RYHPACHANEINA 26:10 - Mara Bible RV (BSI)

¹⁰ Chavâta Hy Abeipa, tahmâ nâ ta miah na piepa chhaohlei thei pathei tua chaipazy eima vaw cheih,’ nama tah aw. Thei hmiatuapa nama hlâpazy cha Abeipa nama Khazohpa hmiakô liata soh aw ei chi ta, Abeipa nama Khazohpa cha a hmiakô liata a bôhpa ta namâ naoh aw.

RYHPACHANEINA 26:10 ပူးပေါင်းရင်းမြစ်များ

1 THÂTIHZYRONA 29:14

“Ahy ma châ na ta, ei chiheihzy chhao he ahyzy ma châ ei ta, he hawhta keimo kho tlai ta hmopiepazy eima vaw hlâ thei tly? Hmo to nâ tawhta eima hmôpa châ ta, na eih eima cha pie lilaw heihpa dei a châ.

HLAZY 22:27

Khizaw kaokih zydua ta a thei aw ei ta, Abeipa lâ amâ heih aw; Râh to liata chi tozy a hmiakô liata amâ bôh aw.

HLAZY 22:29

Lei hneirôhpa zydua ta kyhchhipa ta ano cha a chhy aw ei ta, Dohlei lâta a zu awpa zydua ta a hmiakô liata amâ bôh aw; Anosasyh â pahro thei leipa chhao ta Abeipa cha â chhy aw.

HLAZY 86:9

Hy Abeipa, phopi na taopa zydua a vy aw ei ta, Na hmiakô liata a bôhpa ta, Na moh ama palyupalih aw.

HLAZY 95:6

A vy u la, a chhypa ta a bôh sih la, Abeipa miah Taotuhpa hmiakô liata pakhu paneih ei suh u!

PUASAINA 22:29

“Na kôvei tawhta nata na kresawhti saohpazy tawhta hlâ awpazy na pahawhpasâh awpa châ vei. Na sawchapawzy hry liata a pih tua chaipa cha, kei eina pie aw chi.

PUASAINA 23:19

“Na lyu liata chicheipa a daih tua chaipazy hry liata a pha chaipazy cha, Abeipa na Khazohpa o liata na hlâ awpa a châ. “Mietaw sa cha a panô sâhpiti ta na chho awpa châ vei.

BIESOZY 10:22

Abeipa byhnâ cha chyhsa pahneirôhsa ta, Pachârôhna baichha tyh vei.

BIESOZY 3:9

Na hneina ta Abeipa palyupalih la, Na kôvei a daih tuachaipa zydua ta Abeipa cha palyupalih mah y.

ISAI 66:23

“Ei hmiakô liata nâ chhy awpa ta, Thla thiehpa maihta chyhsa zydua a vy aw ei ta, Pahânoh maihta amâ vy aw,” Abeipa ta a tah.

RAWMA 2:1

Chavâta Hy chyhsapa, nâ, mohropa a sei thaipa, rei awpa rai hnei va chi. Mohropa na seina liana tlai khata, nâmasasyh ta thailei nâ pachâsa haw, nâ, seituhpa tlai chhao chi kha, cha hawhpa hmozy a tao tyhpa na châ hrapa vâta.

1 KAWRINI 10:31

Chavâta nama nie tlyma, nama doh tlyma, nama taopa maih Khazohpa rônahna châta tao muh vy.

RYHPACHANEINA 18:4

Nama sâh, nama kresawhti nata nama sathaw a veih tuapa nata nama mietaku hmi ngyu tuapa zy chhao theihthaipa nama pie aw.

RYHPACHANEINA 26:17

Tanoh he Abeipa cha nama Khazohpa a châ tahpa phuah ha ei chi ta, a lâpizy a chhihpa ta, a bieraopazy, a biepiepazy nata a pachianazy zyhpa ta, a ao nathlie awpa ta bie namâ taih haw.

RYHPACHANEINA 26:2

Abeipa nama Khazohpa ta râh a cha piepa liata chhaohlei patheipa tawhta kô a veih tua chaipa zydua la aw chi ta, hrâbyh liata khô aw chi ta, Abeipa nama Khazohpa ta a moh y nawpa ta â tlyh awpa su lâ nama siekhei tyh aw.

RYHPACHANEINA 26:4

Theihthaipa ta hrâbyh cha nama ku tawhta la aw ta, Abeipa nama Khazohpa maisâh thaby liata a patyuh aw.

RYHPACHANEINA 8:18

Abeipa nama Khazohpa cha namâ thei thlâh ha awpa a châ. Ano tlai cha nama hneirôh nawpa ta hmotaotheina châ pietuhpa ei châ ta, tanoh ta namâ tyhpa hawhna heta, châ pathlatuhpazy hnohta bie â taihpa a biehrai a pa-ituhpa a châ.

BIEPHUAH 22:9

Châhrasala ano ta ei hnohta, “Khata tao khah y! Kei cha nâ nata na unawhpa hrohsopazy nata he châbu biezy a pyhtuhpazy chakaolâhpa mah ei châ tâh. Khazohpa tlao a chhy teh,” na tah ta.