RYHPACHANEINA 25:2 - Mara Bible RV (BSI)

² Moleipa cha tu tlâh a châ khiahta cha, ryureituhpa ta paziasa aw ta, ryureituhpa hmiakô liata ama tu aw. A moleina yzie hawhta, ei khazie tu awpa ma tahpa raopa a châ aw.

RYHPACHANEINA 25:2 ပူးပေါင်းရင်းမြစ်များ

NEHEMIAH 13:25

Âmo cha ra ei na ta, chhiesapa ei na ta, thokhazy cha tu ei na ta, ama sâzy phia na ta. Khazohpa moh ta bie pataihsa ei na ta, ama hnohta, “Nama sawchanôzy cha ama sawchapawzy nama pie awpa châ leipa ta, nama sawchapawzy châta tlyma, nâmo châta tlyma, ama sawchanôzy nama hnei awpa châ vei.

BIESOZY 19:29

Chyhsa pasipasawh a hmâhpazy châta hriena a mâ chiehpa ta y ta, Ahrupazy hnôhky chhao tu awpa ta a mâ chiehpa ta a y.

MATHAI 10:17

Chyhsazy tawhta a vaih teh u. Ryureina lâ cha hlâ aw ei ta, pakhyna ozy liata ama cha tu aw.

MATHAI 27:26

Chatanachata Bârabâ cha papua ta, Zisu deikua cha a pachheisa khai tawhta, khaipâ awpa ta hlâ ha ta.

HMOTAOPAZY 23:3

Pawla ta a hnohta, “Nâ, pâhchhô hlyu ngyuh hniapa, Khazohpa ta a cha chabaih aw. Ryhpa hawhta na pachia awpa ta a tyuh chi ta, khazia ryhpa chakhiapa ta na chabaih awpa ta bie na pie?” tah ta.

HMOTAOPAZY 5:40

A reipa cha pha tah ei ta, lyuhchâpazy cha aw ei ta, chhei ei ta, Zisu moh ta bie rei lei awpa ta biepie ei ta, ama pathlie haw.

1 PITY 2:20

Tuna pasataona namâ tyh tita, tiama kawpa ta dao thei hra u la, moleina hmo nama taopa vâta namâ tyhpa a châ khiahta cha, khâpa phahnaina a hnei? Hmo pha taopa vâta pasa tao ei chi ta, tiama kawpa ta nama dao thei khiahta deikua cha, cha cha Khazohpa hmiakô liata palyupalihna a to tlâh a châ.

1 PITY 2:24

Moleina thisaipa ta siana lâta eima hroh thei nawpa ta, eima moleinazy cha ano ta a pôhpa tlai ta tho liata phaoh ta, Krista hmahzy ta patlâhpa ta nama y haw.