RYHPACHANEINA 26:12 - Mara Bible RV (BSI)

¹² “Kô thôhna kô, su hrawh su kha piena kô liata, kô veihpa zydua tawhta su hrawh su kha soh aw ei chi ta, nama yna khih liata Livai chi a ypazy, mapaihpazy, paw hnei leipazy nata nôhmeizy ta nie ei sala, rihbiepa ta ama y thei nawpa ta nama pie aw.

RYHPACHANEINA 26:12 ပူးပေါင်းရင်းမြစ်များ

ÂTHAONA 47:24

Sâh hria daihti liata, Phiraoh châta su pangawh su kha lymâ pie aw ei chi ta, su palih nâmo eih a châ aw. Cha cha lyu liata cheih heih awpa châta zy, nâmo nata nama chhôhkhazy nie awpa châta zy, nama hawtizy nie awpa châta zy a châ aw,” tah ta.

ÂTHAONA 47:26

Phiraoh ta su pangawh liata su kha a hmô lymâ awpa kyh cha, Zawsi ta Izi râh ryhpa châta tao ta, cha cha tanoh taihta hmâpa châ ta, theihthaipazy râh deita Phiraoh râh lâta a lie leipa a châ.

BIESOZY 14:21

A vaih a mohnaopa cha moleipa châ ta, Dyhchhiepazy chô liata a ria a phapa deikua cha vânoh a to aw.

THEIHTHAINA 27:30

“Râh tawhta a puapa su hrawh su kha zydua, alei tawhta sâh nata tho theilâpa zydua Abeipa eih châ khai ta, Abeipa châta pathaihpa a châ.

MALUHREINA 18:24

Izarei sawzy ta su hrawh su kha Abeipa lâta chalopa hlâna ta ama hlâpa cha, Livai pathlazy hnohta ama ryuto châta ei pie. Chavâta ama hnohta ‘Izarei sawzy hry liata ryuto hnei aw veih ei’ ei tahpa a châ,” tah ta.

RYHPACHANEINA 16:14

Cha kyhchhi cha, nama sawchapawzy, nama sawchanôzy, nama seichapawzy, nama seichanôzy, Livai chi nama khih liata a ypazy, chihropazy, paw hnei leipazy nata nôhmeizy chhaota thaphapa ta nama hmâh tyh aw.

HEBRAI 7:5

Livai pathlazy hry liata theihthaipa raihria a topa maih cha, ryhpa hawhta chyhsazy tawhta su hrawh su kha la awpa ta biepiepa ama châ. Cha chyhsazy cha Abarahâ pathla ama unawhzy châ ei ta, âmo tawhta su hrawh su kha ama la tyh.

HEBRAI 7:9

Su hrawh su kha a la tyhpa Livai tlai chhao kha, Abarahâ siepahliepa ta su hrawh su kha a pie hrapa hawhta pachâ theipa a châ.