RYHPACHANEINA 26:14 - Mara Bible RV (BSI)

¹⁴ Su hrawh su kha cha mâchhie eima sa nota nie leipa pi ta, eima pathaih lei daihti liata chhao kheihawhpa hmah la leipa pi ta, kheihawhpa hmah athihpa hlâ ma pi. Abeipa eima Khazohpa ao nathlie pi ta, bie miah na piepa zydua hawhta eima tao khai.

RYHPACHANEINA 26:14 ပူးပေါင်းရင်းမြစ်များ

HLAZY 106:28

Bâlâ-peô a chhy ei ta, Athipa lâta hlâpa atheihna sazy ama nie.

HLAZY 18:22

A ryureina zydua ei hmiakô liata y ta, A bieraopazy kei tawhta thy va na.

ZEREMIAH 16:7

Mâchhiesapazy cha athipa amâ ngiahna thlapalôh awpa ta, ahy hmahta niedo pie leipa aw ei ta, ama paw tlyma, ama nô tlyma, athipa amâ ngiahna hnapangâhna nyu doh awpa chhao ahy hmahta pie aw veih ei.

EZEKIA 24:17

Arulâta a hrô la, athipa châta mâchhie sa khah y. Na khutho a khu la, na pheikyzy a ky la, pohluh a khu leipa la, rihâ pati chhao nie khah y,” tah ta.

HÔSIA 9:4

Abeipa lâta kresawhti hlânazy patlai thei leipa aw ei ta, Amâ theihnazy ta a palôh patlâh aw vei; Amâ theihna viahchhâ cha âmo châta, Mâchhiesapazy viahchhâ hawhta châ aw ta, A niepa maih a papuapalei aw; Ama viahchhâ cha, Âmo nodi papaina châ deita a châ aw; Abeipa o lâ a vaw ngia aw vei.

THEIHTHAINA 21:1

Abeipa ta Mawsi hnohta, “Arawna sawchapaw theihthaipazy chho la, ama hnohta hetana heta reih teh: Theihthaipa cha, a chiheihzy hry liata athihpa vâta â papuapalei awpa châ vei.

THEIHTHAINA 21:11

Athihpa ri yna liata â ngia awpa châ leipa ta, a nô tlyma, a paw tlyma vâta chhao â papuapalei awpa châ vei.

THEIHTHAINA 7:20

Pathaih leina chôta Abeipa lâta hlâpa aryhna hlâna atheihna sa a niepa cha, a phopi tawhta chhawh pathlahpa a châ aw.

MALAKHAI 2:13

Hmo hropa nama taopa chhao a y via. Abeipa ta nama hmohlâpa uasa khao leipa ta, nama ku tawhta palôhtlâhpa ta a châ hlâ khao leipa vâ ei ta, mothlih, chana nata arôhna ta Abeipa maisâh cha nama pabie.

RYHPACHANEINA 13:5

Cha hawhpa hrohsopa tlyma, mâ sapa ta chhochhieliena bie a reihpa tlyma deikua cha, Izi râh tawhta châ kaw chhi papuatuhpa, sei châna o tawhta châ chatlaituhpa Abeipa nama Khazohpa adyuhna bie reih ta, Abeipa nama Khazohpa ta a chhih awpa ta bie a cha piepa ei lâpi tawhta patleisa a châ chhuahpa vâ ei ta, thie awpa a châ. Cha hawhna chata hmo pha leipa cha nama hry tawhta nama pahlei ha aw.

RYHPACHANEINA 15:5

Byhna nama to thei nawpa ta, Abeipa nama Khazohpa ao pakhâta ta nathlie aw ei chi ta, tanoh ta biepiepa ei cha piepa zydua he nama zyh awpa a châ.

RYHPACHANEINA 16:11

Chatanachata Abeipa nama Khazohpa ta a moh y nawpa ta â tlyhpa su liata, nama sawchapawzy, nama sawchanôzy, nama seichapawzy, nama seichanôzy, Livai chi nama yna khih liata a pahrâpazy, nama hry liata a ypa chihropazy nata paw hnei leipa nata nôhmeizy chhaota Abeipa nama Khazohpa hmiakô liata thaphapa ta nama y aw.

RYHPACHANEINA 26:13

Cha khai tawhta Abeipa nama Khazohpa hmiakô liata bie reih aw ei chi ta, a hnohta, ‘Eima hnohta bie miah na piepa hawhta, hmo pathaihpazy eima o tawhta papua pi ta, Livai chizy, mapaihpazy, paw hnei leipazy nata nôhmeizy eima pie. Na biepiepazy miakha hmah parao leipa pi ta, my hra ma pi.

RYHPACHANEINA 26:15

Na yna su pathaihpa vârâh tawhta za moh la, na phopi Izarei nata râh miah na piepa, miah pathlatuhpazy hnohta bie nâ vaw taihpa, sâhpiti nata kheihti lona râh he byhnâ pie mah y!’ nama tah aw.