chavâta Hy Izarei, Abeipa nama Khazohpa ta a châ hnawpa ei cha khâpa hropa châ leipa ta, Abeipa nama Khazohpa cha chipa ta, a lâpi zydua a chhih ta, ano kyhpachâ ta, nama pathipalôh tlokhuh ta nata nama thlahpa tlokhuh ta Abeipa nama Khazohpa cha chakao ta,

RYHPACHANEINA 11:1

“Chavâta Abeipa nama Khazohpa cha kyh pachâ u la, â hnawpazy, a bieraopazy, a pachianazy nata a biepiepazy khâ nama zyh awpa a châ.

RYHPACHANEINA 11:8

“Chavâta thatlôpa ta ypa ta, hnei awpa ta nama pangaipa râh cha nama hnei thei nawpa ta, tanoh ta biepiepa ei cha piepa zydua he nama zyh khai awpa a châ.

RYHPACHANEINA 12:1

“Hezy he, alei chô liata nama hro chhôh zydua ta, Abeipa, châ pathlatuhpazy Khazohpa ta hnei awpa ta a cha piepa ei râh liata pakhâta ta nama zyh awpa bieraopazy nata pachianazy a châ.

RYHPACHANEINA 12:32

Bie ei cha piepa zydua ei he pakhâta ta nama tao awpa a châ. Nama baichha awpa châ leipa ta, nama thy bâ awpa châ hra vei.

RYHPACHANEINA 26:17

Tanoh he Abeipa cha nama Khazohpa a châ tahpa phuah ha ei chi ta, a lâpizy a chhihpa ta, a bieraopazy, a biepiepazy nata a pachianazy zyhpa ta, a ao nathlie awpa ta bie namâ taih haw.

RYHPACHANEINA 4:29

Châhrasala cha tawhna chata Abeipa nama Khazohpa cha tlua u la, nama pathipalôh tlokhuh ta nata nama thlahpa tlokhuh ta nama tlua khiahta cha, nama hmô heih aw.

RYHPACHANEINA 6:1

“He he Abeipa nama Khazohpa ta nâmo pachu awpa ta bie eina piepa, hnei awpa ta nama kei tlô awpa râh liata nama zyh awpa biepiepazy, bieraopazy nata pachianazy a châ:

RYHPACHANEINA 6:17

Abeipa nama Khazohpa ta nama hnohta a cha piepa biepiepazy, a biepahnosapazy nata a bieraopazy pakhâta ta nama zyh awpa a châ.

RYHPACHANEINA 6:5

Abeipa nama Khazohpa cha nama pathipalôh tlokhuh ta, nama thlahpa tlokhuh ta, nama thatlôna tlokhuh ta kyh nama pachâ awpa a châ.

RYHPACHANEINA 8:2

A biepiepazy nama zyh ma, zyh vei ma tahpa nama palôh pahno nawpa ta, cha panawh ta, cha pasia awpa ta, Abeipa nama Khazohpa ta kô sypalih dua râhchawhpa liata a châ chhipa ei namâ thei thlâh awpa a châ.